സ്വഹാബത്തിനെ ആദരിക്കുക, അവരുടെ സ്ഥാനമാനങ്ങൾ അറിയുക എന്നതെല്ലാം പ്രമുഖരായ സ്വഹാബികൾക്കുവരെ അംഗീകൃത കാര്യമായിരുന്നു. പ്രവാചകനോ‎ﷺ ടുള്ള ഒരു സ്വ ഹാബിയുടെ സഹവാസം എത്രകുറവാണെങ്കിലും ശരി.
ഈ കാര്യം വിളിച്ചറിയിക്കുന്ന ഒരു സംഭവം ഇമാം ഇബ്നു ഹജർ ഉദ്ധരിക്കുന്നു: “മുഹമ്മദ് ഇബ്നു ക്വുദാമഃ അൽമർ വസിയുടെ രചനയായ “അഖ്ബാറുൽ ഖവാരിജ്” എന്ന ഗ്രന്ഥത്തിൽ ഞാൻ വായിച്ചത് ഈ വിഷയത്തിൽ പെട്ടതാകുന്നു. നബീജ് അൽ അനസി , അബൂ സഈദിൽ ഖുദ്രി رَضِيَ اللَّهُ عَنْهُ  യിൽ നിന്ന് റിപ്പോർട്ട് ചെയ്യുന്നു. നബീജ് അൽ അനസി പറയു ന്നു: ഞങ്ങൾ അബൂ സഈദ് رَضِيَ اللَّهُ عَنْهُ നോടൊപ്പമായിരുന്നു. അദ്ദേഹം ചാരിയിരിക്കുകയായിരുന്നു. ഞങ്ങൾ, അലി رَضِيَ اللَّهُ عَنْهُ യേയും മുആവി യഃ رَضِيَ اللَّهُ عَنْهُ യേയും അനുസ്മരിച്ചു. അപ്പോൾ ഒരാൾ മുആവിയ رَضِيَ اللَّهُ عَنْهُ യെ മോശമായി പ്രതിപാദിച്ചു. ഉടൻ ചാരിയിരിക്കുന്ന അബൂ സഈദ് رَضِيَ اللَّهُ عَنْهُ നേരെയിരുന്നു. ശേഷം തന്റെ അനുഭവ കഥ ഇപ്രകാരം പറ ഞ്ഞു: അല്ലാഹുവിന്റെ റസൂൽ ‎ﷺ ന്റെ അടുക്കൽ അബൂബകർ رَضِيَ اللَّهُ عَنْهُ ഉൾപ്പെടെ ഞങ്ങളുള്ള ഒരു സംഘത്തിൽ ഒരു ഗ്രാമീണ അറബി ഉണ്ടായിരുന്നു… കാലങ്ങൾക്കുശേഷം ആ ഗ്രാമീണ അറബിയെ ഞാൻ കണ്ടു. അയാൾ, അൻസ്വാരികളെ ചീത്ത വിളിച്ചതിനാൽ ഉമർ ഇബ്നുൽ ഖത്ത്വാബി رَضِيَ اللَّهُ عَنْهُ നു മുന്നിൽ കൊണ്ടുവരപ്പെട്ടതായിരുന്നു. അപ്പോൾ ഉമർ رَضِيَ اللَّهُ عَنْهُ പറഞ്ഞു:

لولا أنّ له صحبة من رسول الله ، ما أدري ما نال فيها لكفيتكموه

“അല്ലാഹുവിന്റെ തിരുദൂതനോടൊപ്പമുള്ള സ്വുഹ്ബത്ത് അയാൾക്ക് ഇല്ലായിരുന്നുവെങ്കിൽ ഞാൻ തന്നെ അയാളെ കൈകാര്യം ചെയ്യുമായിരുന്നു; തിരുദൂതനോടൊപ്പമുള്ള സഹവാസത്തിൽ അയാൾ നേടിയത് എന്തെന്ന് എനിക്ക് അറിയില്ല.”