“ഞാൻ എങ്ങിനെ സുഖം കാണുവാനാണ്? സ്വൂറിന്റെ ആൾ സ്വൂർ ചുണ്ടിൽ അമർത്തിയിരിക്കുന്നു. തന്റെ നെറ്റി താഴ്ത്തിയിരിക്കുന്നു. തന്റെ ചെവി കൊടുത്തിരിക്കുന്നു. ഊതുവാൻ കൽപ്പി ക്കപ്പെടുന്നതിന് കാത്തിരിക്കുകയാണ്. കൽപ്പനയെത്തിയാൽ ഊതുവാനായി. മുസ്ലിംകൾ പറഞ്ഞു: അല്ലാഹുവിന്റെ തിരുദൂതരേ അപ്പോൾ ഞങ്ങൾ എങ്ങിനെയാണ് പ്രാർത്ഥിക്കേണ്ടത്?  തിരുമേനി ‎ﷺ  പറഞ്ഞു: നിങ്ങൾ പറയുക:

“ഞങ്ങൾക്ക് അല്ലാഹു മതി. അല്ലാഹു, ഭരമേൽപ്പിക്കപ്പെടുവാൻ ഏറ്റവും ഉത്തമനാകുന്നു. ഞങ്ങളുടെ രക്ഷിതാവായ അല്ലാഹു വിൽ ഞങ്ങൾ ഭരമേൽപ്പിച്ചിരിക്കുന്നു.”

 

 

അന്ത്യനാൾ സംഭവിക്കുന്നത് വെള്ളിയാഴ്ചയിലായി രിക്കും. വെള്ളിയാഴ്ചയുടെ മഹത്വവുമായി ബന്ധപ്പെട്ട് വന്ന ഏതാനും ഹദീഥുകൾ താഴെ നൽകുന്നു.

അബൂഹുറയ്റ رَضِيَ اللَّهُ عَنْهُ യിൽ നിന്ന് നിവേദനം. അല്ലാഹുവിന്റെ റസൂൽ ‎ﷺ  പറഞ്ഞു:

“സൂര്യനുദിച്ച നാളുകളിൽ ഏറ്റവും ശ്രേഷ്ഠമായ നാൾ വെള്ളി യാഴ്ചയാകുന്നു. ആ ദിനത്തിൽ ആദം സൃഷ്ടിക്കപ്പെട്ടു. അന്ന് അദ്ദേഹം സ്വർഗ്ഗത്തിൽ പ്രവേശിപ്പിക്കപ്പെടുകയും ആ ദിവസം തന്നെ അതിൽനിന്ന് പുറത്താക്കപ്പെടുകയും ചെയ്തു. വെള്ളി യാഴ്ചയല്ലാതെ അന്ത്യനാൾ സംഭവിക്കുകയില്ല.” (മുസ്ലിം)

ഓസ് ഇബ്നു ഔസി رَضِيَ اللَّهُ عَنْهُ ൽ നിന്ന് നിവേദനം. അല്ലാഹുവിന്റെ റസൂൽ ‎ﷺ  പറഞ്ഞു:

“നിങ്ങളുടെ നാളുകളിൽ ഏറ്റവും ശ്രേഷ്ഠമായ നാൾ വെള്ളി യാഴ്ചയാകുന്നു. ആ ദിനത്തിൽ ആദം സൃഷ്ടിക്കപ്പെട്ടു. അതിൽ അദ്ദേഹം മരിപ്പിക്കപ്പെടുകയും ചെയ്തു. ആ ദിനമായിരിക്കും കാഹളത്തിലുള്ള ഊത്തും സൃഷ്ടികൾ ഉയർന്നേൽക്കുവാനുള്ള ഊത്തും. അതിനാൽ ആ ദിനം നിങ്ങൾ എന്റെ മേൽ സ്വലാ ത്തിനെ വർദ്ധിപ്പിക്കുക. കാരണം, നിങ്ങളുടെ സ്വലാത്ത് എനിക്ക് പ്രദർശിപ്പിക്കപ്പെടുന്നതാണ്.”

അനസി رَضِيَ اللَّهُ عَنْهُ ൽ നിന്ന് നിവേദനം. അല്ലാഹുവിന്റെ റസൂൽ ‎ﷺ  പറഞ്ഞു:

“എനിക്ക് ദിവസങ്ങൾ പ്രദർശിപ്പിക്കപ്പെട്ടു. അങ്ങിനെ അവ യിൽ എനിക്ക് വെള്ളിയാഴ്ചയും പ്രദർശിപ്പിക്കപ്പെട്ടു. അപ്പോഴതാ അത് ഒരു വെളുത്തു തെളിഞ്ഞ കണ്ണാടി പോലെ. അതിന്റെ മദ്ധ്യത്തിൽ ഒരു കറുത്ത അടയാളമുണ്ട്. ഞാൻ ചോദിച്ചു: ഇത് എന്താണ്? പറയപ്പെട്ടു: അന്ത്യനാൾ.”

അനസ് ഇബ്നു മാലികി رَضِيَ اللَّهُ عَنْهُ ൽ നിന്ന് നിവേദനം. അല്ലാഹുവിന്റെ റസൂൽ ‎ﷺ പറഞ്ഞു:

“എന്റെ അടുക്കൽ ജിബ്രീൽ (അ) വന്നു. അദ്ദേഹത്തിന്റെ കയ്യി ൽ വെളുത്ത ഒരു കണ്ണാടി ഉണ്ടായിരുന്നു; അതിൽ കറുത്ത ഒരു പുള്ളിയുണ്ട്, അപ്പോൾ ഞാൻ ചോദിച്ചു: ജിബ്രീൽ ഇത് എന്താണ് ? അദ്ദേഹം പറഞ്ഞു: ഇത് ജുമുഅഃയാണ്. താങ്കളുടെ രക്ഷിതാവ് താങ്കൾക്ക് അത് പ്രദർശിപ്പിച്ചു തരുകയാണ്; താങ്കൾ ക്കും താങ്കളുടെ ശേഷം വരുന്ന സമൂഹത്തിനും  അതൊരു ആ ഘോഷദിനമാകുവാൻ വേണ്ടി. പ്രവാചകൻ ‎‎ﷺ  ചോദിച്ചു: ഞങ്ങൾക്ക്, അതിൽ എന്താണ് (ശ്രേഷ്ഠതയായി) ഉള്ളത്? (ജിബ്രീൽ) പറഞ്ഞു: അതിൽ നിങ്ങൾക്ക് നന്മയുണ്ട്.  അതിൽ ഒരു സമയമുണ്ട്. ആരെങ്കിലും ആ സമയം തന്റെ റബ്ബിനോട് വല്ല നന്മക്കും വേണ്ടി ദുആയിരന്നാൽ, ആ നന്മ അവന് വിധിച്ചിട്ടു ണ്ടെങ്കിൽ അവനത് അല്ലാഹു നൽകാതിരിക്കില്ല. ആ നന്മ അവന് വിധിച്ചിട്ടില്ലായെങ്കിൽ അതിനേക്കാൾ മഹത്തരമായത് അവന് റബ്ബ് സൂക്ഷിച്ചുവെക്കും. ഇനി വല്ല തിന്മയിൽ നിന്നും അവൻ അഭയം തേടിയാൽ പ്രസ്തുത തിന്മ അവന് വിധിക്ക പ്പെട്ടതാണെങ്കിൽ അല്ലാഹു അവന് അഭയം നൽകാതിരിക്കില്ല. ഇനി അവന് (പ്രസ്തുത തിന്മ) വിധിച്ചിട്ടില്ലായെങ്കിൽ അതിനേ ക്കാൾ ഗൗരവമേറിയതിൽ നിന്ന് അല്ലാഹു അവന് അഭയം നൽകും. ഞാൻ ചോദിച്ചു: അതിലുള്ള (കണ്ണാടിയിലുള്ള) കറുത്ത പുള്ളിയെന്താണ്? (ജിബ്രീൽ) പറഞ്ഞു: അത് അന്ത്യ നാളാണ്. വെള്ളിയാഴ്ച അത് സംഭവിക്കും.”

വെള്ളിയാഴ്ചദിനം അന്ത്യനാൾ സംഭവിക്കുമെന്നതിനാൽ മനുഷ്യരും ജിന്നുകളുമൊഴിച്ച് മറ്റു സൃഷ്ടിജാലങ്ങളെല്ലാം നിറഞ്ഞ പേടിയിലും തികഞ്ഞ ആകാംക്ഷയിലുമായിരിക്കും. 

അബൂഹുറയ്റ رَضِيَ اللَّهُ عَنْهُ യിൽ നിന്ന് നിവേദനം. അല്ലാഹുവിന്റെ റസൂൽ ‎ﷺ  പറഞ്ഞു:

“സൂര്യനുദിച്ച നാളുകളിൽ ഏറ്റവും ശ്രേഷ്ഠമായ നാൾ വെള്ളി യാഴ്ചയാകുന്നു. ആ ദിനത്തിൽ ആദം സൃഷ്ടിക്കപ്പെട്ടു. അന്ന് അദ്ദേഹം സ്വർഗ്ഗത്തിൽ നിന്ന് ഇറക്കപ്പെടുകയും അദ്ദേഹത്തി ന്റെ പശ്ചാതാപം സ്വീകരിക്കപ്പെടുകയും അദ്ദേഹം മരണപ്പെടുകയും ചെയ്തു.അന്നാളിൽ അന്ത്യനാൾ സംഭവിക്കും. വെള്ളി യാഴ്ചദിനം പ്രഭാതോദയം മുതൽ സൂര്യോദയം വരെ ഏതൊരു ജീവിയും അന്ത്യനാളിനെ കുറിച്ചുള്ള ഭയപ്പാടിനാൽ അതിന് കാതോർത്തിരിക്കും; മനുഷ്യനും ജിന്നുകളുമൊഴിച്ച്.” 

 

കാഹളത്തിൽ ഉൗതപ്പെടുന്നത് എത്ര തവണ എന്നതിൽ പണ്ഡിതന്മാർക്കിടയിൽ ഒന്നിലധികം അഭിപ്രായങ്ങളുണ്ട്. ശരി യോട് ഏറ്റവും അടുത്തതും തെളിവുകളിൽ നിന്ന് കൂടുതൽ തെളിയുന്നതും രണ്ട് തവണ കാഹളത്തിൽ ഊതപ്പെടും എന്ന താണെന്ന് പല പണ്ഡിതന്മാരും രേഖപ്പെടുത്തിയിട്ടുണ്ട്. ഇമാം അൽഹാഫിള്വ് ഇബ്നു ഹജറും ഇമാം ക്വുർത്വുബിയും അവരിൽ പ്രബലരാണ്. സ്വൂറിലെ ഊത്തുമായി ബന്ധപ്പെട്ട് അല്ലാഹു പറഞ്ഞു:

ഒരൊറ്റ ഘോരശബ്ദം മാത്രമാണ് അവർ കാത്തിരിക്കുന്നത്. അവർ അന്യോന്യം തർക്കിച്ച് കൊണ്ടിരിക്കെ അതവരെ പിടി കൂടും. അപ്പോൾ യാതൊരു വസ്വിയ്യത്തും നൽകാൻ അവർക്ക് സാധിക്കുകയില്ല. അവർക്ക് അവരുടെ കുടുംബത്തിലേക്ക് മടങ്ങാനും ആകുകയില്ല. കാഹളത്തിൽ ഊതപ്പെടും. അപ്പോൾ അവർ ഖബ്റുകളിൽ നിന്ന് അവരുടെ രക്ഷിതാവിങ്കലേക്ക് കുതിച്ച് ചെല്ലും. (സൂറത്തുയാസീൻ : 49, 50, 51)

ഒന്നാമത്തെ ഊത്തിന് റാജിഫത്ത് എന്നും രണ്ടാമത്തെ ഊത്തിന് റാദിഫത്ത് എന്നും വിശുദ്ധ ക്വുർആനിൽ പേര് വന്നിരിക്കുന്നു. അല്ലാഹു പറഞ്ഞു:

ആ നടുക്കുന്ന സംഭവം(റാജിഫത്ത്) നടുക്കമുണ്ടാക്കുന്ന ദിവസം. അതിനെ തുടർന്ന് അതിന്റെ പിന്നാലെ റാദിഫത്തും. (സൂറത്തു ന്നാസിആത്ത് : 6,7)

 

അബൂഹുറയ്റഃ رَضِيَ اللَّهُ عَنْهُ യിൽ നിന്ന്നിവേദനം.നബി ‎ﷺ  പറഞ്ഞു: 

“രണ്ട് ഊത്തുകൾക്കിടയിൽ നാൽപ്പത് ഉണ്ട്.” അവർ ചോദിച്ചു: അബൂഹുറയ്റാ, നാൽപ്പത് ദിവസമാണോ?  അബൂ ഹുറയ്റഃ ‎رَضِيَ اللَّهُ عَنْهُ   പറഞ്ഞു: “”ഞാൻ വിസമ്മതിച്ചു.” അവർ ചോദിച്ചു: നാൽപ്പത് മാസമാണോ?  അദ്ദേഹം പറഞ്ഞു: “”ഞാൻ വിസമ്മ തിച്ചു.” അവർ ചോദിച്ചു: നാൽപ്പത് വർഷമാണോ?  അദ്ദേഹം പറഞ്ഞു: “”ഞാൻ വിസമ്മതിച്ചു.” (ബുഖാരി, മുസ്ലിം)

അബ്ദുല്ലാഹിബ്നു അംറി رَضِيَ اللَّهُ عَنْهُ ൽ നിന്ന് നിവേദനം: അല്ലാഹുവിന്റെ റസൂൽ ‎ﷺ  പറഞ്ഞു:

ثُمَّ يُنْفَخُ فِى الصُّورِ فَلاَ يَسْمَعُهُ أَحَدٌ إِلاَّ أَصْغَى لِيتًا وَرَفَعَ لِيتًا قَالَ وَأَوَّلُ مَنْ يَسْمَعُهُ رَجُلٌ يَلُوطُ حَوْضَ إِبِلِهِ قَالَ فَيَصْعَقُ وَيَصْعَقُ النَّاسُ ثُمَّ يُرْسِلُ اللَّهُ – أَوْ قَالَ يُنْزِلُ اللَّهُ – مَطَرًا كَأَنَّهُ الطَّلُّ أَوِ الظِّلُّ   نُعْمَانُا لشَّاكُّ – فَتَنْبُتُ مِنْهُ أَجْسَادُ النَّاسِ ثُمَّ يُنْفَخُ فِيهِ أُخْرَى فَإِذَاهُمْ قِيَامٌ يَنْظُرُونَ

“ശേഷം കാഹളത്തിൽ ഊതപ്പെടും. അത് കേൾക്കുന്ന ആരു മില്ല തന്റെ പിരടി ഉയർത്തുകയും താഴ്ത്തുകയും ചെയ്യാതെ. ആദ്യമായി അത് കേൾക്കുന്ന വ്യക്തി തന്റെ ഒട്ടകത്തിന്റെ ഹൗദ്വ് നന്നാക്കുകയായിരിക്കും. തിരുമേനി ‎ﷺ  പറഞ്ഞു: അതോടെ അയാൾ ചലനമറ്റ് വീഴും. ജനങ്ങളും ചലനമറ്റ് വീഴും. ശേഷം അല്ലാഹു ഒരു മഴയെ നിയോഗിക്കും അല്ലെങ്കിൽ മഴയെ വർഷിക്കും. അത് ഒരു പാറൽമഴ പോലെയോ അല്ലെങ്കിൽ തണൽ പോലെയോ ആയിരിക്കും. (നുഅ്മാൻ എന്ന റാവിയു ടെ സംശയമാണ്) അതിൽനിന്നായിരിക്കും മനുഷ്യ ശരീരങ്ങൾ മുളപൊട്ടുന്നത്. ശേഷം വീണ്ടുമൊരിക്കൽ കാഹളത്തിൽ ഊതപ്പെടും അപ്പോളതാ അവർ എഴുന്നേറ്റ് നോക്കുന്നു.”  (മുസ്ലിം)