ഇഹലോകത്തിന് അവസാനം കുറിക്കുന്ന ദിവസത്തിന് അല്ലാഹു ധാരാളം പേരുകൾ വിളിച്ചിരിക്കുന്നു. ആ അന്ത്യനാളിന് ധാരാളം നാമകരണങ്ങൾ നൽകപ്പെട്ടതിലെ യുക്തിയും രഹസ്യവും ഉണർത്തിക്കൊണ്ട് ഇമാം ക്വുർത്ത്വുബി  പറഞ്ഞു: “കാര്യം ഗൗരവമായതിനെല്ലാം വർണ്ണനകൾ കൂടുകയും പേരുകൾ പെരുകുകയും ചെയ്യും. അറബിഭാഷയിൽ ഇത് ധാരളമായി കാണാം. അറബികളിൽ വാളിനുള്ള സ്ഥാനം മഹത്വമാവുകയും ഉപയോഗവും പ്രയോഗവും ഗൗരവമാവു കയും ചെയ്തതിനാൽ അതിന് അഞ്ഞൂറ് പേരുകൾ വിളിച്ചു. ഇതുപോലെ മറ്റ് വസ്തുക്കളുമുണ്ട്. അന്ത്യനാളിന്റെ കാര്യം ഗൗരവമാവുകയും ഭീകരത കഠിനമാവുകയും ചെയ്യുന്നതാക യാൽ, അല്ലാഹു വിശുദ്ധ ക്വുർആനിൽ അതിന് ധാരാളം നാമങ്ങൾ വെക്കുകയും പലതരം വിശേഷണങ്ങൾ വിവരിക്കു കയും ചെയ്തു. ”ഈ അദ്ധ്യായത്തിൽ പരലോകത്തിന് പറയപ്പെട്ട പ്രസിദ്ധമായ പേരുകളും ആ പേരുകളെ അറിയി ക്കുന്ന ഓരോ ആയത്തുകളും നാമകരണം അർത്ഥമാക്കുന്ന ആശയങ്ങളും നൽകുന്നു.

 

അല്ലാഹു പറഞ്ഞു:

അല്ലാഹു- അവനല്ലാതെ യാതൊരു ആരാധ്യനുമില്ല. ഉയിർ ത്തെഴുന്നേൽപിന്റെ ദിവസത്തേക്ക് അവൻ നിങ്ങളെയെല്ലാം ഒരു മിച്ചു കൂട്ടുക തന്നെ ചെയ്യും. അതിൽ സംശയമേ ഇല്ല… (സൂറത്തു ന്നിസാഅ്: 87)

വിശുദ്ധക്വുർആനിൽ എഴുപത് ആയത്തുകളിൽ ഈ നാമം വന്നിട്ടുണ്ട്. എഴുന്നേൽപ്പിന്റെ നാൾ എന്നാണ് അത് അർത്ഥമാക്കുന്നത്. മനുഷ്യർ ഉയിർത്തെഴുന്നേൽക്കുകയും ഏറെ ഗൗരവമേറിയ വിഷയങ്ങൾ അരങ്ങേറുകയും ചെയ്യുന്ന നാളാണല്ലോ അന്ത്യനാൾ. 

 

അല്ലാഹു പറഞ്ഞു:

അല്ലാഹുവിന്റെ പള്ളികൾ പരിപാലിക്കേണ്ടത് അല്ലാഹുവിലും അന്ത്യദിനത്തിലും വിശ്വസിക്കുകയും, നമസ്കാരം മുറപോലെ നിർവ്വഹിക്കുകയും, സകാത്ത് നൽകുകയും അല്ലാഹുവെയ ല്ലാതെ ഭയപ്പെടാതിരിക്കുകയും ചെയ്തവർ മാത്രമാണ്… (സൂറത്തു ത്തൗബഃ : 18)

അന്ത്യനാളിനപ്പുറം നാളുകളില്ല. അതിനാലാണ് അൽയൗമുൽ ആഖിർ (ഒടുക്കത്തെ നാൾ) എന്ന് അതിന് നാമം വന്നത്. പല വചനങ്ങളിൽ അന്ത്യനാളിന് ഈ നാമം വന്നിട്ടുണ്ട്. 

 

അല്ലാഹു പറഞ്ഞു:

ഇഹലോകജീവിതത്തെ(ആഖിറത്തിന്)പരലോകജീവിതത്തിന് പകരം വിൽക്കാൻ തയ്യാറുള്ളവർ അല്ലാഹുവിന്റെ മാർഗ്ഗത്തിൽ യുദ്ധം ചെയ്യട്ടെ….  (സൂറത്തുന്നിസാഅ് : 74)

ഇഹലോകത്തെ കൂടാതെ മനുഷ്യന് വസിക്കുവാനുള്ള മറ്റൊരു ലോകമാണ് പരലോകം. അതിനാലാണ് അൽആഖിറഃ എന്ന നാമം അതിന് നൽകപ്പെട്ടത്.

 

അല്ലാഹു പറഞ്ഞു:

ഭൂമിയിൽ ഔന്നത്യമോ കുഴപ്പമോ ആഗ്രഹിക്കാത്തവർക്കാ കുന്നു ആഅദ്ദാറുൽ ആഖിറഃ(പാരത്രിക ഭവനം) നാം ഏർപെടുത്തി കൊടുക്കുന്നത്….  (സൂറത്തുൽ ക്വസ്വസ്വ് : 83)

 

ഇഹലോകമാകുന്ന ഭവനത്തിനപ്പുറം  മനുഷ്യന് താമസിക്കുവാനുള്ള മറ്റൊരു ഭവനമാണ് പരലോകം.

 

അല്ലാഹു പറഞ്ഞു:

…തീർച്ചയായും അസ്സാഅഃ(അന്ത്യസമയം) വരുക തന്നെ ചെയ്യും.  അതിനാൽ നീ ഭംഗിയായി മാപ്പ് ചെയ്ത് കൊടു ക്കുക….  (സൂറത്തുൽ ഹിജ്ർ: 85) 

സമയത്തിന് അറബിയിലുള്ള പ്രയോഗമാണ് സാഅത്ത് എന്നത്. അലിഫും ലാമും ചേർന്ന അൽ എന്ന അവ്യയം അതി നോടു ചേർന്ന് അസ്സാഅഃ എന്ന് പ്രയോഗിക്കുമ്പോൾ ഈ സമ യം, ഇപ്പോൾ എന്നെല്ലാം അത് അർത്ഥമാക്കും. വളരെ പെട്ടെന്നും അടുത്തും സംഭവിക്കുന്നതിനാലായിരിക്കാം അന്ത്യ നാളിന് ഇൗ നാമം നൽകപ്പെട്ടത്.

 

അല്ലാഹു പറഞ്ഞു:

വിജ്ഞാനവും വിശ്വാസവും നൽകപ്പെട്ടവർ ഇപ്രകാരം പറയു ന്നതാണ്: അല്ലാഹുവിന്റെ രേഖയിലുള്ള പ്രകാരം യൗമുൽ ബഅ്ഥു വരെ (ഉയിർത്തെഴുന്നേൽപിന്റെ നാളുവരെ) നിങ്ങൾ കഴിച്ചു കൂട്ടിയിട്ടുണ്ട്. എന്നാൽ ഇതാ ഉയിർത്തെഴുന്നേൽപിന്റെ നാൾ…. (സൂറത്തുർറൂം: 56) 

മരിച്ച് മൺമറഞ്ഞവരേയും നാശംവരിച്ചവരേയുമെല്ലാം അല്ലാഹു പുനരുജ്ജീവിപ്പിക്കുകയും ഉയിർത്തെഴുന്നേൽപ്പി ക്കുകയും ചെയ്യുന്ന നാളാണ് അന്ത്യനാൾ. യൗമുൽബഅ്ഥ് എന്നാൽ ഉയിർന്നേൽപ്പിന്റെ നാൾ എന്നാണ് അർത്ഥം.

 

യൗമുൽഖുറൂജ്
അല്ലാഹു പറഞ്ഞു:

 يَوْمَ يَسْمَعُونَ الصَّيْحَةَ بِالْحَقِّ ۚ ذَٰلِكَ يَوْمُ الْخُرُوجِ ‎﴿٤٢﴾

അതായത് ആ ഘോരശബ്ദം യഥാർത്ഥമായും അവർ കേൾക്കുന്ന ദിവസം. അതത്രെ യൗമുൽഖുറൂജ്(ഖബ്റുകളിൽ നിന്നുള്ള പുറപ്പാടിന്റെ ദിവസം.) (സൂറത്തുൽക്വാഫ്: 42)

സ്വൂറിൽ(കാഹളത്തിൽ) ഉൗതപ്പെട്ടാൽ അടിയാറുകൾ ക്വബ്റുകളിൽ നിന്ന് ഉണർന്നെഴുന്നേറ്റ് തത്രപ്പെട്ടുള്ള പുറപ്പാടി ലായി. യൗമുൽഖുറൂജ് എന്നാൽ പുറപ്പാടിന്റെ നാൾ എന്നാണ് അർത്ഥം.

 

അല്ലാഹു പറഞ്ഞു:

അൽക്വാരിഅഃ (ഭയങ്കരമായ ആ സംഭവം). ഭയങ്കരമായ സംഭവം എന്നാൽ എന്താകുന്നു? ഭയങ്കരമായ സംഭവമെന്നാൽ എന്താണെന്ന് നിനക്കറിയുമോ? മനുഷ്യന്മാർ ചിതറപ്പെട്ട പാറ്റകളെ പ്പോലെ ആകുന്ന ദിവസം! (സൂറത്തുൽ ക്വാരിഅഃ : 14)
ശക്തമായി മുട്ടുന്നത്, ഇടിക്കുന്നത് എന്നൊക്കെയാണ് ഈ നാമം അർത്ഥമാക്കുന്നത്. അന്ത്യനാളിന്റെ ഭീകരത ആളുക ളുടെ കണ്ണിനേയും കാതിനേയും ക്വൽബിനേയും ഒരുപോലെ അടിക്കുകയും അടക്കുകയും ചെയ്യുന്നതാണല്ലോ.

 

യൗമുൽഫസ്വ്ൽ
അല്ലാഹു പറഞ്ഞു:

هَٰذَا يَوْمُ الْفَصْلِ الَّذِي كُنتُم بِهِ تُكَذِّبُونَ ‎﴿٢١﴾

അതെ; നിങ്ങൾ നിഷേധിച്ച് തള്ളിക്കളഞ്ഞിരുന്ന യൗമുൽ ഫസ്വ്ൽ (നിർണ്ണായകമായ തീരുമാനത്തിന്റെ ദിവസം) അതത്രെ ഇത്. (സൂറത്തുസ്സ്വാഫ്ഫാത്ത് : 21)
അന്ത്യനാളിൽ അല്ലാഹു അടിയാറുകൾക്കിടയിൽ അ വർ തർക്കിക്കുകയും ഭിന്നിക്കുകയും ചെയ്തിരുന്ന വിഷയങ്ങ ളിൽ തീർപ്പു കൽപ്പിക്കുകയും വിധിക്കുകയും ചെയ്യുന്നതിലാണ് അന്ത്യനാളിന് യൗമുൽഫസ്വ്ൽ അഥവാ വിധിതീർപ്പ് കൽപ്പി ക്കുന്ന ദിനമെന്ന് പേര് വന്നത്.

 

യൗമുദ്ദീൻ
അല്ലാഹു പറഞ്ഞു:

وَإِنَّ الْفُجَّارَ لَفِي جَحِيمٍ ‎﴿١٤﴾‏ يَصْلَوْنَهَا يَوْمَ الدِّينِ ‎﴿١٥﴾‏ وَمَا هُمْ عَنْهَا بِغَائِبِينَ ‎﴿١٦﴾‏ وَمَا أَدْرَاكَ مَا يَوْمُ الدِّينِ ‎﴿١٧﴾‏ ثُمَّ مَا أَدْرَاكَ مَا يَوْمُ الدِّينِ ‎﴿١٨﴾‏ يَوْمَ لَا تَمْلِكُ نَفْسٌ لِّنَفْسٍ شَيْئًا ۖ وَالْأَمْرُ يَوْمَئِذٍ لِّلَّهِ ‎﴿١٩﴾‏

തീർച്ചയായും ദുർമാർഗ്ഗികൾ ജ്വലിക്കുന്ന നരകാഗ്നിയിൽ തന്നെയായിരിക്കും യൗമുദ്ദീനിൽ (പ്രതിഫലത്തിന്റെ നാളിൽ) അവരതിൽ കടന്ന് എരിയുന്നതാണ്. അവർക്ക് അതിൽ നിന്ന് മാറി നിൽക്കാനാവില്ല. പ്രതിഫലനടപടിയുടെ ദിവസം എന്നാൽ എന്താണെന്ന് നിനക്കറിയുമോ? വീണ്ടും; പ്രതിഫലനടപടിയുടെ ദിവസം എന്നാൽ എന്താണെന്ന് നിനക്കറിയുമോ? ഒരാൾക്കും മറ്റൊരാൾക്കു വേണ്ടി യാതൊന്നും അധീനപ്പെടുത്താനാവാത്ത ഒരു ദിവസം. അന്നേദിവസം കൈകാര്യകർത്തൃത്വം അല്ലാഹു വിന്നായിരിക്കും. (സൂറത്തുൽ ഇൻഫിത്വാർ : 14-19)

വിചാരണയുടേയും പ്രതിഫലത്തിന്റേയും ദിനം എന്നതാണ് ഈ നാമം അർത്ഥമാക്കുന്നത്. സൃഷ്ടിജാലങ്ങളെ വിചാരണക്കെടുത്ത് അർഹിക്കുന്ന പ്രതിഫലം അവർക്ക് നൽകുവാനുള്ള വേദിയാണ് പരലോകം.

 

അസ്സ്വാഖഃ
അല്ലാഹു പറഞ്ഞു:

فَإِذَا جَاءَتِ الصَّاخَّةُ ‎﴿٣٣﴾

എന്നാൽ അസ്സ്വാഖഃ (ചെകിടടപ്പിക്കുന്ന ആ ശബ്ദം) വന്നാൽ. (സൂറത്തുഅബസ : 33)
ഘോരശബ്ദം എന്നതാണ് ഈ നാമം അർത്ഥമാക്കുന്നത്. ചെകിടടപ്പിക്കുന്ന ആ ശബ്ദം വന്നാൽ മനുഷ്യൻ തന്റെ സഹോദര നെയും മാതാവിനെയും പിതാവിനെയും. ഭാര്യയെയും മക്കളെ യും വിട്ട് ഓടിപ്പോകുന്നതാണ്. ഓരോ മനുഷ്യനും തനിക്ക് മതിയാവുന്നത്ര (ചിന്താ) വിഷയം അന്ന് ഉണ്ടായിരിക്കും.

 

അത്ത്വാമ്മത്തുൽകുബ്റാ
അല്ലാഹു പറഞ്ഞു:

 فَإِذَا جَاءَتِ الطَّامَّةُ الْكُبْرَىٰ ‎﴿٣٤﴾‏ 

എന്നാൽ അത്ത്വാമ്മത്തുൽകുബ്റ്വാ (ആ മഹാവിപത്ത്) വന്നാൽ (സൂറത്തുന്നാസിആത്ത്: 34)
എല്ലാ കാര്യങ്ങളേയും അതിജയിക്കുന്നതും ഏതൊന്നിന്മേലും മേൽകോയ്മ നേടുന്നതുമായതിനാലാണ് അന്ത്യനാളിന് ഈ നാമം വന്നിരിക്കുന്നത്.

 

യൗമുൽഹസ്റഃ
അല്ലാഹു പറഞ്ഞു:

وَأَنذِرْهُمْ يَوْمَ الْحَسْرَةِ إِذْ قُضِيَ الْأَمْرُ وَهُمْ فِي غَفْلَةٍ وَهُمْ لَا يُؤْمِنُونَ ‎﴿٣٩﴾‏

യൗമുൽഹസ്റത്തിനെ(നഷ്ടബോധത്തിന്റെ ദിവസത്തെ) പറ്റി അഥവാ കാര്യം (അന്തിമമായി) തീരുമാനിക്കപ്പെടുന്ന സന്ദർഭത്തെപ്പറ്റി നീ അവർക്ക് താക്കീത് നൽകുക. അവർ അശ്രദ്ധയി ലകപ്പെട്ടിരിക്കുകയാകുന്നു. അവർ വിശ്വസിക്കുന്നില്ല. (സൂറത്തു മർയം: 39)

ദുഃഖത്തിന്റേയും ഖേദത്തിന്റേയും നാളാണ് യൗമുൽ ഹസ്റഃ. അവിശ്വാസി ഇസ്ലാമിലേക്ക് വരാത്തതിനാലും വിശ്വാസി കർമ്മാനുഷ്ഠാനങ്ങൾ കുറവാക്കിയതിനാലും ആ ദിനം ഖേദിക്കും.

 

അൽഗാശിയഃ
അല്ലാഹു പറഞ്ഞു:

هَلْ أَتَاكَ حَدِيثُ الْغَاشِيَةِ ‎﴿١﴾‏

(നബിയേ,) അൽഗാശിയത്തിനെ (ആ മൂടുന്ന സംഭവത്തെ) സംബന്ധിച്ച വർത്തമാനം നിനക്ക് വന്നു കിട്ടിയോ? (അൽഗാശിയഃ:1)
ഭീതി ജനകമായ അവസ്ഥകൾ കൊണ്ടും ശിക്ഷകൾ കൊണ്ടും പാപികളെ മൂടുന്ന നാളാണ് പരലോകം. അതിനാ ലാണ് അൽഗാശിയഃ എന്ന് അന്ത്യനാളിന് പേര് വന്നത്.

 

യൗമുൽ ഖുലൂദ്
അല്ലാഹു പറഞ്ഞു:

ادْخُلُوهَا بِسَلَامٍ ۖ ذَٰلِكَ يَوْمُ الْخُلُودِ ‎﴿٣٤﴾‏ 

(അവരോട് പറയപ്പെടും:) സമാധാനപൂർവ്വം നിങ്ങളതിൽ പ്രവേശിച്ച് കൊള്ളുക. യൗമുൽഖുലൂദ് (ശാശ്വതവാസത്തിനുള്ള ദിവസം) ആകുന്നു അത്.    (സൂറത്തുൽക്വാഫ്: 34)
സ്ഥിരവാസത്തിന്റെ നാൾ എന്നാണ് യൗമുൽഖുലൂദ് അർത്ഥമാക്കുന്നത്. അന്ത്യനാളിൽ സ്വർഗ്ഗാർഹർ സ്വർഗ്ഗത്തിലും നരക ശിക്ഷ ശ്വാശ്വതമായി വിധിക്കപ്പെട്ടവർ നരകത്തിലും നിത്യനിവാസികളായിരിക്കും.

 

യൗമുൽ ഹിസാബ്
അല്ലാഹു പറഞ്ഞു:

وَقَالَ مُوسَىٰ إِنِّي عُذْتُ بِرَبِّي وَرَبِّكُم مِّن كُلِّ مُتَكَبِّرٍ لَّا يُؤْمِنُ بِيَوْمِ الْحِسَابِ ‎﴿٢٧﴾

മൂസാ പറഞ്ഞു: എന്റെ രക്ഷിതാവും നിങ്ങളുടെ രക്ഷിതാവു മായിട്ടുള്ളവനോട്, വിചാരണയുടെ ദിവസത്തിൽ വിശ്വസിക്കാത്ത എല്ലാ അഹങ്കാരികളിൽ നിന്നും ഞാൻ ശരണം തേടുന്നു. (സൂറത്തുൽ ഗാഫിർ:27)

അൽക്വാരിഅഃ
അല്ലാഹു പറഞ്ഞു:

 

അബ്ദുൽ ജബ്ബാർ അബ്ദുല്ല