സമ്പത്തിലുള്ള അവകാശമാണ് സകാത്ത്. അത് യഥാവിധം നൽകിവീട്ടുവാൻ അല്ലാഹു കൽപ്പിച്ചിരിക്കുന്നു. സകാത്ത് നൽകാത്തവരെ തങ്ങളുടെ സമ്പത്തുകൾ കൊണ്ട് അന്ത്യനാളിൽ ശിക്ഷിക്കുമെന്ന് അവൻ പറഞ്ഞിരിക്കുന്നു. പ്രസ്തുത ശിക്ഷയാകട്ടെ വിവിധ രീതിയിലാണെന്ന് തെളിവുകൾ അറിയിക്കുകയും  ചെയ്യുന്നു.

 

ഒന്ന്: അയാളുടെ സമ്പത്തിനെ വിഷാധിക്യത്താൽ തൊലിപോയ ഒരു പാമ്പിനെ പേലെയാക്കുകയും അത്  അവന്റെ കഴുത്തിനുചുറ്റും ഒരു വളയമെന്നോണം കിടന്ന് ഞാനാണ് നിന്റെ സമ്പത്തെന്നും ധനശേഖരമെന്നും പറയും.

അല്ലാഹുവിന്റെ റസൂൽ  ‎ﷺ  പറഞ്ഞു:

“സമ്പത്തുള്ള ഏതൊരു വ്യക്തിയും തന്റെ സമ്പത്തിന്റെ വിഹിതം(സകാത്ത്) നൽകിയിട്ടില്ലായെങ്കിൽ, അല്ലാഹു അയാളുടെ കഴുത്തിനുചുറ്റും ഒരു വളയമെന്നോണം ഒരു പാമ്പിനെ ആക്കുന്നതാണ്. വിഷാധിക്യത്താൽ തൊലിപോയ (പാമ്പായിരിക്കും അത്). അവൻ അതിൽനിന്ന് ഓടും, അത് അവനെ പിന്തുടരുകയും ചെയ്യും. ശേഷം അല്ലാഹുവിന്റെ റസൂൽ ‎ﷺ  വിശുദ്ധ ക്വുർആനിൽ നിന്നും ഓതി:

അല്ലാഹു അവന്റെ അനുഗ്രഹത്തിൽ നിന്ന് തങ്ങൾക്ക് തന്നിട്ടു ള്ളതിൽ പിശുക്ക് കാണിക്കുന്നവർ അതവർക്ക് ഗുണമാണെന്ന് ഒരിക്കലും വിചാരിക്കരുത്. അല്ല, അവർക്ക് ദോഷകരമാണത്. അവർ പിശുക്ക് കാണിച്ച ധനംകൊണ്ട് ഉയിർത്തെഴുന്നേൽപ്പിന്റെ നാളിൽ അവരുടെ കഴുത്തിൽ മാല ചാർത്തുന്നതാണ്. (സൂറ ത്തുആലിഇംറാൻ:180)  

 

രണ്ട്: സകാത്ത് നൽകി ശുദ്ധി വരുത്താത്ത സമ്പത്ത് കൊണ്ടു വരപ്പെടും. സ്വർണ്ണവും വെള്ളിയുമാണ് പ്രസ്തുത സമ്പത്തെങ്കിൽ അവ തീക്കട്ടകളാക്കി മാറ്റിയെടുത്ത് അതുകൊണ്ട് അവൻ ശിക്ഷി ക്കപ്പെടും. അല്ലാഹു പറഞ്ഞു:

…സ്വർണ്ണവും വെള്ളിയും നിക്ഷേപമാക്കിവെക്കുകയും, അല്ലാഹു വിന്റെ മാർഗ്ഗത്തിൽ അത് ചെലവഴിക്കാതിരിക്കുകയും ചെയ്യുന്നവരാരോ അവർക്ക് വേദനയേറിയ ശിക്ഷയെപ്പറ്റി സന്തോഷവാർത്ത അറിയിക്കുക. നരകാഗ്നിയിൽ വെച്ച് അവ ചുട്ടുപഴുപ്പിക്കപ്പെടുകയും, എന്നിട്ടതുകൊണ്ട് അവരുടെ നെറ്റികളിലും പാർശ്വങ്ങളിലും മുതുകുകളിലും ചൂടുവെക്കപ്പെടുകയും ചെയ്യുന്ന ദിവസം (അവരോട് പറയപ്പെടും): നിങ്ങൾ നിങ്ങൾക്ക് വേണ്ടിതന്നെ നിക്ഷേപിച്ചുവെച്ചതാണിത്. അതിനാൽ നിങ്ങൾ നിക്ഷേപിച്ച് വെച്ചിരുന്നത് നിങ്ങൾ ആസ്വദിച്ച് കൊള്ളുക. (സൂറത്തുത്തൗബഃ: 34,35)

ഇമാം മുസ്ലിം അബൂഹുറയ്റ رَضِيَ اللَّهُ عَنْهُ  യിൽനിന്ന് റിപ്പോർട്ട് ചെയ്യുന്ന ഹദീഥിൽ ഇപ്രകാരം കാണാം അല്ലാഹുവിന്റെ റസൂൽ ‎ﷺ  പറഞ്ഞു:

“സ്വർണ്ണത്തിന്റെയും വെള്ളിയുടെയും സകാത്ത് നൽകിവീട്ടാതെയുള്ള അവയുടെ ഉടമകളിൽ ഒരാളുമില്ല അന്ത്യനാളായാൽ തീയിൽനിന്നുള്ള കട്ടകൾ അയാൾക്കായി എടുക്കപ്പെടാതെ; ശേഷം നരകത്തീയിൽ അവ ചൂടാക്കപ്പെടും. അതിൽപിന്നെ അവന്റെ പാർശ്വങ്ങളിലും നെറ്റിയിലും മുതുകിലും അവകൊണ്ട് ചൂടുവെ ക്കപ്പെടുകയും ചെയ്യും. അത് തണുക്കുമ്പോഴെല്ലാം അത് വീണ്ടും ചൂടാക്കി അവനിലേക്ക് മടക്കപ്പെടും. അമ്പതിനായിരം വർഷങ്ങളുടെ ദൈർഘ്യമുള്ള ഒരു ദിനമായിരിക്കും ഇത്. അങ്ങിനെ അടിയാറുകൾക്കിടയിൽ വിധിതീർപ്പ് നടക്കും. അതിൽപിന്നെ അവൻ തന്റെ വഴികാണും. ഒന്നുകിൽ സ്വർഗ്ഗത്തിലേക്ക് അല്ലെങ്കിൽ നരകത്തിലേക്ക്.”

ഒട്ടക സമ്പത്തുള്ള വ്യക്തി സകാത്തിലൂടെ തന്റെ സമ്പത്ത് സംസ്കരിച്ചിട്ടില്ലെങ്കിൽ അവനുള്ള ശിക്ഷയെ കുറിച്ച് നബി ‎ﷺ  ചോദിക്കപ്പെട്ടപ്പോൾ തിരുമേനി ‎ﷺ യുടെ  പ്രതികരണം ഉപരി സൂചിത അബൂഹുറയ്റഃ رَضِيَ اللَّهُ عَنْهُ  യുടെ ഹദീഥിൽ ഇപ്രകാരം വായിക്കാം:

“…ഒട്ടകത്തിന്റെ സകാത്ത് നൽകിവീട്ടാതെയുള്ള അവയുടെ ഉടമ (അന്ത്യനാളിൽ വരും.) അവയുടെ അവകാശത്തിൽപ്പെട്ടതാണ് അവ വെള്ളം കുടിക്കുവാൻ വരുന്ന ദിനം അവയെ കറന്നെടുക്കുകയെന്നത്. (അകിട്ടിലെ പാല് കറന്നെടുത്ത് അവക്ക് ആശ്വാസം നൽകലും അവിടെ കൂടിയ സാധുക്കൾക്ക് പാല് പകർന്ന് നൽകലുമാണ് ആ അവകാശങ്ങൾ) അന്ത്യനാളായാൽ അവക്ക് നീണ്ട് പരന്ന് വിശാലമായ ഒരു സ്ഥലം ഒരുക്കപ്പെടും. അവയെ ഏറ്റവും കൊഴുത്ത നിലയിലും ഒരു ഒട്ടകക്കുട്ടിപോലും നഷ്ടപ്പെടാത്ത നിലയിലും ആക്കുകയും ചെയ്യും. അവ അവനെ അവയുടെ കുളമ്പുകൾകൊണ്ട് ചവിട്ടുകയും വായകൾകൊണ്ട് കടിക്കുകയും ചെയ്യും. അവയിൽ ഒന്നാമത്തേത് അവന്റെമേൽ നടന്നുപോയാൽ ഒടുക്കത്തേതിനെ അവനിലേക്ക് മടക്കപ്പെടുന്നതാണ്. അമ്പതിനായിരം വർഷങ്ങളുടെ ദൈർഘ്യമുള്ള ഒരു ദിനമായിരിക്കും ഇത്. അങ്ങിനെ അടിയാറുകൾക്കിടയിൽ വിധിതീർപ്പ് നടക്കും. അതിൽപിന്നെ അവൻ തന്റെ വഴികാണും. ഒന്നുകിൽ സ്വർഗ്ഗത്തിലേക്ക് അല്ലെങ്കിൽ നരകത്തിലേക്ക്… 

ആടുമാടുകൾ സമ്പത്തായുള്ള വ്യക്തി സകാത്തിലൂടെ തന്റെ കാലി സമ്പത്ത് സംസ്കരിച്ചിട്ടില്ലയെങ്കിൽ അവനുള്ള ശിക്ഷയെ കുറിച്ച് നബി ‎ﷺ  ചോദിക്കപ്പെട്ടപ്പോൾ തിരുമേനി ‎ﷺ യുടെ  പ്ര തികരണം ഉപരി സൂചിത അബൂഹുറയ്റഃ رَضِيَ اللَّهُ عَنْهُ യുടെ ഹദീഥിൽ ഇപ്ര കാരം വായിക്കാം:

“…ആടുമാടുകളുടെ സകാത്ത് നൽകിവീട്ടാതെയുള്ള അവയുടെ ഉടമയുമില്ല (അന്ത്യനാളിൽ വരാതെ.) അന്ത്യനാളായാൽ അവക്ക് നീണ്ട് പരന്ന് വിശാലമായ ഒരു സ്ഥലം ഒരുക്കപ്പെടും. യാതൊന്നും അവയിൽനിന്ന് നഷ്ടപ്പെടുകയില്ല. അവയിൽ കൊമ്പ് വളഞ്ഞതോ കൊമ്പില്ലാത്തതോ കൊമ്പ് മുറിഞ്ഞതോ ഇല്ല. അവനെ അവ അവയുടെ കൊമ്പുകൾ കൊണ്ട് കുത്തുകയും കുളമ്പുകൾ കൊണ്ട് ചവിട്ടുകയും ചെയ്യും. അവയിൽ ഒന്നാമത്തേത് അവന്റെ മേൽ നടന്നുപേയാൽ ഒടുക്കത്തേതിനെ അവനിലേക്ക് മടക്കപ്പെടുന്നതാണ്.  അമ്പതിനായിരം വർഷങ്ങളുടെ ദൈർഘ്യമുള്ള ഒരു ദിനമായിരിക്കും ഇത്. അങ്ങിനെ അടിയാറുകൾക്കിടയിൽ വിധി തീർപ്പ് നടക്കും. അതിൽപിന്നെ അവൻ തന്റെ വഴികാണും. ഒന്നു കിൽ സ്വർഗ്ഗത്തിലേക്ക് അല്ലെങ്കിൽ നരകത്തിലേക്ക്.”

 

 

 

മരണപ്പെട്ടവർക്കുവേണ്ടി വിലപിച്ചട്ടഹസിക്കലും ശബ്ദമുണ്ടാക്കിക്കരയലും ജാഹിലിയ്യത്തിന്റെ സംസ്കാരമാണ്. സഹിക്കുകയും ക്ഷമിക്കുകയും നാഥന്റെ വിധിയിൽ തൃപ്തിപ്പെടുകയുമാണ് വേണ്ടത്. ക്ഷമാശീലർക്കാണ് തങ്ങളുടെ രക്ഷിതാവിങ്കൽ നിന്ന് അനുഗ്രഹങ്ങളും കാരുണ്യവും ലഭിക്കുന്നത്. മരണപ്പെട്ടവർക്കു വേണ്ടി വിലപിച്ചട്ടഹസിക്കുന്നവർ മോശമായ നിലയിലാണ് അന്ത്യ നാളിൽ ഉയിർത്തെഴുന്നേൽക്കുക. അബൂമാലിക് അൽഅശ്അരി رَضِيَ اللَّهُ عَنْهُ  യിൽനിന്ന് നിവേദനം: അല്ലാഹുവിന്റെ റസൂൽ رَضِيَ اللَّهُ عَنْهُ പറഞ്ഞു:

أَرْبَعٌ فِي أُمّتِي مِنْ أَمْرِ الْجَاهِلِيّةِ لا يَتْرُكُونَهُنّ: الْفَخْرُ فِي الأَحْسَابِ, وَالطّعْنُ فِي الأَنْسَابِ, وَالاسْتِسْقَاءُ بِالنّجُومِ, وَالنّيَاحَةُ، وَقَالَ: ട്ടالنّائِحَةُ إِذَا لَمْ تَتُبْ قَبْلَ مَوْتِهَا, تُقَامُ يَوْمَ الْقِيَامَةِ وَعَلَيْهَا سِرْبَالٌ مِنْ قَطِرَانٍ, وَدِرْعٌ مِنْ جَرَب

“എന്റെ ഉമ്മത്തികളിൽ ജാഹിലിയ്യാകാര്യങ്ങളിൽനിന്നും നാല് കാര്യങ്ങളുണ്ട്. അതവർ ഒഴിവാക്കുകയില്ല. കുലമഹിമയിൽ അഹങ്കരിക്കൽ, തറവാടിനെ കുത്തിപ്പറയൽ, നക്ഷത്രങ്ങൾ കാരണത്താലാണ് മഴ വർഷിച്ചത് എന്ന് വാദിക്കൽ, മരണപ്പെട്ടവർക്കുവേണ്ടി വിലപിച്ചട്ടഹസിക്കൽ. എന്നിട്ട് അല്ലാഹുവിന്റെ റസൂൽ ‎ﷺ പറഞ്ഞു: മയ്യിത്തിന്റെ പേരിൽ ആർത്തട്ടഹസിച്ചവൾ മരിക്കുന്നതിന് മുമ്പായി തൗബഃ ചെയ്തില്ലെങ്കിൽ അന്ത്യനാളിൽ ഉരുക്കിയ ടാറിന്റെ ആവരണവും ശരീരം മുഴുവൻ ചൊറിയുന്ന ഒരു അങ്കിയുമായിട്ടായിരിക്കും അവൾ ഉയിർത്തെഴുന്നേൽപ്പിക്കപ്പെടുക.”  (മുസ്ലിം)
പുരുഷനെ അപേക്ഷിച്ച് സ്ത്രീകളാണ് മരണപ്പെട്ടവരുടെ പേരിൽ ഏറ്റവും കൂടുതലായും പെട്ടന്നും അക്ഷമ പ്രകടിപ്പിക്കുന്നത്. അതിനാലാണ് അവരെ കുറിച്ചുള്ള പരാമർശം പ്രത്യേക മായി വന്നത്.

 

അബ്ദുൽ ജബ്ബാർ അബ്ദുല്ല