ജീവിതലക്ഷ്യത്തെ കുറിച്ച് ആളുകള്‍ക്ക് വ്യത്യസ്തമായ കാഴ്ചപ്പാടുകളാണുള്ളത്. ഭൂരിഭാഗം ആളുകളുടേയും ജീവിതലക്ഷ്യം ഈ ഐഹികജീവിതത്തിലെ ആവശ്യങ്ങളുമായി ബന്ധപ്പെട്ടതാണ്. മുസ്ലിംകളില്‍ നല്ലൊരു വിഭാഗത്തിന്റെ അവസ്ഥയും ഇതില്‍ നിന്നും വ്യത്യസ്തമല്ല. ഒരു വിദ്യാ൪ത്ഥിയെ സംബന്ധിച്ചിടത്തോളം ‘നല്ലൊരു ജോലി’ എന്നതാണ് ജീവിത ലക്ഷ്യമായി മാതാപിതാക്കള്‍ അവനെ പഠിപ്പിക്കുന്നത്. നല്ലൊരു ജോലിയെന്ന ലക്ഷ്യം മുന്നില്‍ കണ്ട് ഏകദേശം 25 വയസ് വരെ അവന്‍ കഠിനമായ പഠനത്തിലാണ്. അക്കാലമത്രയും അവന്‍ പഠനത്തിന് മാത്രം ശ്രദ്ധകൊടുക്കുന്നു. അവന്‍ നമസ്കാരം കൃത്യമായി നി൪വ്വഹിക്കുകയോ അല്ലാഹുവിന്റെ വിധിവിലക്കുകള്‍ പാലിച്ച് ജീവിക്കുയോ ചെയ്യുന്നതില്‍ യാതൊരു ശ്രദ്ധയും കാണിക്കുന്നില്ല.

പഠനം പൂ൪ത്തിയാക്കിയ അവന്‍ തന്റെ ജീവിതലക്ഷ്യമായ നല്ലൊരു ജോലി കണ്ടെത്തുന്നു. അവന്‍ വിവാഹം കഴിക്കുകയും മക്കളാകുകയും ചെയ്യുന്നതോടെ പിന്നെ അവരുടെ കാര്യവും അതിനായുള്ള ധനസമ്പാദനവുമാണ് അവന്റെ അടുത്ത ലക്ഷ്യം. അതിന് വേണ്ടി നാടും നീടും വീട്ടുപോകാന്‍ വരെ അവന്‍ തയ്യാറാണ്. ഇതിനിടയില്‍ നമസ്കാരം കൃത്യമായി നി൪വ്വഹിക്കുകയോ അല്ലാഹുവിന്റെ വിധിവിലക്കുകള്‍ പാലിച്ച് ജീവിക്കുയോ ചെയ്യുന്നതില്‍ അവന്‍‍ യാതൊരു ശ്രദ്ധയും കാണിക്കുന്നില്ല. അങ്ങനെ കൊല്ലങ്ങളോളം അദ്ധ്വാനിച്ച് അയാള്‍ മക്കളെയെല്ലാം പഠിപ്പിച്ച് അവ൪ക്കെല്ലാം ജോലിയാക്കി തന്റെ സ്വത്തുക്കളെല്ലാം ഓഹരി ചെയ്തു കൊടുത്ത് സുരക്ഷിതമാക്കുന്നു. അതിന് ശേഷമാണ് അയാള്‍ വിശ്രമിക്കുന്നത്.

യഥാ൪ത്ഥത്തില്‍ അയാളുടെ ജീവിതം എന്തിന് വേണ്ടിയായിരുന്നു? ഇതിന് വേണ്ടി മാത്രമായിരുന്നോ അല്ലാഹു അയാളെയും നമ്മളെയുമെല്ലാം സൃഷ്ടിച്ചത് ? അല്ലെങ്കില്‍ പരമാവധി ആസ്വദിച്ചുകൊണ്ട് മരണം വരെ സുഖിച്ച് ജീവിക്കണമെന്നതാണോ നമ്മുടെ ജീവിത ലക്ഷ്യം? നല്ലൊരു ദാമ്പത്യ ജീവിതമാണോ നമ്മുടെ ജീവിത ലക്ഷ്യം? എന്നാല്‍ എത്രയോ പേരുടെ ദാമ്പത്യം പാതിവഴിയില്‍ തകരുന്നു. ദമ്പതികളില്‍ ഒരാള്‍ ഇടക്ക് മരണപ്പെടുന്നു. കുട്ടികളെ വള൪ത്തലാണോ ജീവിതത്തിന്റെ ലക്ഷ്യം? എത്രയെത്ര കുട്ടികളാണ് ചെറുപ്പത്തിലേ മരണപ്പെടുന്നത്. അതേപോലെ കുട്ടികള്‍ ജനിക്കാത്തവരുമുണ്ട്. നല്ല ജോലിയും നല്ല വീടും നല്ല സമ്പാദ്യവുമാണോ നമ്മുടെ ജീവിത ലക്ഷ്യം? എത്രയെത്ര ആളുകള്‍ക്ക് അതൊന്നും ലഭിക്കുന്നില്ല.

ﻳَﻌْﻠَﻤُﻮﻥَ ﻇَٰﻬِﺮًا ﻣِّﻦَ ٱﻟْﺤَﻴَﻮٰﺓِ ٱﻟﺪُّﻧْﻴَﺎ ﻭَﻫُﻢْ ﻋَﻦِ ٱﻻْءَﺧِﺮَﺓِ ﻫُﻢْ ﻏَٰﻔِﻠُﻮﻥَ

ഐഹികജീവിതത്തില്‍ നിന്ന് പ്രത്യക്ഷമായത് അവര്‍ മനസ്സിലാക്കുന്നു. പരലോകത്തെപ്പറ്റിയാകട്ടെ അവര്‍ അശ്രദ്ധയില്‍ തന്നെയാകുന്നു.(ഖു൪ആന്‍:30/7)

ﻭَﺇِﻥَّ ﻛَﺜِﻴﺮًا ﻣِّﻦَ ٱﻟﻨَّﺎﺱِ ﺑِﻠِﻘَﺎٓﺉِ ﺭَﺑِّﻬِﻢْ ﻟَﻜَٰﻔِﺮُﻭﻥَ ………

…തീര്‍ച്ചയായും മനുഷ്യരില്‍ അധികപേരും തങ്ങളുടെ രക്ഷിതാവിനെ കണ്ടുമുട്ടുന്നതില്‍ വിശ്വാസമില്ലാത്തവരത്രെ.(ഖു൪ആന്‍:30/8)

യഥാ൪ത്ഥത്തില്‍ മനുഷ്യ ജീവിതത്തിന് ഒരു ലക്ഷ്യമുണ്ട്. അത് കൃത്യമായി മനസ്സിലാക്കുന്നതിന് ആദ്യ മനുഷ്യന്റെ സൃഷ്ടിപ്പിനെ കുറിച്ച് നാം ഓ൪ക്കേണ്ടതുണ്ട്. ആദ്യ മനുഷ്യനായ ആദമിനേയും(അ) അദ്ദേഹത്തിന്റെ ഇണയായ ഹവ്വായേയും(അ) അല്ലാഹു സ്വ൪ഗ്ഗത്തിലാണ് സൃഷ്ടിച്ചത്. അല്ലാഹുവിന്റെ ഒരു കല്‍പ്പന ലംഘിച്ചപ്പോള്‍ അല്ലാഹുവിന്റെ ഒരു തീരുമാനവുമെന്നോണം അവ൪ സ്വ൪ഗ്ഗത്തില്‍ നിന്ന് പുറത്താക്കപ്പെടുകയും ഭൂമിയില്‍ താമസം ആരംഭിക്കുകയും ചെയ്തു.

ﻗَﺎﻝَ ٱﻫْﺒِﻄُﻮا۟ ﺑَﻌْﻀُﻜُﻢْ ﻟِﺒَﻌْﺾٍ ﻋَﺪُﻭٌّ ۖ ﻭَﻟَﻜُﻢْ ﻓِﻰ ٱﻷَْﺭْﺽِ ﻣُﺴْﺘَﻘَﺮٌّ ﻭَﻣَﺘَٰﻊٌ ﺇِﻟَﻰٰ ﺣِﻴﻦٍ ﻗَﺎﻝَ ﻓِﻴﻬَﺎ ﺗَﺤْﻴَﻮْﻥَ ﻭَﻓِﻴﻬَﺎ ﺗَﻤُﻮﺗُﻮﻥَ ﻭَﻣِﻨْﻬَﺎ ﺗُﺨْﺮَﺟُﻮﻥَ

അവന്‍ (അല്ലാഹു) പറഞ്ഞു: നിങ്ങള്‍ (സ്വ൪ഗ്ഗത്തില്‍ നിന്ന്) ഇറങ്ങിപ്പോകൂ. നിങ്ങളില്‍ ചിലര്‍ ചിലര്‍ക്ക് ശത്രുക്കളായിരിക്കും. നിങ്ങള്‍ക്ക് ഭൂമിയില്‍ വാസസ്ഥലമുണ്ട്‌. ഒരു നിശ്ചിതസമയം വരെ ജീവിത സൌകര്യങ്ങളുമുണ്ട്‌. അവന്‍(അല്ലാഹു) പറഞ്ഞു: അതില്‍ (ഭൂമിയില്‍) തന്നെ നിങ്ങള്‍ ജീവിക്കും. അവിടെ തന്നെ നിങ്ങള്‍ മരിക്കും. അവിടെ നിന്ന് തന്നെ നിങ്ങള്‍ (പരലോക ജീവിതത്തിനായി) പുറത്ത് കൊണ്ട് വരപ്പെടുകയും ചെയ്യും.(ഖു൪ആന്‍:7/24-25)

സ്വ൪ഗ്ഗത്തില്‍ നിന്ന് താല്‍ക്കാലികമായാണ് മനുഷ്യനെ അല്ലാഹു പുറത്താക്കിയത്. ആ സ്വ൪ഗ്ഗത്തില്‍ തന്നെയാണ് മനുഷ്യന് എത്തിപ്പെടേണ്ടത്. സ്വ൪ഗ്ഗത്തില്‍ നിന്ന് പുറത്താക്കപ്പെട്ട മനുഷ്യന് വീണ്ടും അവിടെ എത്തുന്നതിനായി അല്ലാഹു ഒരു പരീക്ഷ ഏ൪പ്പെടുത്തിയിട്ടുണ്ട്. അതാണ് ഈ ഐഹിക ജീവിതം.

ٱﻟَّﺬِﻯ ﺧَﻠَﻖَ ٱﻟْﻤَﻮْﺕَ ﻭَٱﻟْﺤَﻴَﻮٰﺓَ ﻟِﻴَﺒْﻠُﻮَﻛُﻢْ ﺃَﻳُّﻜُﻢْ ﺃَﺣْﺴَﻦُ ﻋَﻤَﻼً ۚ ﻭَﻫُﻮَ ٱﻟْﻌَﺰِﻳﺰُ ٱﻟْﻐَﻔُﻮﺭُ

നിങ്ങളില്‍ ആരാണ് കൂടുതല്‍ നന്നായി പ്രവര്‍ത്തിക്കുന്നവന്‍ എന്ന് പരീക്ഷിക്കുവാന്‍ വേണ്ടി മരണവും ജീവിതവും സൃഷ്ടിച്ചവനാകുന്നു അവന്‍. അവന്‍ പ്രതാപിയും ഏറെ പൊറുക്കുന്നവനുമാകുന്നു.(ഖു൪ആന്‍:67/2)

ഐഹിക ജീവിതമാകുന്ന ഈ പരീക്ഷയില്‍ വിജയം നേടുന്നവനാണ് സ്വ൪ഗ്ഗം ലഭിക്കുന്നത്. അതില്‍ പരാജയപ്പെടുന്നവന് നരകമാണ് ലഭിക്കുന്നത്. ഐഹിക ജീവിതമാകുന്ന ഈ പരീക്ഷയില്‍ വിജയം നേടി സ്വ൪ഗ്ഗത്തില്‍ പ്രവേശിക്കുകയെന്നുള്ളതാണ് ഓരോ മനുഷ്യന്റേയും ജീവിത ലക്ഷ്യം. അതില്‍ വിജയിക്കുന്നവനാണ് യഥാ൪ത്ഥ ജീവിത ലക്ഷ്യം നേടിയെടുത്തത്.

ﻓَﻤَﻦ ﺯُﺣْﺰِﺡَ ﻋَﻦِ ٱﻟﻨَّﺎﺭِ ﻭَﺃُﺩْﺧِﻞَ ٱﻟْﺠَﻨَّﺔَ ﻓَﻘَﺪْ ﻓَﺎﺯَ ۗ ﻭَﻣَﺎ ٱﻟْﺤَﻴَﻮٰﺓُ ٱﻟﺪُّﻧْﻴَﺎٓ ﺇِﻻَّ ﻣَﺘَٰﻊُ ٱﻟْﻐُﺮُﻭﺭِ

…അപ്പോള്‍ ആര് നരകത്തില്‍ നിന്ന് അകറ്റിനിര്‍ത്തപ്പെടുകയും സ്വര്‍ഗത്തില്‍ പ്രവേശിപ്പിക്കപ്പെടുകയും ചെയ്യുന്നുവോ അവനാണ് വിജയം നേടുന്നത്‌. ….(ഖു൪ആന്‍:3/185)

قال الشيخ عثيمين رحمه الله : ليس الفوز أن تفوز بشيئ من الدنيا بل الفوز أن تزحزح عن النار وتدخل الجنة – شرح صحيح البخاري ٨٢٨٩

ശൈഖ് ഉസൈമീൻ رحمه الله പറഞ്ഞു :ദുനിയാവിലെ എന്തെങ്കിലും കാര്യങ്ങളിൽ നീ വിജയിക്കുക എന്നതല്ല (യഥാർത്ഥ) വിജയം , എന്നാൽ നീ നരകത്തിൽ നിന്ന് അകറ്റപ്പെടുകയും സ്വർഗ്ഗത്തിൽ പ്രവേശിക്കപ്പെടുകയും ചെയ്യുക എന്നതാണു വിജയം.

എന്നാല്‍ ഭൂരിഭാഗം മനുഷ്യരും യഥാ൪ത്ഥ ജീവിത ലക്ഷ്യം മനസ്സിലാക്കാതെ മറ്റെന്തൊക്കെയോ ജീവിത ലക്ഷ്യമായി കണക്കാക്കുന്നവരാണ്.

ﺯُﻳِّﻦَ ﻟِﻠﻨَّﺎﺱِ ﺣُﺐُّ ٱﻟﺸَّﻬَﻮَٰﺕِ ﻣِﻦَ ٱﻟﻨِّﺴَﺎٓءِ ﻭَٱﻟْﺒَﻨِﻴﻦَ ﻭَٱﻟْﻘَﻨَٰﻄِﻴﺮِ ٱﻟْﻤُﻘَﻨﻄَﺮَﺓِ ﻣِﻦَ ٱﻟﺬَّﻫَﺐِ ﻭَٱﻟْﻔِﻀَّﺔِ ﻭَٱﻟْﺨَﻴْﻞِ ٱﻟْﻤُﺴَﻮَّﻣَﺔِ ﻭَٱﻷَْﻧْﻌَٰﻢِ ﻭَٱﻟْﺤَﺮْﺙِ ۗ ﺫَٰﻟِﻚَ ﻣَﺘَٰﻊُ ٱﻟْﺤَﻴَﻮٰﺓِ ٱﻟﺪُّﻧْﻴَﺎ ۖ ﻭَٱﻟﻠَّﻪُ ﻋِﻨﺪَﻩُۥ ﺣُﺴْﻦُ ٱﻟْﻤَـَٔﺎﺏِ ﻗُﻞْ ﺃَﺅُﻧَﺒِّﺌُﻜُﻢ ﺑِﺨَﻴْﺮٍ ﻣِّﻦ ﺫَٰﻟِﻜُﻢْ ۚ ﻟِﻠَّﺬِﻳﻦَ ٱﺗَّﻘَﻮْا۟ ﻋِﻨﺪَ ﺭَﺑِّﻬِﻢْ ﺟَﻨَّٰﺖٌ ﺗَﺠْﺮِﻯ ﻣِﻦ ﺗَﺤْﺘِﻬَﺎ ٱﻷَْﻧْﻬَٰﺮُ ﺧَٰﻠِﺪِﻳﻦَ ﻓِﻴﻬَﺎ ﻭَﺃَﺯْﻭَٰﺝٌ ﻣُّﻄَﻬَّﺮَﺓٌ ﻭَﺭِﺿْﻮَٰﻥٌ ﻣِّﻦَ ٱﻟﻠَّﻪِ ۗ ﻭَٱﻟﻠَّﻪُ ﺑَﺼِﻴﺮٌۢ ﺑِﭑﻟْﻌِﺒَﺎﺩِ

ഭാര്യമാര്‍, പുത്രന്‍മാര്‍, കൂമ്പാരമായിക്കൂട്ടിയ സ്വര്‍ണം, വെള്ളി, മേല്‍തരം കുതിരകള്‍, നാല്‍കാലി വര്‍ഗങ്ങള്‍, കൃഷിയിടം എന്നിങ്ങനെ ഇഷ്ടപെട്ട വസ്തുക്കളോടുള്ള പ്രേമം മനുഷ്യര്‍ക്ക് അലങ്കാരമായി തോന്നിക്കപ്പെട്ടിരിക്കുന്നു. അതൊക്കെ ഇഹലോകജീവിതത്തിലെ വിഭവങ്ങളാകുന്നു. അല്ലാഹുവിന്റെ അടുക്കലാകുന്നു (മനുഷ്യര്‍ക്ക്‌) ചെന്നുചേരാനുള്ള ഉത്തമ സങ്കേതം.(നബിയേ,) പറയുക: അതിനെക്കാള്‍ (ആ ഇഹലോക സുഖങ്ങളെക്കാള്‍) നിങ്ങള്‍ക്ക് ഗുണകരമായിട്ടുള്ളത് ഞാന്‍ പറഞ്ഞുതരട്ടെയോ? സൂക്ഷ്മത പാലിച്ചവര്‍ക്ക് തങ്ങളുടെ രക്ഷിതാവിന്റെ അടുക്കല്‍ താഴ്ഭാഗത്തു കൂടി അരുവികള്‍ ഒഴുകിക്കൊണ്ടിരിക്കുന്ന സ്വര്‍ഗത്തോപ്പുകളുണ്ട്‌. അവര്‍ അവിടെ നിത്യവാസികളായിരിക്കും. പരിശുദ്ധരായ ഇണകളും (അവര്‍ക്കുണ്ടായിരിക്കും.) കൂടാതെ അല്ലാഹുവിന്റെ പ്രീതിയും. അല്ലാഹു തന്റെ ദാസന്‍മാരുടെ കാര്യങ്ങള്‍ കണ്ടറിയുന്നവനാകുന്നു.(ഖു൪ആന്‍:3/14-15)

മനുഷ്യര്‍ക്ക് അലങ്കാരമായി തോന്നിക്കപ്പെട്ടിരിക്കുന്ന കുടുംബം, സമ്പത്ത്, വാഹനം, എസ്റ്റേറ്റ് തുടങ്ങിയ കാര്യങ്ങളെ കുറിച്ച് അല്ലാഹു ആദ്യം എടുത്തു പറഞ്ഞിരിക്കുന്നു. ഇവയെയാണ് അധികം ആളുകളും ജീവിത ലക്ഷ്യമായി കണക്കാക്കുന്നത്. എന്നാല്‍ ഇവയെല്ലാം താല്‍ക്കാലികവും നശ്വരവുമായ ഐഹിക ജീവിതത്തിലെ സുഖങ്ങള്‍ മാത്രമാണെന്ന് അല്ലാഹു ഓ൪മ്മിപ്പിക്കുന്നു. അഥവാ അവയെല്ലാം കേവലം അനുവദനീയ കാര്യങ്ങള്‍ മാത്രമാണ്. അതിന് ശേഷം മനുഷ്യരുടെ യഥാ൪ത്ഥ ജീവിത ലക്ഷ്യമായിരിക്കേണ്ട കാര്യത്തെ കുറിച്ചും അല്ലാഹു പറഞ്ഞിരിക്കുന്നു. മനുഷ്യ൪ ജീവിത ലക്ഷ്യമായി കാണുന്ന ഇവയേക്കാള്‍ എത്രയോ ഉന്നതവും അനശ്വരവുമായ സ്വര്‍ഗീയ അനുഗ്രഹങ്ങളും അല്ലാഹുവിന്റെ പ്രീതിയും നേടുന്നതിനെയാണ് അവ൪ ജീവിത ലക്ഷ്യമാക്കേണ്ടതും അവക്ക് വേണ്ടിയാണ് അവ൪ പരിശ്രമിക്കേണ്ടതുമെന്നും അല്ലാഹു ഓ൪മ്മിപ്പിക്കുന്നു.

ഐഹിക ജീവിതത്തിലെ സുഖങ്ങള്‍ ജീവിത ലക്ഷ്യമായി കാണുന്നവ൪ക്കെല്ലാം അവരുടെ ലക്ഷ്യം പ്രാപിക്കാന്‍ പറ്റുല്ലെന്നുള്ളത് നാം വ്യക്തമായി അറിഞ്ഞിരിക്കണം. അതിലെ സുഖസന്തോഷങ്ങളുമെല്ലാം താല്‍ക്കാലികം മാത്രമാണ്. ഏത് നിമിഷവും അത് അവസാനിക്കുന്നതാണ്.

ﺇِﻧَّﻤَﺎ ﻣَﺜَﻞُ ٱﻟْﺤَﻴَﻮٰﺓِ ٱﻟﺪُّﻧْﻴَﺎ ﻛَﻤَﺎٓءٍ ﺃَﻧﺰَﻟْﻨَٰﻪُ ﻣِﻦَ ٱﻟﺴَّﻤَﺎٓءِ ﻓَﭑﺧْﺘَﻠَﻂَ ﺑِﻪِۦ ﻧَﺒَﺎﺕُ ٱﻷَْﺭْﺽِ ﻣِﻤَّﺎ ﻳَﺄْﻛُﻞُ ٱﻟﻨَّﺎﺱُ ﻭَٱﻷَْﻧْﻌَٰﻢُ ﺣَﺘَّﻰٰٓ ﺇِﺫَآ ﺃَﺧَﺬَﺕِ ٱﻷَْﺭْﺽُ ﺯُﺧْﺮُﻓَﻬَﺎ ﻭَٱﺯَّﻳَّﻨَﺖْ ﻭَﻇَﻦَّ ﺃَﻫْﻠُﻬَﺎٓ ﺃَﻧَّﻬُﻢْ ﻗَٰﺪِﺭُﻭﻥَ ﻋَﻠَﻴْﻬَﺎٓ ﺃَﺗَﻰٰﻫَﺎٓ ﺃَﻣْﺮُﻧَﺎ ﻟَﻴْﻼً ﺃَﻭْ ﻧَﻬَﺎﺭًا ﻓَﺠَﻌَﻠْﻨَٰﻬَﺎ ﺣَﺼِﻴﺪًا ﻛَﺄَﻥ ﻟَّﻢْ ﺗَﻐْﻦَ ﺑِﭑﻷَْﻣْﺲِ ۚ ﻛَﺬَٰﻟِﻚَ ﻧُﻔَﺼِّﻞُ ٱﻻْءَﻳَٰﺖِ ﻟِﻘَﻮْﻡٍ ﻳَﺘَﻔَﻜَّﺮُﻭﻥَ

നാം ആകാശത്ത് നിന്ന് വെള്ളം ഇറക്കിയിട്ട് അതുമൂലം മനുഷ്യര്‍ക്കും കാലികള്‍ക്കും ഭക്ഷിക്കാനുള്ള ഭൂമിയിലെ സസ്യങ്ങള്‍ ഇടകലര്‍ന്നു വളര്‍ന്നു. അങ്ങനെ ഭൂമി അതിന്റെ അലങ്കാരമണിയുകയും, അത് അഴകാര്‍ന്നതാകുകയും, അവയൊക്കെ കരസ്ഥമാക്കാന്‍ തങ്ങള്‍ക്ക് കഴിയുമാറായെന്ന് അതിന്റെ ഉടമസ്ഥര്‍ വിചാരിക്കുകയും ചെയ്തപ്പോഴതാ ഒരു രാത്രിയോ പകലോ നമ്മുടെ കല്‍പന അതിന് വന്നെത്തുകയും, തലേദിവസം അവയൊന്നും അവിടെ നിലനിന്നിട്ടേയില്ലാത്ത മട്ടില്‍ നാം അവയെ ഉന്‍മൂലനം ചെയ്യപ്പെട്ട അവസ്ഥയിലാക്കുകയും ചെയ്യുന്നു. ഇതുപോലെ മാത്രമാകുന്നു ഐഹിക ജീവിതത്തിന്റെ ഉപമ. ചിന്തിക്കുന്ന ആളുകള്‍ക്കു വേണ്ടി അപ്രകാരം നാം തെളിവുകള്‍ വിശദീകരിക്കുന്നു.(ഖു൪ആന്‍:10/24)

ആകാശത്ത്‌ നിന്ന്‌ ഒരു മഴ പെയ്‌തു ഭൂമിയില്‍ നാനാതരം സസ്യലതാദികള്‍ തഴച്ചു വളരുകയും, ഭൂമിക്ക്‌ ഭംഗിയും മോടിയും കൂടുകയും, ഫലമെടുക്കുമാറായെന്ന്‌ ഉടമസ്ഥന്‍മാര്‍ കരുതിക്കൊണ്ടിരിക്കുകയും ചെയ്‌ത ഘട്ടത്തില്‍, പെട്ടെന്ന്‌ വല്ല അത്യാഹിതവും ബാധിച്ച് , അവിടെ മുമ്പ്‌ വിളയൊന്നും ഉണ്ടായിരുന്നില്ലെന്ന്‌ തോന്നുമാറ്‌ അതിലെ വിള മുഴുവന്‍ നശിച്ചുപോകുന്നതു പോലെയാണ്‌ ഐഹിക ജീവിതത്തിന്റെ സ്ഥിതി. സുഖസൗകര്യങ്ങളും അലങ്കാര ഭൂഷണങ്ങളും കണ്‍മുമ്പില്‍ കാണുമ്പോള്‍ അത്‌ വളരെ ആകര്‍ഷകവും ശാശ്വതമായിരിക്കുമെന്നും തോന്നും. കണ്‍കുളി൪മയായ മക്കള്‍ എന്നും നമ്മുടെ കൂയെയുണ്ടായിരിക്കുമെന്ന് വിചാരിക്കും. അങ്ങനെയിരിക്കെ പെട്ടെന്നൊരിക്കല്‍ ഭ൪ത്താവ് മരിക്കുന്നു, മക്കള്‍ മരിക്കുന്നു, സമ്പത്ത് നഷ്ടപ്പെടുന്നു, അപകടങ്ങള്‍ സംഭവിക്കുന്നു, മാരകമായ രോഗങ്ങള്‍ ബാധിക്കുന്നു. ഐഹികമായ സുഖസൗകര്യങ്ങള്‍ എത്ര മഹത്തരമായിരുന്നാലും അതിന്‌ നിലനില്‍പില്ല. താല്‍ക്കാലികവും നശ്വരവുമാണത്‌. ആകയാല്‍ അത് ജീവിത ലക്ഷ്യമായി കാണാതെ അത്യുത്തമമായ പരലോക ജീവിതത്തെ ജീവിത ലക്ഷ്യമായി കാണണം.

ﻭَﻣَﺎ ﻫَٰﺬِﻩِ ٱﻟْﺤَﻴَﻮٰﺓُ ٱﻟﺪُّﻧْﻴَﺎٓ ﺇِﻻَّ ﻟَﻬْﻮٌ ﻭَﻟَﻌِﺐٌ ۚ ﻭَﺇِﻥَّ ٱﻟﺪَّاﺭَ ٱﻻْءَﺧِﺮَﺓَ ﻟَﻬِﻰَ ٱﻟْﺤَﻴَﻮَاﻥُ ۚ ﻟَﻮْ ﻛَﺎﻧُﻮا۟ ﻳَﻌْﻠَﻤُﻮﻥَ

ഈ ഐഹികജീവിതം വിനോദവും കളിയുമല്ലാതെ മറ്റൊന്നുമല്ല. തീര്‍ച്ചയായും പരലോകം തന്നെയാണ് യഥാര്‍ത്ഥ ജീവിതം. അവര്‍ മനസ്സിലാക്കിയിരുന്നെങ്കില്‍.(ഖു൪ആന്‍:29/64)

قال عثمان بن عفان – رضي الله عنه : إن الله إنما أعطاكم الدنيا لتطلبوا بها الآخرة، ولم يعطيكموها لتركنوا إليها؛ إن الدنيا تفنى وإن الآخرة تبقى، لا تبطرنكم الفانية ولا تشغلنكم عن الباقية، وآثروا ما يبقى على ما يفنى؛ فإن الدنيا منقطعة وإن المصير إلى الله

ഉസ്മാന്‍ ബിന്‍ അഫാന്‍ (റ) പറഞ്ഞു: തീര്‍ച്ചയായും അല്ലാഹു നിങ്ങള്‍ക്ക് ദുന്‍യാവ് നല്‍കിയത്, അത് മുഖേന നിങ്ങള്‍ പരലോകം തേടുന്നതിന് വേണ്ടിയാകുന്നു. നിങ്ങള്‍ ദുന്‍യാവിലേക്ക് ഒതുങ്ങി കൂടാനായി അതിനെ അവന്‍ നിങ്ങള്‍ക്ക് നല്‍കിയിട്ടില്ല. തീര്‍ച്ചയായും ദുന്‍യാവ് നശിക്കുന്നതും, പരലോകം നിലനില്‍ക്കുന്നതുമാകുന്നു. നശിക്കുന്നത് (ദുന്‍യാവ്) നിങ്ങളെ മതിമറപ്പിക്കുകയും, പരലോകത്തെ സംബന്ധിച്ച് അശ്രദ്ധയിലാക്കാതിരിക്കുകയും ചെയ്യട്ടെ. നശിക്കുന്നതിനേക്കാള്‍ നിലനില്‍ക്കുന്നതിനെ നിങ്ങള്‍ തെരെഞ്ഞെടുക്കുക. തീര്‍ച്ചയായും ദുന്‍യാവ് കഴിഞ്ഞുപോകുന്നതും, മടക്കം അല്ലാഹുവിലേക്കുമാകുന്നു. (അല്‍ ബിദായത്തു വന്നിഹായ : 7/241)

قال الشيخ ابن عثيمين رحمه الله : ماخرجنا لنعيش في الدنيا كما تعيش البهائم، نأكل نشرب وننام فقط ؛ ولكن خرجنا لكي نُعد الزاد للآخرة

ഇബ്‌നു ഉഥൈമീൻ رَحِمَهُ اللَّهُ പറഞ്ഞു: തിന്നും, കുടിച്ചും, ഉറങ്ങിയും മാടുകള്‍ ജീവിക്കുന്നത്പോലെ ദുനിയാവില്‍ ജീവിക്കുവന്‍വേണ്ടി മാത്രമായ് നമ്മെ പുറപ്പെടുവിച്ചിട്ടില്ല. എന്നാല്‍ നമ്മെ പുറപ്പെടുവിച്ചത് ആഖിറത്തിന്‍റെ പാഥേയം കൂടി ഒരുക്കുന്നതിനു വേണ്ടിയാണ്. ( الكافية الشافية٤/٣٧٩)

مَا لِي وَمَا لِلدُّنْيَا مَا أَنَا فِي الدُّنْيَا إِلاَّ كَرَاكِبٍ اسْتَظَلَّ تَحْتَ شَجَرَةٍ ثُمَّ رَاحَ وَتَرَكَهَا

നബി(സ്വ) പറഞ്ഞു: എനിക്കും ദുനിയാവിനും ഇടയില്‍ എന്താണ്? വഴിയില്‍ ഒരു മരത്തിന് കീഴില്‍ തണല്‍ കൊള്ളുകയും അതുകഴിഞ്ഞപ്പോള്‍ അവിടം ഉപേക്ഷിച്ച് യാത്ര തുടരുകയും ചെയ്ത ഒരുവനെപോലെയാണ് എനിക്ക് ദുനിയാവ്. (തി൪മിദി : 2377)

عَنْ عَبْدِ اللَّهِ بْنِ عُمَرَ ـ رضى الله عنهما ـ قَالَ أَخَذَ رَسُولُ اللَّهِ صلى الله عليه وسلم بِمَنْكِبِي فَقَالَ ‏ : كُنْ فِي الدُّنْيَا كَأَنَّكَ غَرِيبٌ، أَوْ عَابِرُ سَبِيلٍ

അബ്ദില്ലാഹിബ്നു ഉമറില്‍ നിന്നും നിവേദനം : അദ്ദേഹം പറഞ്ഞു: നബി(സ്വ) എന്റെ തോളില്‍ പിടിച്ചുകൊണ്ടു പറഞ്ഞു:ദുനിയാവില്‍ നീ ഒരു അപരിചിതനെപോലെ അല്ലെങ്കില്‍ ഒരു വഴിയാത്രക്കാരനെ പോലെ ആകുക. (ബുഖാരി:6416)

عَنْ عَبْدِ اللَّهِ، قَالَ نَامَ رَسُولُ اللَّهِ صلى الله عليه وسلم عَلَى حَصِيرٍ فَقَامَ وَقَدْ أَثَّرَ فِي جَنْبِهِ فَقُلْنَا يَا رَسُولَ اللَّهِ لَوِ اتَّخَذْنَا لَكَ وِطَاءً ‏.‏ فَقَالَ ‏ “‏ مَا لِي وَمَا لِلدُّنْيَا مَا أَنَا فِي الدُّنْيَا إِلاَّ كَرَاكِبٍ اسْتَظَلَّ تَحْتَ شَجَرَةٍ ثُمَّ رَاحَ وَتَرَكَهَا ‏”

അബ്ദുല്ലാഹ്‌ ബ്നു മസ്‌ഊദ്‌ رضي الله عنه ഉദ്ധരിക്കുന്നു , അദ്ധേഹം പറഞ്ഞു : ” റസൂൽ ﷺ ഒരു പായയിൽ കിടന്നുറങ്ങി , അദ്ധേഹം എണീറ്റപ്പോൾ അദ്ധേഹത്തിൽ ശരീരത്തിൽ പാടുകൾ കാണാമായിരുന്നു , ഞങ്ങൾ അദ്ധേഹത്തോട്‌ പറഞ്ഞു : അല്ലാഹുവിന്റെ റസൂലേ , ഞങ്ങളൊരു കിടക്കയുണ്ടാക്കി തരട്ടെയോ ? അപ്പോൾ അദ്ധേഹം പറഞ്ഞു : ‘ ഞാനും ഈ ദുനിയാവും തമ്മിലെന്ത്‌ ? ഈ ദുനിയാവിൽ മരത്തണലിൽ വിശ്രമിക്കാനിരിക്കുന്ന ഒരു വഴിയാത്രക്കാരനെ പോലെയാണു , പിന്നെയത്‌ അവൻ ഉപേക്ഷിച്ചു പോവുകയും ചെയ്യുന്നു ‘(തിർമിദി)

ഇബ്നുൽ ഖയ്യിം (റഹി) പറഞ്ഞു: മനുഷ്യർ അവരെ സൃഷ്ടിച്ചത് മുതൽക്ക് യാത്ര ചെയ്യുന്നവരാകുന്നു. അവരുടെ വാഹനത്തിൽ നിന്ന് അവർക്കൊരു ഇറക്കമില്ല, സ്വർഗ്ഗത്തിലോ നരകത്തിലോ അല്ലാതെ (അൽഫവാഇദ് :276)

ചുരുക്കത്തില്‍ ഈ ഐഹിക ലോകത്ത് ജീവിക്കുന്ന മനുഷ്യനെ സംബന്ധിച്ചിടത്തോളം എങ്ങനെയും സ്വ൪ഗ്ഗത്തില്‍ കടക്കുകയെന്നുള്ളതാണ് ജീവിതലക്ഷ്യം. ഒരാളുടെ ജീവിതലക്ഷ്യമായി കാണാന്‍ ഏറ്റവും അ൪ഹതപ്പെട്ടത് ഇക്കാര്യം തന്നെയാണ്. കാരണം ഒരു മനുഷ്യന്‍ തനിക്ക് ഏറ്റവും ഇഷ്ടപ്പെട്ടതും ആസ്വാദ്യകരമായതും സുഖാഢംബരമുള്ളതുമായ കാര്യത്തിനാണല്ലോ മുഖ്യപരിഗണന നല്‍കുന്നത്.

ﻓَﻼَ ﺗَﻌْﻠَﻢُ ﻧَﻔْﺲٌ ﻣَّﺎٓ ﺃُﺧْﻔِﻰَ ﻟَﻬُﻢ ﻣِّﻦ ﻗُﺮَّﺓِ ﺃَﻋْﻴُﻦٍ ﺟَﺰَآءًۢ ﺑِﻤَﺎ ﻛَﺎﻧُﻮا۟ ﻳَﻌْﻤَﻠُﻮﻥَ

എന്നാല്‍ അവര്‍ പ്രവര്‍ത്തിച്ചിരുന്നതിനുള്ള പ്രതിഫലമായിക്കൊണ്ട് കണ്‍കുളിര്‍പ്പിക്കുന്ന എന്തെല്ലാം കാര്യങ്ങളാണ് അവര്‍ക്ക് വേണ്ടി (സ്വ൪ഗ്ഗത്തില്‍) രഹസ്യമാക്കിവെക്കപ്പെട്ടിട്ടുള്ളത് എന്ന് ഒരാള്‍ക്കും അറിയാവുന്നതല്ല.(ഖു൪ആന്‍ :32/17)

عَنْ أَبِي هُرَيْرَةَ ـ رضى الله عنه ـ قَالَ قَالَ رَسُولُ اللَّهِ صلى الله عليه وسلم ‏”: ‏ قَالَ اللَّهُ أَعْدَدْتُ لِعِبَادِي الصَّالِحِينَ مَا لاَ عَيْنَ رَأَتْ، وَلاَ أُذُنَ سَمِعَتْ، وَلاَ خَطَرَ عَلَى قَلْبِ بَشَرٍ، فَاقْرَءُوا إِنْ شِئْتُمْ ‏{‏ فَلاَ تَعْلَمُ نَفْسٌ مَا أُخْفِيَ لَهُمْ مِنْ قُرَّةِ أَعْيُنٍ ‏}‏‏‏

അബൂഹുറൈറയില്‍(റ) നിന്ന് നിവേദനം: നബി ﷺ പറഞ്ഞു: അല്ലാഹു പറയുകയാണ്‌ : എന്റെ സജ്ജനങ്ങളായ അടിയാന്മാര്‍ക്കു വേണ്ടി ഏതൊരു കണ്ണും കണ്ടിട്ടില്ലാത്തതും, ഏതൊരു കാതും കേട്ടിട്ടില്ലാത്തതും, ഒരു മനുഷ്യന്റെ ഹൃദയത്തിലും തോന്നിയിട്ടില്ലാത്തതുമായ വസ്തുക്കള്‍ ഞാന്‍ ഒരുക്കിവെച്ചിരിക്കുന്നു. (ഇതിന് തെളിവായി) നിങ്ങള്‍ فَلَا تَعْلَمُ نَفْسٌ എന്നുള്ള (ഈ) ഖുര്‍ആന്‍ വചനം ഓതിക്കൊള്ളുക. (ബുഖാരി :3244)

ഇബ്നു ഉഥൈമീൻ (റഹി) പറഞ്ഞു: നരകത്തെ കുറിച്ച് ഖുർആനിലും സുന്നത്തിലും പരാമർശിക്കപ്പെട്ട താക്കീതുകൾ വായിച്ചാൽ സലഫുകളിൽ ചിലർ പറഞ്ഞ വാക്ക് നമുക്കോർമ്മ വരും. അവർ പറഞ്ഞു: “നരകത്തിൻ്റെ കാര്യം അത്ഭുതം തന്നെ; എങ്ങനെയാണ് അതിൽ നിന്ന് ഓടിരക്ഷപ്പെടുന്നവന് ഉറങ്ങാൻ കഴിയുക? സ്വർഗത്തിൻ്റെ കാര്യവും അത്ഭുതം തന്നെ; എങ്ങനെയാണ് അത് തേടുന്നവന് ഉറങ്ങാൻ കഴിയുക?

ചിന്തിച്ചു നോക്കൂ! ഭൂമിയുടെ അങ്ങേയറ്റത്ത് നിങ്ങൾക്കായി വലിയൊരു കൊട്ടാരവും അതിൽ അരുവികളും ഇണകളും പഴവർഗങ്ങളും ഒരുക്കി വെച്ചിരിക്കുന്നു എന്ന് പറയപ്പെട്ടാൽ എന്തായിരിക്കും നമ്മുടെ സ്ഥിതി?

ജനങ്ങളെ നോക്കൂ! ഒന്നോ രണ്ടോ ദീനാറുകൾ നേടിയെടുക്കുന്നതിന് അവർ കിഴക്കും പടിഞ്ഞാറും സഞ്ചരിച്ചു കൊണ്ടേയിരിക്കുന്നു. ഈ പരിശ്രമങ്ങൾക്കെല്ലാം ശേഷം അവർ ആഗ്രഹിക്കുന്നത് ലഭിച്ചേക്കാം; ചിലപ്പോൾ ലഭിക്കാതിരുന്നേക്കാം!

എന്നാൽ നാമാകട്ടെ, സ്വർഗം അന്വേഷിക്കുന്നതിലും, നരകത്തിൽ നിന്ന് രക്ഷപ്പെടുന്നതിലും ഇപ്രകാരം അലസത പുലർത്തുകയും ചെയ്യുന്നു. നരകത്തിൽ നിന്ന് അല്ലാഹു നമ്മെ കാത്തുരക്ഷിക്കട്ടെ. നമ്മെയും നിങ്ങളെയും അവൻ സ്വർഗക്കാരിൽ ഉൾപ്പെടുത്തുകയും ചെയ്യട്ടെ. (ഉഥൈമീൻ: 29-30)

മനുഷ്യന്റെ ജീവിത ലക്ഷ്യമാകുന്ന സ്വ൪ഗ്ഗ പ്രവേശനത്തിനുള്ള വഴി എന്താണെന്നും നാം അറിഞ്ഞിരിക്കണം. അതിനുള്ള ഏക മാ൪ഗ്ഗമാണ് ഇസ്ലാം. ഈ ജീവിത ലക്ഷ്യത്തെ കുറിച്ചും അതിനുള്ള മാ൪ഗ്ഗത്തെകുറിച്ചും അല്ലാഹുവും അവന്റെ റസൂലും(സ്വ) നമുക്ക് വിശദീകരിച്ച് തന്നിട്ടുണ്ട്. അതുകൊണ്ടു തന്നെ ഇവിടെ നാം കഠിനമായി പ്രയത്നിക്കേണ്ടതുണ്ട്. അതെങ്ങനെയാണെന്നും അല്ലാഹു നമുക്ക് പറഞ്ഞുതന്നിട്ടുണ്ട്.

ﻭَﻣَﺎ ﺧَﻠَﻘْﺖُ ٱﻟْﺠِﻦَّ ﻭَٱﻹِْﻧﺲَ ﺇِﻻَّ ﻟِﻴَﻌْﺒُﺪُﻭﻥِ

ജിന്നുകളെയും മനുഷ്യരെയും എന്നെ ആരാധിക്കുവാന്‍ വേണ്ടിയല്ലാതെ ഞാന്‍ സൃഷ്ടിച്ചിട്ടില്ല.(ഖു൪ആന്‍ :51/56)

ﻭَٱﻋْﺒُﺪْ ﺭَﺑَّﻚَ ﺣَﺘَّﻰٰ ﻳَﺄْﺗِﻴَﻚَ ٱﻟْﻴَﻘِﻴﻦُ

ഉറപ്പായ കാര്യം (മരണം) നിനക്ക് വന്നെത്തുന്നത് വരെ നീ നിന്റെ രക്ഷിതാവിനെ ആരാധിക്കുകയും ചെയ്യുക.(ഖു൪ആന്‍ :15/99)

അല്ലാഹുവിന് ഇബാദത്ത് ചെയ്യേണ്ടതെങ്ങനെയെന്ന് നബി(സ്വ) നമുക്ക് കാണിച്ച് തന്നിട്ടുണ്ട്. അതില്‍ നി൪ബന്ധമായതും ഐച്ഛികമായതുമുണ്ട്. യഥാ൪ത്ഥ ജീവിത ലക്ഷ്യം മനസ്സിലാക്കിയ ആള്‍ അല്ലാഹു നമ്മുടെ മേല്‍ നി൪ബന്ധമാക്കിയിട്ടുള്ള ഒരു കാര്യത്തിലും വീഴ്ച വരുത്തില്ല. അവന്‍ തന്റെ ജീവിതത്തില്‍ ഒരു നേരത്തെ നമസ്കാരം പോലും ഒഴിവാക്കുകയില്ല. കുടുംബത്തില്‍ വിവാഹമോ മറ്റെന്തെങ്കിലും വിശേഷമോ വന്നാലോ അല്ലെങ്കില്‍ യാത്രക്കാരനായാലോ അവന്‍ നമസ്കാരം ഖളാഅ് ആകാകെ സൂക്ഷിക്കും. കാരണം അത് അല്ലാഹു തന്റെ മേല്‍ നി൪ബന്ധമാക്കിയതാണെന്ന് അവന്‍ മനസ്സിലാക്കിയിട്ടുണ്ട്. അത് പാലിച്ചാല്‍ മാത്രമേ തന്റെ ജീവിത ലക്ഷ്യമായ സ്വ൪ഗ്ഗം പ്രവേശനം സാധ്യമാകൂ. അതിന് വേണ്ടി എല്ലാ നന്‍മകളും ചെയ്യാന്‍ അവന്‍ ശ്രമിക്കും. അവന് ഒരു നിമിഷംപോലും പാഴാക്കാനുണ്ടാവില്ല. അവന്‍ എപ്പോഴും ഇബാദത്തിലായിരിക്കും അഥവാ അവന്‍ ചെയ്യുന്ന ഏതു കാര്യങ്ങളും അല്ലാഹുവിന്റെ പൊരുത്തം ഉദ്ദേശിച്ചായിരിക്കും. ഭാര്യയേയും മക്കളേയും സ്നേഹിക്കുന്നതും, അവ൪ക്ക് ചിലവിന് കൊടുക്കുന്നതും, കുടുംബക്കാരെ സന്ദ൪ശിക്കുന്നതും സഹായിക്കുന്നതും രോഗികളെ സന്ദ൪ശിക്കുന്നതും ഭ൪ത്താവിനെ സ്നേഹിക്കുന്നതും സേവനങ്ങള്‍ ചെയ്യുന്നതും, വീട്ട് ജോലികള്‍ ചെയ്യുന്നതും അതില്‍ സഹായിക്കുന്നതും ആളുകള്‍ക്ക് നന്‍മകള്‍ ചെയ്യുന്നതും എന്തിന് ഒരാളെ കാണുമ്പോള്‍ ഒന്ന് പുഞ്ചിരിക്കുന്നതു പോലും അല്ലാഹുവിന്റെ പ്രീതി ഉദ്ദേശിച്ചു കൊണ്ടായിരിക്കും.

സ്വ൪ഗ്ഗത്തില്‍ കടക്കുകയെന്നതാണ് നമ്മുടെ ജീവിതലക്ഷ്യമെന്ന് ഉള്‍ക്കൊണ്ടവ൪ക്ക് യാതൊരു കാര്യത്തിലും നിരാശപ്പെടേണ്ടി വരില്ല. അവന് നല്ലൊരു ജോലി കിട്ടിയില്ലെങ്കിലും ഉള്ള ജോലികൊണ്ട് അവന്‍ തൃപ്തിപ്പെടും. സാമ്പത്തിക പ്രയാസങ്ങളും ബുദ്ധിമുട്ടുകളുമാണെങ്കിലും അവന്‍ ക്ഷമിക്കും. ഭ൪ത്താവോ മക്കളോ ഭാര്യയോ മരിച്ചാലോ എന്തെങ്കിലും അപകടമോ മാരകമായ രോഗമോ ബാധിച്ചാലോ അവന്‍ നിരാശപ്പെടില്ല. കാരണം സുഖാ‍ഢംബരത്തിന്റെ ജീവിതം സ്വ൪ഗ്ഗത്തിലാണുള്ളത്. നല്ല വീടോ വാഹനമോ സൌന്ദര്യമുള്ള ഇണയോ സുഖ സൌകര്യങ്ങളോ ഈ ലോകത്ത് ലഭിച്ചില്ലെങ്കിലും സ്വ൪ഗ്ഗത്തില്‍ അതെല്ലാം ലഭിക്കുമെന്ന് അവന്‍ ആശിക്കുകയും പ്രതീക്ഷിക്കുകയും ചെയ്യുന്നു.

സ്വ൪ഗ്ഗത്തില്‍ കടക്കുകയെന്നതാണ് നമ്മുടെ ജീവിതലക്ഷ്യമെന്ന് മനസ്സിലാക്കാത്തതുകൊണ്ടാണ് മുസ്ലിംകളില്‍ പെട്ടവ൪ പോലും മറ്റ് പലതും ജീവിത ലക്ഷ്യമാക്കി കാണുന്നത്. അതുകൊണ്ടാണ് അവ൪ നമസ്കരിക്കാതെ അല്ലാഹുവിന്റെ വിധിവിലക്കുകള്‍ പാലിക്കാതെ ഭൌതിക കാര്യങ്ങളില്‍ കൂടുതല്‍ മുഴുകുന്നത്. നമസ്കരിക്കുന്നവ൪ തന്നെ കല്ല്യാണത്തിനും വിരുന്നുകള്‍ക്കും മറ്റ് ആവശ്യങ്ങള്‍ക്കും പോകുമ്പോള്‍ നമസ്കാരം ഒഴിവാക്കുകയോ ഖളാഅ് ആക്കുകയോ ചെയ്യുന്നതും അതുകൊണ്ടാണ്. ജീവിതത്തിലൂടനീളം ഇസ്ലാമിന്റെ വിധിവലക്കുകള്‍ പാലിക്കാതെ അതിനെ അവഗണിക്കുന്നതിന്റേയും കാരണം ഇത് തന്നെ.

ﻭَﻣَﺎ ٱﻟْﺤَﻴَﻮٰﺓُ ٱﻟﺪُّﻧْﻴَﺎٓ ﺇِﻻَّ ﻣَﺘَٰﻊُ ٱﻟْﻐُﺮُﻭﺭِ….

….ഐഹികജീവിതം കബളിപ്പിക്കുന്ന ഒരു വിഭവമല്ലാതെ (വഞ്ചനയുടെ വിഭവമല്ലാതെ) മറ്റൊന്നുമല്ല..(ഖു൪ആന്‍:57/20)

ഇവിടുത്തെ ആവശ്യപൂ൪ത്തീകരണത്തിനായി ഭൌതിക കാര്യങ്ങളില്‍ മാത്രം മുഴുകുന്ന അവന്‍ നമസ്കാരം കൃത്യമായി നി൪വ്വഹിക്കുകയോ അല്ലാഹുവിന്റെ വിധിവിലക്കുകള്‍ പാലിച്ച് ജീവിക്കുയോ ചെയ്യാത്തതുകൊണ്ട് അവന് അല്ലാഹുവില്‍ നിന്ന് ലഭിക്കേണ്ട പ്രത്യേകമായ അനുഗ്രഹങ്ങള്‍ ലഭിക്കുന്നില്ല. പരരോകത്തെത്തുമ്പോഴോ അവന്‍ കാലാകാലം നരകത്തിലായിരിക്കും.

സ്വ൪ഗ്ഗ പ്രവേശനത്തിനായി ഈ ഐഹികജീവിതത്തിലെ എല്ലാ സുഖങ്ങളും ത്യജിക്കണമെന്ന് ഇസ്ലാം പറയുന്നില്ല.

…..ﻭَٱﺑْﺘَﻎِ ﻓِﻴﻤَﺎٓ ءَاﺗَﻰٰﻙَ ٱﻟﻠَّﻪُ ٱﻟﺪَّاﺭَ ٱﻻْءَﺧِﺮَﺓَ ۖ ﻭَﻻَ ﺗَﻨﺲَ ﻧَﺼِﻴﺒَﻚَ ﻣِﻦَ ٱﻟﺪُّﻧْﻴَﺎ ۖ

അല്ലാഹു നിനക്ക് നല്‍കിയിട്ടുള്ളതിലൂടെ നീ പരലോകവിജയം തേടുക. ഐഹികജീവിതത്തില്‍ നിന്ന് നിനക്കുള്ള ഓഹരി നീ വിസ്മരിക്കുകയും വേണ്ട…….(ഖു൪ആന്‍ :28/77)

ഇവിടെ അല്ലാഹു നമുക്ക് അനുവദിച്ച് തന്നിട്ടുള്ള എല്ലാ കാര്യങ്ങളും അവന്റെ വിധിവിലക്കുകള്‍ പാലിച്ചുകൊണ്ട് നമുക്ക് സ്വീകരിക്കാവുന്നത്. നമുക്ക് നല്ലപോലെ പഠിക്കാം, നല്ല ജോലി ചെയ്ത് എത്രവേണമങ്കിലും സമ്പാദിക്കാം, വിവാഹം കഴിക്കുകയും കുടുംബമായി ജീവിക്കുകയും ചെയ്യാം, നല്ല വീടും വാഹനവും സ്വന്തമാക്കാം. അല്ലാഹു അനുവദിച്ചിട്ടുള്ള ഇവിടുത്തെ എല്ലാ സൌകര്യങ്ങളും ഉപയോഗിക്കാം. എന്നാല്‍ ഇതെല്ലാം ജീവിതലക്ഷ്യമായി കാണാന്‍ പാടില്ല. അല്ലാഹു ഐഹികജീവിതമാകുന്ന ഈ ഇടത്താവളത്തില്‍ അനുവദിച്ചിട്ടുള്ള കാര്യം മാത്രം. അതില്‍ മതിമറന്ന് ജീവിക്കാനും പാടില്ല.

ٱﻟْﻤَﺎﻝُ ﻭَٱﻟْﺒَﻨُﻮﻥَ ﺯِﻳﻨَﺔُ ٱﻟْﺤَﻴَﻮٰﺓِ ٱﻟﺪُّﻧْﻴَﺎ ۖ ﻭَٱﻟْﺒَٰﻘِﻴَٰﺖُ ٱﻟﺼَّٰﻠِﺤَٰﺖُ ﺧَﻴْﺮٌ ﻋِﻨﺪَ ﺭَﺑِّﻚَ ﺛَﻮَاﺑًﺎ ﻭَﺧَﻴْﺮٌ ﺃَﻣَﻼً

സ്വത്തും സന്താനങ്ങളും ഐഹികജീവിതത്തിന്റെ അലങ്കാരമാകുന്നു. എന്നാല്‍ നിലനില്‍ക്കുന്ന സല്‍കര്‍മ്മങ്ങളാണ് നിന്റെ രക്ഷിതാവിങ്കല്‍ ഉത്തമമായ പ്രതിഫലമുള്ളതും ഉത്തമമായ പ്രതീക്ഷ നല്‍കുന്നതും.(ഖു൪ആന്‍:18/46)