മനസ്സുകൾ കൊതിക്കുന്ന ഭക്ഷണ പദാർത്ഥങ്ങളെല്ലാം എത്തിക്കപ്പെടുമെന്നതോടൊപ്പം തിന്നുവാനും കുടിക്കുവാനും വീണ്ടും വീണ്ടും ആവശ്യപ്പെട്ടുകൊണ്ടുള്ള സൽകാരങ്ങളാണ് സ്വർഗ്ഗ ത്തിലുള്ളത്.  അല്ലാഹു പറഞ്ഞു:

നിങ്ങളും നിങ്ങളുടെ ഇണകളും സന്തോഷഭരിതരായികൊണ്ട് സ്വർഗ്ഗത്തിൽ പ്രവേശിച്ചുകൊള്ളുക. സ്വർണ്ണത്തിന്റെ തളികകളും പാനപാത്രങ്ങളും അവർക്ക് ചുറ്റും കൊണ്ടുനടക്കപ്പെടും. മനസ്സു കൾ കൊതിക്കുന്നതും കണ്ണുകൾക്ക് ആനന്ദകരവുമായ കാര്യങ്ങൾ അവിടെ ഉണ്ടായിരിക്കും. നിങ്ങൾ അവിടെ നിത്യവാസികളായിരിക്കുകയും ചെയ്യും (വി. ക്വു. സുഖ്റുഫ്: 70, 71)

സൂക്ഷ്മത പാലിക്കുന്നവർക്ക് വാഗ്ദാനം ചെയ്യപ്പെട്ടിട്ടുള്ള സ്വർഗ്ഗത്തിന്റെ അവസ്ഥ (ഇതത്രെ:) അതിന്റെ താഴ്ഭാഗത്ത് കൂടി അരുവികൾ ഒഴുകിക്കൊണ്ടിരിക്കും. അതിലെ കനികളും അതിലെ തണലും ശാശ്വതമായിരിക്കും. അതത്രെ സൂക്ഷ്മത പാലിച്ചവരുടെ പര്യവസാനം. സത്യനിഷേധികളുടെ പര്യവസാനം നരകമാകുന്നു. (വി. ക്വു. റഅ്ദ്: 35)

അവർ ഇഷ്ടപ്പെട്ടുതെരഞ്ഞെടുക്കുന്ന തരത്തിൽപ്പെട്ട പഴവർഗ്ഗങ്ങളും. അവർ കൊതിക്കുന്ന തരത്തിൽപ്പെട്ട പക്ഷിമാംസവും കൊണ്ട് (അവർ ചുറ്റി നടക്കും.)   (വി. ക്വു. അൽവാക്വിഅഃ : 20,21)

കഴിഞ്ഞുപോയ ദിവസങ്ങളിൽ നിങ്ങൾ മുൻകൂട്ടി ചെയ്തതിന്റെ ഫലമായി നിങ്ങൾ ആനന്ദത്തോടെ തിന്നുകയും കുടിക്കുകയും ചെയ്തു കൊള്ളുക. (എന്ന് അവരോട് പറയപ്പെടും.).  (വി. ക്വു. അൽഹാക്വഃ : 24)

(അവരോട് പറയപ്പെടും:) നിങ്ങൾ പ്രവർത്തിച്ചിരുന്നതിന്റെ ഫലമായി ആഹ്ലാദത്തോടെ നിങ്ങൾ തിന്നുകയും കുടിക്കുകയും ചെയ്തുകൊള്ളുക.  തീർച്ചയായും നാം അപ്രകാരമാകുന്നു സദ്വൃ ത്തർക്ക് പ്രതിഫലം നൽകുന്നത്. (വി.ക്വു.അൽമുർസലാത്ത്: 43,44)

ജാബിറി رَضِيَ اللَّهُ عَنْهُ  ൽനിന്ന് നിവേദനം. അദ്ദേഹം പറഞ്ഞു: നബി ‎ﷺ പറയുന്നതായി ഞാൻ കേട്ടു:

“നിശ്ചയം, സ്വർഗ്ഗവാസികൾ സ്വർഗ്ഗത്തിൽ ഭക്ഷണം കഴിക്കും. അവർ പാനം ചെയ്യും. അവർ തുപ്പുകയോ മൂത്രിക്കുകയോ കാഷ്ടിക്കുകയോ മൂക്ക് ചീറ്റുകയോ ചെയ്യില്ല…”  (മുസ്ലിം)

 

 

അല്ലാഹുവിന്റെ റസൂൽ ‎ﷺ  പറഞ്ഞു:

“സ്വർഗ്ഗവാസികൾ ഭക്ഷിക്കുന്നതായ ആദ്യഭക്ഷണം മത്സ്യത്തിന്റെ കരളിനോടൊത്തുള്ള സിയാദത്താണ്.”  (ബുഖാരി)

ഥൗബാനി رَضِيَ اللَّهُ عَنْهُ ൽനിന്ന് നിവേദനം. അദ്ദേഹം പറഞ്ഞു: 

ഞാൻ അല്ലാഹുവിന്റെ റസൂലി ‎ﷺ  ന്റെ അടുക്കൽ നിൽക്കുകയായിരുന്നു. അപ്പോൾ ജൂതപുരോഹിതന്മാരിൽനിന്നും ഒരു പുരോഹിതൻ വന്നു… ജൂതൻ ചോദിച്ചു: ആദ്യമായി സ്വർഗ്ഗ പ്രവേശനത്തിന് അനുവാദം ആർക്കാണ്? തിരുമേനി ‎ﷺ പറഞ്ഞു: മുഹാജിറുകളിലെ സാധുക്കൾക്ക്. ജൂതൻ ചോദിച്ചു: അവർ പ്രവേ ശിക്കുമ്പോൾ അവരുടെ തുഹ്ഫഃ (പ്രത്യേകിച്ച് സ്വീകരിക്കുവാനുള്ള സമ്മാനം) എന്താണ്? തിരുമേനി ‎ﷺ  പറഞ്ഞു: മത്സ്യത്തിന്റെ കരളി നോടൊത്തുള്ള സിയാദത്താണ്. ജൂതൻ ചോദിച്ചു: അതിനെ തുടർന്ന് അവർക്കുള്ള ഭക്ഷണം എന്താണ്? തിരുമേനി ‎ﷺ  പറ ഞ്ഞു: സ്വർഗ്ഗത്തിന്റെ ഭാഗങ്ങളിൽനിന്ന് തിന്നിരുന്നതായ സ്വർഗ്ഗ ത്തിലെ കാളയെ അവർക്കായി അറുക്കപ്പെടുന്നതാണ്. ജൂതൻ ചോദിച്ചു: അതിന്മേൽ അവർക്കുള്ള പാനീയം എന്താണ്? തിരുമേനി ‎ﷺ  പറഞ്ഞു: സൽസബീൽ എന്ന് വിളിക്കപ്പെടുന്നതായ അ രുവിയിൽനിന്നാണ്. ജൂതൻ പറഞ്ഞു: താങ്കൾ പറഞ്ഞത് സത്യ മാണ്. (മുസ്ലിം)

 

 

വിവിധങ്ങളാണ് സ്വർഗ്ഗീയ പാനീയങ്ങൾ. ഹൃദ്യമായ മണവും രുചിയുമുള്ള പാനീയങ്ങളെക്കുറിച്ചും അവ പാനം ചെയ്യുന്ന വരെക്കുറിച്ചും പ്രമാണ വചനങ്ങൾ ഏറെയാണ്. അല്ലാഹു പറഞ്ഞു:

إِنَّ الْأَبْرَارَ يَشْرَبُونَ مِن كَأْسٍ كَانَ مِزَاجُهَا كَافُورًا ‎﴿٥﴾‏ عَيْنًا يَشْرَبُ بِهَا عِبَادُ اللَّهِ يُفَجِّرُونَهَا تَفْجِيرًا ‎﴿٦﴾‏

തീർച്ചയായും പുണ്യവാന്മാർ (സ്വർഗ്ഗത്തിൽ) ഒരു പാനപാത്ര ത്തിൽനിന്ന് കുടിക്കുന്നതാണ്. അതിന്റെ ചേരുവ കർപ്പൂരമായി രിക്കും. അല്ലാഹുവിന്റെ ദാസൻമാർ കുടിക്കുന്ന ഒരു ഉറവു വെള്ളമത്രെ അത്. അവരത് പൊട്ടിച്ചൊഴുക്കിക്കൊണ്ടിരിക്കും.  (വി. ക്വു അൽഇൻസാൻ: 5, 6)

‏ وَيُسْقَوْنَ فِيهَا كَأْسًا كَانَ مِزَاجُهَا زَنجَبِيلًا ‎﴿١٧﴾

ഇഞ്ചിനീരിന്റെ ചേരുവയുള്ള ഒരു കോപ്പ അവർക്ക് അവിടെ കുടിക്കാൻ നൽകപ്പെടുന്നതാണ്. അതായത് അവിടത്തെ(സ്വർഗ്ഗ ത്തിലെ) സൽസബീൽ എന്നു പേരുള്ള ഒരു ഉറവിലെ വെള്ളം.  (വി. ക്വു. അൽഇൻസാൻ: 17)

يُسْقَوْنَ مِن رَّحِيقٍ مَّخْتُومٍ ‎﴿٢٥﴾‏ خِتَامُهُ مِسْكٌ ۚ وَفِي ذَٰلِكَ فَلْيَتَنَافَسِ الْمُتَنَافِسُونَ ‎﴿٢٦﴾‏ وَمِزَاجُهُ مِن تَسْنِيمٍ ‎﴿٢٧﴾‏ عَيْنًا يَشْرَبُ بِهَا الْمُقَرَّبُونَ ‎﴿٢٨﴾

മുദ്രവെക്കപ്പെട്ട ശുദ്ധമായ മദ്യത്തിൽനിന്ന് അവർക്ക് കുടിക്കുവാൻ നൽകപ്പെടും. അതിന്റെ മുദ്ര കസ്തൂരിയായിരിക്കും. വാശികാണിക്കുന്നവർ അതിനുവേണ്ടി വാശികാണിക്കട്ടെ. അതിലെ ചേരുവ “തസ്നീം’ ആയിരിക്കും.  അതായത് സാമീപ്യം സിദ്ധിച്ചവർ കുടിക്കുന്ന ഒരു ഉറവ് ജലം  (വി. ക്വു അൽമുത്വഫ്ഫീൻ: 25-28)

അബ്ദുല്ലഹ് ഇബ്നു ഉമറി ൽനിന്ന് നിവേദനം. അല്ലാഹുവിന്റെ റസൂൽ ‎ﷺ  പറഞ്ഞു: 

 الْكَوْثَرُ نَهْرٌ فِى الْجَنَّةِ حَافَّتَاهُ مِنْ ذَهَبٍ وَمَجْرَاهُ عَلَى الدُّرِّ وَالْيَاقُوتِ تُرْبَتُهُ أَطْيَبُ مِنَ الْمِسْكِ وَمَاؤُهُ أَحْلَى مِنَ الْعَسَلِ وَأَبْيَضُ مِنَ الثَّلْجِ 

അബ്ദുൽ ജബ്ബാർ അബ്ദുല്ല