അല്ലാഹുവിന്റെ റസൂൽ ‎ﷺ  പറഞ്ഞു:

“സുകൃതങ്ങൾ മോശമായ മരണങ്ങളിൽനിന്ന് കാക്കുന്നു. രഹസ്യമായുള്ള സ്വദക്വഃ റബ്ബിന്റെ കോപം കെടുത്തും. കുടുംബം ചേർക്കൽ ആയുസ്സിൽ വർദ്ധനവുണ്ടാക്കും. എല്ലാ നന്മയും സ്വദക്വയാകുന്നു. ദുനിയാവിലെ സുകൃതവാന്മാർ തന്നെയാണ് പരലോകത്തേയും സുകൃതർ”  (ത്വബറാനി. അൽബാനി സ്വഹീഹെന്ന് വിശേഷിപ്പിച്ചു)

 

അല്ലാഹുവിന്റെ റസൂൽ ‎ﷺ  ചോദിച്ചു:

“നിങ്ങളിൽ ആരാണ് ഇന്ന് നോമ്പുകാരൻ? അബൂബകർ رَضِيَ اللَّهُ عَنْهُ പറഞ്ഞു: ഞാൻ. അവിടുന്ന് ചോദിച്ചു: ഇന്ന് ജനാസഃ അനുഗമിച്ചത് ആരാണ്? അബൂബകർ رَضِيَ اللَّهُ عَنْهُ പറഞ്ഞു: ഞാൻ. അവിടുന്ന് ചോദിച്ചു: ഇന്നാരാണ് അഗതിക്ക് അന്നം നൽകിയത്? അബൂബകർ رَضِيَ اللَّهُ عَنْهُ പറഞ്ഞു: ഞാൻ. അവിടുന്ന് ചോദിച്ചു: ഇന്ന് രോഗിയെ സന്ദർശിച്ചതാരാണ്? അബൂബക്കർ رَضِيَ اللَّهُ عَنْهُ പറഞ്ഞു: ഞാൻ. തിരുദൂതർ ‎ﷺ  മൊഴിഞ്ഞു: ഇവകൾ ഒത്തുവന്ന വ്യക്തി സ്വർഗ്ഗത്തിൽ പ്രവേശിക്കും തീർച്ച.”  (മുസ്ലിം)

 

അബ്ദുൽ ജബ്ബാർ അബ്ദുല്ല