അല്ലാഹുവിന്റെ റസൂൽ ‎ﷺ പറഞ്ഞതായി മുസ്ലിം ഇബ്നു ഇംറാനിൽ നിന്ന് നിവേദനം: 

“ആഇശത്ത് സ്വർഗ്ഗത്തിൽ എന്റെ ഭാര്യയാണ്”  

ആഇശ رَضِيَ اللَّهُ عَنْها  യിൽ നിന്നും നിവേദനം: അവർ പറഞ്ഞു: ഞാൻ ചോദിച്ചു:

“അല്ലാഹുവിന്റെ തിരുദൂതരേ, നിങ്ങളുടെ പത്നിമാരിൽ സ്വർഗ്ഗത്തിൽ ആരൊക്കെയാണ്? തിരുമേനി ‎ﷺ  പറഞ്ഞു: “നിങ്ങൾ അവരുടെ കൂട്ടത്തിലാണ്”

ആഇശയി رَضِيَ اللَّهُ عَنْها ൽ നിന്നും നിവേദനം: അവർ പറഞ്ഞു: അല്ലാഹുവിന്റെ റസൂൽ ‎ﷺ പറഞ്ഞു:

“സ്വർഗ്ഗത്തിൽ ആഇശ رَضِيَ اللَّهُ عَنْها യുടെ ഉള്ളംകയ്യിന്റെ വെള്ള ഞാൻ കണ്ടു എന്നത് എനിക്ക് ആശ്വാസം പകരുന്നു”

 

ക്വയ്സ് ഇബ്നു സെയ്ദി رَضِيَ اللَّهُ عَنْهُ  ൽനിന്നും നിവേദനം: അദ്ദേഹം പറഞ്ഞു: അല്ലാഹുവിന്റെ റസൂൽ ‎ﷺ  പറഞ്ഞു:

“എന്റെ അടുക്കൽ ജിബരീൽ (അ) വന്നു. എന്നിട്ട് പറഞ്ഞു: ഹഫ്സ്വയെ മടക്കിയെടുക്കുക. കാരണം അവർ ധാരാളം നോമ്പെടുക്കുന്നവരും ഏറെ നമസ്കരിക്കുന്നവരുമാണ്. നിശ്ചയം, അവർ സ്വർഗ്ഗത്തിൽ താങ്കളുടെ ഇണയുമാണ്”.

ഉഥ്മാൻ ഇബ്നുഅഫ്ഫാനി رَضِيَ اللَّهُ عَنْهُ  ൽനിന്ന് നിവേദനം. അദ്ദേഹം പറഞ്ഞു:

“അല്ലാഹുവിന്റെ റസൂലി ‎ﷺ  നെ ഞാൻ ബത്വ്ഹാഇൽ കണ്ടുമുട്ടി. അപ്പോൾ അദ്ദേഹം എന്റെ കൈപിടിച്ചു. അങ്ങിനെ ഞാൻ അദ്ദേഹത്തോടൊപ്പം പോയി. തിരുമേനി ‎ﷺ  അമ്മാറിന്റേയും അബൂ അമ്മാറിന്റേയും ഉമ്മുഅമ്മാറിന്റേയും അരികിലൂടെ നടന്നു. അവർ ശിക്ഷിക്കപ്പെടുകയായിരുന്നു. അപ്പോൾ തിരുമേനി ‎ﷺ  പറഞ്ഞു: യാസറിന്റെ കുടുംബമേ ക്ഷമിക്കുക. കാരണം, നിങ്ങളുടെ മടക്കം സ്വർഗ്ഗത്തിലേക്കാകുന്നു” 

 

ഉമ്മുഹറാമിൽനിന്ന് നിവേദനം. അല്ലാഹുവിന്റെ റസൂൽ رَضِيَ اللَّهُ عَنْها പറയുന്നത് ഞാൻ കേട്ടു: 

“സമുദ്രത്തിൽ യുദ്ധം നയിക്കുന്ന എന്റെ സമുദായത്തിലെ ആദ്യ സൈന്യം സ്വർഗ്ഗം അനിവാര്യമാക്കിയിരിക്കുന്നു. ഉമ്മുഹറാം പറഞ്ഞു: അല്ലാഹുവിന്റെ റസൂലേ, ഞാൻ അവരിൽ ആണോ? തിരുമേനി ‎ﷺ  പറഞ്ഞു: “നിങ്ങളും അവരിലാണ്” (ബുഖാരി)

 

ജാബിറി رَضِيَ اللَّهُ عَنْها ൽനിന്നും നിവേദനം. അല്ലാഹുവിന്റെ റസൂൽ x  പറഞ്ഞു: 

“ഞാൻ സ്വർഗ്ഗത്തിൽ പ്രവേശിച്ചതായി എന്നെ കണ്ടു. അപ്പോഴതാ ഞാൻ അബൂത്വൽഹയുടെ ഭാര്യ റുമയ്സ്വാഇന്റെ അടുത്ത്” (ബുഖാരി)

 

അബ്ദുൽ ജബ്ബാർ അബ്ദുല്ല