യഅ്ജൂജ് വമഅ്ജൂജ് ആദം സന്തതികളിൽ പെട്ടവരാണ്. നൂഹ് നബി (അ) യുടെ മകൻ യാഫിഥിന്റെ സന്താന പരമ്പരയിൽ പെട്ടവർ. ഭൂഗോളത്തിന്റെ വടക്കുകിഴക്ക് വിശാലമായ ഒരു തല മായിരുന്നു അവരുടെ വാസസ്ഥലം. അതിലൊരുഭാഗം മംഗോളിയ എന്ന പേരിൽ അറിയപ്പെടുന്നു. വൃത്താകൃതിയിലുള്ള തല, ചെമ്പിച്ചതും പരുത്തതുമായ മുടി, ഉയർന്ന നെറ്റിത്തടം, വീതിയും പരപ്പുമുള്ള മുഖം, പരുത്ത പുരികങ്ങൾ, ചെറിയ കണ്ണുകൾ, ചപ്പിയ മൂക്ക്, ഇടുങ്ങിയതും നീളം കൂടിയതുമായ ചെവികൾ, ഇടത്തരം വലുപ്പമുള്ള ചുണ്ടുകൾ, മഞ്ഞയിലേക്ക് ചാഞ്ഞ നിറം, ഇടത്തരം ഉയരം തുടങ്ങിയതെല്ലാം അവരുടെ ശാരീരിക പ്രത്യേകതകളാണ്. 

യഅ്ജൂജ് വമഅ്ജൂജ് എന്ന നാമം അനറബിയാണെന്നും തീവ്രമായി ചൂടാവുക, അതിവേഗത, ചാഞ്ചല്യം, പെട്ടന്ന് കത്തി യാളൽ എന്നിവ അർത്ഥമാക്കുന്ന തഅജ്ജുജ്, അജീജ് എന്നീ അറബീ പദങ്ങളിൽനിന്ന് എടുക്കപ്പെട്ട നാമമാണ് അതെന്നും പണ്ഡിതന്മാർ രേഖപ്പെടുത്തിയിട്ടുണ്ട്. മംഗോളിയർ എന്നും താർത്താരികൾ എന്നും അവർ മാറിമാറി വിളിക്കപ്പെട്ടിട്ടുണ്ട്.

പേരിനൊത്ത പ്രകൃതമാണ് അവരുടേത്. ലോകചരിത്രം രേഖപ്പെടുത്തപ്പെട്ട ഗ്രന്ഥങ്ങളിൽ അവർ നടത്തിയ പോരാട്ടങ്ങളും പടപുറപ്പാടുകളും രക്തസിക്തമായ നരനായാട്ടുകളും സംഹാര രക്തതാണ്ഡവങ്ങളും രേഖപ്പെടുത്തപ്പെട്ടിട്ടുണ്ട്. ബി. സി. ഏഴാം നൂറ്റാണ്ടുമുതൽ ഏ. ഡി. പതിമൂന്നാം നൂറ്റാണ്ടിനിടയിലുള്ള വിവിധ കാലങ്ങളിൽ ചൈനക്കാർ, അശൂരികൾ, റോമക്കാർ, മുസ്ലിംകൾ എന്നിവരോടെല്ലാം അവർ നടത്തിയ അക്രമങ്ങൾ അവയിൽ പെട്ടതും ചരിത്രപ്രസിദ്ധവുമാണ്.

 

 

പ്രാമാണികരായ പല ചരിത്രകാരന്മാരും യഅ്ജൂജ് വമ അ്ജൂജിന്റെ സംഹാരികളായ ഏഴ് പുറപ്പാടുകളെ കുറിച്ച് രേഖപ്പെടുത്തിയിട്ടുണ്ട്. അവ:

• അയ്യായിരം വർഷങ്ങൾക്കു മുമ്പ് അഥവാ ചരിത്രാതീതകാലത്ത്. ചൈനയിലെ സമതലമേഖലകളെ കടന്നാക്രമിക്കുകയും അതിന്റെ അതിപുരാതന സംസ്കാരങ്ങളെ തകർക്കുകയും ചെയ്തുകൊണ്ടായിരുന്നു അവരുടെ പ്രസ്തുത ആക്രമണങ്ങൾ.

• ചരിത്രോദയകാലം അഥവാ ബി. സി. 1500 നും ബി. സി. 1000നുമിടക്ക്. ചൈനയിലെ സമതലമേഖലകളേയും മദ്ധ്യേഷ്യൻ പർവ്വതനിരകളേയും മംഗോളിയ, തുർക്കിസ്താൻ തുടങ്ങിയ നാടുകളേയും തങ്ങളുടെ അധീനത്തിലാക്കുവാനായിരുന്നു അന്നത്തെ മംഗോളിയൻ പ്രവാഹം.

• ബി. സി. 1000 മുതൽ തുടക്കം കുറിക്കുന്ന ആക്രമണ പര മ്പരകൾ. കാസ്പിയൻ കടലിന്റേയും ചെങ്കടിലിന്റേയും തീരദേശങ്ങൾ, കോക്കാസിന്റെ വടക്കൻ മേഖലകൾ തുടങ്ങിയുള്ള നാടുകളിലായിരുന്നു അവരുടെ ആക്രമണം.  മംഗോളിയർ ബി. സി. എഴുന്നൂറോടു കൂടി കോക്കാസ് പർവ്വതങ്ങളിലെ ദാരിയേൽ മലയിടുക്ക് താണ്ടിക്കടന്ന് അശൂരികളുടെ തലസ്ഥാനമായിരുന്ന നീനവാ ദേശത്തെ ആക്രമിക്കുകയും അശൂരീ സംസ്കാരത്തെ നാമവശേഷമാക്കുകയും ചെയ്തത് ഗ്രീക്ക് ചരിത്രത്തിന്റെ പിതാവെന്ന് വിശേഷിപ്പിക്ക പ്പെടുന്ന ഹിറോഡോട്ടസ് രേഖപ്പെടുത്തിയിട്ടുണ്ട്.

• ബി. സി. അഞ്ഞൂറുകളിൽ നടന്നതായ ആക്രമണങ്ങൾ. കോക്കാസ് പർവ്വതങ്ങളിലെ ദാരിയേൽ മലയിടുക്ക് താണ്ടി ക്കടന്ന് അവർ പശ്ചിമേഷ്യൻ നാടുകളെ ആക്രമിച്ചു. മഹാനായിരുന്ന ദുൽക്വർനയ്ൻ പ്രസ്തുത മലയിടുക്കിന് അണ കെട്ടി യഅ്ജൂജ് വമഅ്ജൂജിന് തടയിട്ടു. 

ദുൽക്വർനയ്ൻ പടിഞ്ഞാറും കിഴക്കും വടക്കും സഞ്ചരി ച്ച് തന്റെ ദൗത്യങ്ങൾ നിർവ്വഹിച്ച ചരിത്രം വിശുദ്ധക്വുർആൻ വിവരിക്കുന്നുണ്ട്. യഅ്ജൂജ് വമഅ്ജൂജ് ഭൂമിയിൽ കുഴപ്പം വിതക്കുന്നവരായിരുന്നു അന്നാളിൽ എന്നത് പ്രസ്തുത കഥ വ്യക്തമാക്കുന്നു. അതിനാലാണ് അവരുടെ അയൽ നാട്ടുകാരായ ജനവിഭാഗം അവരുടെ കുഴപ്പങ്ങളിൽ നിന്ന് രക്ഷപ്പെടുവാനുള്ള മാർഗ്ഗം മുന്നോട്ടുവെച്ച് ദുൽക്വർനയ്നിനെ സമീപിച്ചത്. 

അല്ലാഹു പറഞ്ഞു:

അവർ നിന്നോട് ദുൽക്വർനയ്നിയെപ്പറ്റി ചോദിക്കുന്നു. നീ പറയുക: അദ്ദേഹത്തെപ്പറ്റിയുള്ള വിവരം ഞാൻ നിങ്ങൾക്ക് ഓതികേൾപിച്ച് തരാം……. അങ്ങനെ അദ്ദേഹം രണ്ടു പർവ്വത നിരകൾക്കിടയിലെത്തിയപ്പോൾ അവയുടെ ഇപ്പുറത്തുണ്ടായി രുന്ന ഒരു ജനതയെ അദ്ദേഹം കാണുകയുണ്ടായി. പറയുന്ന തൊന്നും മിക്കവാറും അവർക്ക് മനസ്സിലാക്കുവാനാകുന്നില്ല. അവർ പറഞ്ഞു: ഹേ, ദുൽക്വർനയ്ൻ, തീർച്ചയായും യഅ്ജൂജ് വമഅ്ജൂജ് വിഭാഗങ്ങൾ ഭൂമിയിൽ കുഴപ്പമുണ്ടാക്കുന്നവരാ കുന്നു. ഞങ്ങൾക്കും അവർക്കുമിടയിൽ താങ്കൾ ഒരു മതിൽ കെട്ട് ഉണ്ടാക്കിത്തരണമെന്ന വ്യവസ്ഥയിൽ ഞങ്ങൾ താങ്കൾക്ക് ഒരു കരം നിശ്ചയിച്ചു തരട്ടെയോ? അദ്ദേഹം പറഞ്ഞു: എന്റെ രക്ഷിതാവ് എനിക്ക് അധീനപ്പെടുത്തിത്തന്നിട്ടുള്ളത് (അധികാ രവും,എെശ്വര്യവും) (നിങ്ങൾ നൽകുന്നതിനെക്കാളും) ഉത്തമമ ത്രെ. എന്നാൽ (നിങ്ങളുടെ ശാരീരിക)ശക്തി കൊണ്ട് നിങ്ങളെ ന്നെ സഹായിക്കുവിൻ. നിങ്ങൾക്കും അവർക്കുമിടയിൽ ഞാൻ ബലവത്തായ ഒരു മതിലുണ്ടാക്കിത്തരാം. നിങ്ങൾ എനിക്ക് ഇരു മ്പുകട്ടികൾ കൊണ്ടുവന്നു തരൂ. അങ്ങനെ ആ രണ്ട് പർവ്വത പാർശ്വങ്ങളുടെ ഇട സമമാക്കിത്തീർത്തിട്ട് അദ്ദേഹം പറഞ്ഞു: നിങ്ങൾ കാറ്റൂതുക. അങ്ങനെ അത് (പഴുപ്പിച്ച്) തീപോലെയാ ക്കിയപ്പോൾ അദ്ദേഹം പറഞ്ഞു: നിങ്ങളെനിക്ക് ഉരുക്കിയ ചെമ്പ് കൊണ്ടുവന്നു തരൂ ഞാനത് അതിൻമേൽ ഒഴിക്കട്ടെ.പിന്നെ, ആ മതിൽക്കെട്ട് കയറി മറിയുവാൻ അവർക്ക് (യഅ്ജൂജ് വമഅ്ജൂജിന്ന്) സാധിച്ചില്ല. അതിന്ന് തുളയുണ്ടാക്കുവാനും അവർക്ക് സാധിച്ചില്ല. (വി. ക്വു. അൽകഹ്ഫ് : 83, 93  97)

 

• ബി. സി. 300 മുതൽ തുടക്കം കുറിക്കുന്ന ആക്രമണ പരമ്പരകൾ. കിഴക്കിനെ ലക്ഷ്യമാക്കിയായിരുന്നു അന്നത്തെ മംഗോളയിൻ ആക്രമണങ്ങൾ.  ഈ ആക്രമണങ്ങളെ ചെറുക്കുവാനായിരുന്നു അന്നത്തെ ചൈനയുടെ ഭരണാധി  കാരി ശീൻഹുവാൻതി ചൈനയിലെ വൻമതിൽ സ്ഥാപി ച്ചത്. ബി.സി. 64 ൽ തുടക്കം കുറിച്ച മതിൽ നിർമ്മാണം പത്തു വർഷം കൊണ്ടാണ് പൂർത്തീകരിക്കപ്പെട്ടത്. മംഗോളി യരെ ചെറുക്കുവാനുള്ള ഇൗ പദ്ധതിയിൽ ചൈനക്കാർ വിജയിച്ചു. വൻമതിൽ നിർമ്മിച്ച് ഈ വിഭാഗത്തെ ചെറുക്കു വാനുള്ള രീതി ദുൽക്വർനയ്നിയിൽ നിന്നാണ് ചൈനയുടെ ഭരണാധികാരി ശീൻഹുവാൻതി ഉൾകൊണ്ടതെന്ന് പലരും രേഖപ്പെടുത്തിയിട്ടുണ്ട്.

• ഏ.ഡി.നാലാം നൂറ്റാണ്ടിൽ അറ്റീലയുടെ നേതൃത്വത്തിൽ നടന്നതായ യൂറോപ്യൻ ആക്രമണം. റോമാക്കാരുടെ രാഷ്ട്ര ത്തെ ആക്രമിക്കുവാനും തലസ്ഥാനമായ റോമിനെ തകർ ക്കുവാനും നൂറ്റാണ്ടുകളുടെ ചരിത്രമുള്ള റോമൻ നാഗരി കതയ നാമാവശേഷമാക്കുവാനും മംഗോളിയർക്ക് അതി  ലൂടെ സാധിച്ചു. 

• ഏ. ഡി പന്ത്രണ്ടാം നൂറ്റാണ്ടിൽ (ഹിജ്റയുടെ ഏഴാം നൂറ്റാ ണ്ടിൽ) ചെങ്കിസ്ഖാന്റെ നേതൃത്വത്തിൽ ഇസ്ലാമിക നാടുകളെ ലക്ഷ്യമാക്കിയുള്ള പുറപ്പാട്. അതിൽ അവർ കാലു കുത്തിയ നാടുകളെയെല്ലാം തകർത്തു തരിപ്പണമാക്കി. ഹിജ്റാബ്ദം 656ൽ ചെങ്കിസ്ഖാന്റെ പൗത്രൻ ഹോലാക്കോ ഇസ്ലാമിക നാടുകളുടെ തലസ്ഥാന നഗരിയായ ബാഗ്ദാദ് പിടിച്ചടക്കുന്നതിലും അത് തകർക്കുന്നതിലും വിജയിച്ചു.

പ്രസ്തുത പടയോട്ടത്തിന്റെ ഭീകരതയെ കുറിച്ച് ഇമാം ഇബ്നുൽഅഥീർഠ പറഞ്ഞു: “ആദമിന്റെ സൃഷ്ടിപ്പു മുതൽ ഇന്നോളം ലോകം ഇതിനു തുല്യമായ ഒരു പരീക്ഷണത്തിനും വിധേയമായിട്ടില്ലെന്ന് വല്ലവരും പറഞ്ഞാൽ അയാൾ സത്യസന്ധനായിരിക്കും. കാരണം, ചരിത്രങ്ങളൊന്നും ഇതിനോടൊ ത്തതോ ഇതിനോടടുത്തതോ ആയ സംഭവങ്ങളെ ഉൾകൊള്ളു ന്നില്ല……. ലോകം നാമാവശേഷമാവുകയും ദുൻയാവ് നശിക്കുകയും ചെയ്യുന്നതുവരെ പടപ്പുകൾ ഇതുപോലൊരു സംഭവം കണ്ടുകൊള്ളണമെന്നില്ല; യഅ്ജൂജ് വമഅ്ജൂജിന്റെ പുറപ്പാടുണ്ടായാലല്ലാതെ.

ദജ്ജാൽ പുറപ്പെട്ടാൽ അവൻ തന്റെ അനുയായികളെ ശേഷിപ്പിക്കുകയും തന്റെ എതിരാളികളെ കൊല്ലുകയുമാണ് ചെയ്യുക. ഇക്കൂട്ടർ ആരേയും ശേഷിപ്പിച്ചില്ല. സ്ത്രീകളേയും പുരുഷന്മാരേയും കുട്ടികളേയും അവർ കൊലപ്പെടുത്തി. ഗർഭി ണികളുടെ വയറുകൾ അവർ കുത്തിക്കീറി ഗർഭസ്ഥ ശിശുക്കളെ വരെ അവർ കൊലപ്പെടുത്തുകയുണ്ടായി…… 

 

യഅ്ജൂജ് വമഅ്ജൂജിന്റെ എണ്ണപ്പെരുപ്പത്തെ വിളിച്ചറി യിക്കുന്ന നബിവചനങ്ങൾ ധാരാളമാണ്. അതിൽ ഇമാം ബുഖാരിയും ഇമാംമുസ്ലിമും സ്വഹീഹുകളിൽ നൽകിയ അബൂസഇൗദിൽ ഖുദ്രി رَضِيَ اللَّهُ عَنْهُ  യിൽ നിന്നുള്ള നിവേദനം താഴെ നൽകുന്നു. അല്ലാഹുവിന്റെ തിരുദൂതൻ ‎ﷺ  പറഞ്ഞു:

 

അബ്ദുൽ ജബ്ബാർ അബ്ദുല്ല