വലിയതും ഭാരിച്ചതും സൃഷ്ടിച്ച നാഥന് ചെറിയത് സൃഷ്ടിക്കൽ ക്ഷിപ്രസാധ്യമാണെന്ന് ഉണർത്തുക.

മനുഷ്യരേക്കാൾ വലിയതും ശക്തിമത്തായതുമായ സൃഷ്ടിപ്പ് നടത്തിയ അല്ലാഹുവിന് പുനഃസൃഷ്ടി നടത്തൽ ഒരിക്കലും ഭാരിച്ചതല്ല. അല്ലാഹു പറയുന്നു:

أَوَلَمْ يَرَوْا أَنَّ اللَّهَ الَّذِي خَلَقَ السَّمَاوَاتِ وَالْأَرْضَ وَلَمْ يَعْيَ بِخَلْقِهِنَّ بِقَادِرٍ عَلَىٰ أَن يُحْيِيَ الْمَوْتَىٰ ۚ بَلَىٰ إِنَّهُ عَلَىٰ كُلِّ شَيْءٍ قَدِيرٌ ‎﴿٣٣﴾

ആകാശങ്ങളും ഭൂമിയും സൃഷ്ടിക്കുകയും അവയെ സൃഷ്ടിച്ചതു കൊണ്ട് ക്ഷീണിക്കാതിരിക്കുകയും ചെയ്ത അല്ലാഹു മരിച്ചവരെ ജീവിപ്പിക്കാൻ കഴിവുള്ളവൻ തന്നെയാണെന്ന് അവർക്ക് കണ്ടുകൂടെ? അതെ; തീർച്ചയായും അവൻ ഏതുകാര്യത്തിനും കഴിവുള്ളവനാകുന്നു.  (സൂറത്തുൽഅഹ്ക്വാഫ്: 33)

ذَٰلِكَ جَزَاؤُهُم بِأَنَّهُمْ كَفَرُوا بِآيَاتِنَا وَقَالُوا أَإِذَا كُنَّا عِظَامًا وَرُفَاتًا أَإِنَّا لَمَبْعُوثُونَ خَلْقًا جَدِيدًا ‎﴿٩٨﴾‏ ۞ أَوَلَمْ يَرَوْا أَنَّ اللَّهَ الَّذِي خَلَقَ السَّمَاوَاتِ وَالْأَرْضَ قَادِرٌ عَلَىٰ أَن يَخْلُقَ مِثْلَهُمْ وَجَعَلَ لَهُمْ أَجَلًا لَّا رَيْبَ فِيهِ فَأَبَى الظَّالِمُونَ إِلَّا كُفُورًا ‎﴿٩٩﴾‏ 

അവർ നമ്മുടെ ദൃഷ്ടാന്തങ്ങളെ നിഷേധിച്ചതിനും, ഞങ്ങൾ എല്ലുകളും ജീർണാവശിഷ്ടങ്ങളും ആയിക്കഴിഞ്ഞിട്ടാണോ പുതിയൊരു സൃഷ്ടിയായി ഞങ്ങൾ ഉയിർത്തെഴുന്നൽപിക്കപ്പെടുന്നത് എന്ന് അവർ പറഞ്ഞതിനും അവർക്കുള്ള പ്രതിഫലമത്രെ അത്. ആ കാശങ്ങളും ഭൂമിയും സൃഷ്ടിച്ച അല്ലാഹു ഇവരെപ്പോലെയുള്ളവരെയും സൃഷ്ടിക്കാൻ ശക്തനാണ് എന്ന് ഇവർ മനസ്സിലാക്കിയിട്ടില്ലേ? ഇവർക്ക് അവൻ ഒരു അവധി നിശ്ചയിച്ചിട്ടുണ്ട്. അതിൽ സംശയമേ ഇല്ല. എന്നാൽ നന്ദികേട് കാണിക്കാനല്ലാതെ ഈ അക്രമികൾക്ക് മനസ്സ് വന്നില്ല.   (സൂറത്തുൽഇസ്റാഅ്: 98,99)

സൃഷ്ടികളിൽ കാണുന്ന പരിണാമങ്ങളിൽ ചിന്തിപ്പിക്കുക
സൃഷ്ടിച്ചതിന് ശേഷം സൃഷ്ടികളിൾ വിവിധങ്ങളായ പരിണാമ
ങ്ങൾ നടത്തുന്നവനാണ് അല്ലാഹു. അവൻ സൃഷ്ടിക്കുകയും സംഹരിക്കുകയും ജീവിപ്പിക്കുകയും മരിപ്പിക്കുകയും ചെയ്യുന്നു… വിത്തുകളിൽനിന്നും ധാന്യമണികളിൽനിന്നും വൃക്ഷലതാദികളെ കൊണ്ടുവരുന്നു. വൃക്ഷലതാദികളിൽനിന്ന് ഫലങ്ങളും പഴങ്ങളും പുഷ്പങ്ങളും അവയിൽനിന്ന് ധാന്യമണികളും വിത്തുകളും വിളയായുണ്ടാക്കുന്നു. ഇത്തരം അവസ്ഥാമാറ്റങ്ങൾക്ക് പിന്നിലെല്ലാം അല്ലാഹുവിന്റെ കഴിവും സൃഷ്ടിപ്പും മാത്രമാണെന്നരിക്കെ പുനഃസൃഷ്ടി അവന് ക്ഷിപ്രസാദ്ധ്യമാണ്. അല്ലാഹു പറയുന്നു:

۞ إِنَّ اللَّهَ فَالِقُ الْحَبِّ وَالنَّوَىٰ ۖ يُخْرِجُ الْحَيَّ مِنَ الْمَيِّتِ وَمُخْرِجُ الْمَيِّتِ مِنَ الْحَيِّ ۚ ذَٰلِكُمُ اللَّهُ ۖ فَأَنَّىٰ تُؤْفَكُونَ ‎﴿٩٥﴾‏ فَالِقُ الْإِصْبَاحِ وَجَعَلَ اللَّيْلَ سَكَنًا وَالشَّمْسَ وَالْقَمَرَ حُسْبَانًا ۚ ذَٰلِكَ تَقْدِيرُ الْعَزِيزِ الْعَلِيمِ ‎﴿٩٦﴾‏ 

തീർച്ചയായും ധാന്യമണികളും ഈന്തപ്പഴക്കുരുവും പിളർക്കുന്നവ നാകുന്നു അല്ലാഹു. നിർജീവമായതിൽ നിന്ന് ജീവനുള്ളതിനെ അവൻ പുറത്ത് വരുത്തുന്നു. ജീവനുള്ളതിൽനിന്ന് നിർജീവമായതിനെ പുറത്ത് വരുത്തുന്നവനുമാണ് അവൻ. അങ്ങനെയുള്ളവനത്രെ അല്ലാഹു. എന്നിരിക്കെ നിങ്ങൾ എങ്ങനെയാണ് തെറ്റിക്കപ്പെടുന്നത്? പ്രഭാതത്തെ പിളർത്തിക്കൊണ്ട് വരുന്നവനാണവൻ. രാത്രിയെ അവൻ ശാന്തമായ വിശ്രമവേളയാക്കിയിരിക്കുന്നു. സൂര്യനെയും ചന്ദ്രനെയും കണക്കുകൾക്ക് അടിസ്ഥാനവും (ആക്കി യിരിക്കുന്നു.) പ്രതാപിയും സർവ്വജ്ഞനുമായ അല്ലാഹുവിന്റെ ക്രമീകരണമത്രെ അത്. (സൂറത്തുൽഅൻആം: 95,96)

മരണപ്പെട്ട ചിലർക്ക് ജീവനേകിയ ചരിത്രത്തിലേക്ക് ശ്രദ്ധക്ഷണിക്കുക.
ജീവനറ്റതും ജീവനറ്റ് ജീർണ്ണിച്ചതുമായ ചില ശരീരങ്ങളിൽ ജീവനരിക്കുകയും അവ സജീവമാവുകയും ചെയ്ത ഏതാനും സംഭവങ്ങൾക്ക് കാലം സാക്ഷിയാണ്. എന്ന് മാത്രമല്ല നിർജ്ജീവ മായ ചില വസ്തുക്കൾവരെ ജീവനുള്ളവയായി പരിണമിച്ചതിന് ചരിത്രം സാക്ഷ്യം മൊഴിയുന്നുണ്ട്.
വിശുദ്ധ ക്വുർആൻ ഇത്തരം സംഭവങ്ങളിലേക്ക് വെളിച്ചം വീശി. ലോകം ശുദ്ധശൂന്യതയിൽ നിന്ന് പടച്ച് അവയിൽ ഇത്തരം അത്ഭുതങ്ങളും അമാനുഷികതകളും കാഴ്ച്ചവെച്ചത് അല്ലാഹു മാത്രമാണെന്നും അവൻ എല്ലാ കാര്യങ്ങൾക്കും കഴിവുറ്റവനാണെന്നും ലോകം വായിച്ചെടുക്കുവാനും അവന് അശക്തമായതായി യാതൊന്നുമില്ലെന്ന് അറിയുവാനുമാണത്.
അല്ലാഹുവിനെ പരസ്യമായി കാണുകയാണെങ്കിൽ മാ ത്രമേ വിശ്വസിക്കൂ എന്ന് മൂസായുടെ ജനത ദുശ്ശാഠ്യം കാണിച്ചപ്പോൾ അവരെ പിടികൂടിയ പ്രകമ്പനവും അതിൽ അവർ മരി ക്കുകയും ശേഷം അല്ലാഹു അവർക്ക് ജീവൻ നൽകുകയും ചെയ്തത് വിശുദ്ധക്വുർആൻ ഉണർത്തുന്നു.

وَإِذْ قُلْتُمْ يَا مُوسَىٰ لَن نُّؤْمِنَ لَكَ حَتَّىٰ نَرَى اللَّهَ جَهْرَةً فَأَخَذَتْكُمُ الصَّاعِقَةُ وَأَنتُمْ تَنظُرُونَ ‎﴿٥٥﴾‏ ثُمَّ بَعَثْنَاكُم مِّن بَعْدِ مَوْتِكُمْ لَعَلَّكُمْ تَشْكُرُونَ ‎﴿٥٦﴾

ഓ; മൂസാ, ഞങ്ങൾ അല്ലാഹുവെ പ്രത്യക്ഷമായി കാണുന്നത് വരെ താങ്കളെ ഞങ്ങൾ വിശ്വസിക്കുകയേ ഇല്ല എന്ന് നിങ്ങൾ പറഞ്ഞ സന്ദർഭം (ഓർക്കുക.) തന്നിമിത്തം നിങ്ങൾ നോക്കി നിൽ ക്കെ ഇടിത്തീ നിങ്ങളെ പിടികൂടി. പിന്നീട് നിങ്ങളുടെ മരണത്തിന് ശേഷം നിങ്ങളെ നാം എഴുന്നേൽപിച്ചു. നിങ്ങൾ നന്ദിയുള്ളവരായിത്തീരാൻ വേണ്ടി.  (സൂറത്തുൽബക്വറഃ : 55,56)

മരണം ഭയന്ന് തങ്ങളുടെ ഭവനങ്ങളിൽനിന്ന് ഓടിയകന്ന വരെ അല്ലാഹു മരിപ്പിക്കുകയും ശേഷം ജീവിപ്പിക്കുകയും ചെയ്ത സംഭവം വിശുദ്ധക്വുർആനിൽ മറ്റൊരിടത്ത് വിവരിക്കുന്നുണ്ട്.

۞ أَلَمْ تَرَ إِلَى الَّذِينَ خَرَجُوا مِن دِيَارِهِمْ وَهُمْ أُلُوفٌ حَذَرَ الْمَوْتِ فَقَالَ لَهُمُ اللَّهُ مُوتُوا ثُمَّ أَحْيَاهُمْ ۚ إِنَّ اللَّهَ لَذُو فَضْلٍ عَلَى النَّاسِ وَلَٰكِنَّ أَكْثَرَ النَّاسِ لَا يَشْكُرُونَ ‎﴿٢٤٣﴾‏

ആയിരക്കണക്കിന് ആളുകളുണ്ടായിട്ടും മരണഭയം കൊണ്ട് സ്വന്തം വീട് വിട്ട് ഇറങ്ങിപ്പോയ ഒരു ജനതയെപ്പറ്റി നീ അറിഞ്ഞില്ലേ? അപ്പോൾ അല്ലാഹു അവരോട് പറഞ്ഞു: നിങ്ങൾ മരിച്ചുകൊള്ളുക. പിന്നീട് അല്ലാഹു അവർക്ക് ജീവൻ നൽകി. അല്ലാഹു തീർച്ചയായും മനുഷ്യരോട് ഒൗദാര്യം കാണിക്കുന്നവനാകുന്നു. പക്ഷെ മനുഷ്യരിൽ അധികപേരും നന്ദികാണിക്കുന്നില്ല.(സൂറത്തുൽബക്വറഃ:243)

ഭൂമുഖത്തെ മഴ വർഷിപ്പിച്ച് സജീവമാക്കിയതിനോട് ഉപമിക്കുക

ജീവനറ്റ ഭൗതിക ശരീരങ്ങളിലേക്കും ജീർണ്ണിച്ച് നുരുമ്പിയ അസ്തികളിലേക്കും ആത്മാവിനെ മടക്കുന്നതിനെ അല്ലാഹു ഉപമിച്ചത് വരണ്ടു നശിച്ച് ശൂന്യമായ ഭൂതലത്തിലേക്ക് മഴ വർഷിപ്പി ച്ച് അതിനെ സജീവമാക്കുന്നതിനോടാണ്. മനുഷ്യന്റെ കൺവെട്ട ത്ത് ഭൂമിക്കുപരിയിൽ ഈ അവസ്ഥാമാറ്റത്തിന് പിന്നിൽ ആരാ ണ്? ഈ അവസ്ഥാമാറ്റം നൽകുന്ന പാഠങ്ങളിൽ അതിപ്രധാനമായത് എന്താണ്? അല്ലാഹു പറയുന്നു:

وَمِنْ آيَاتِهِ أَنَّكَ تَرَى الْأَرْضَ خَاشِعَةً فَإِذَا أَنزَلْنَا عَلَيْهَا الْمَاءَ اهْتَزَّتْ وَرَبَتْ ۚ إِنَّ الَّذِي أَحْيَاهَا لَمُحْيِي الْمَوْتَىٰ ۚ إِنَّهُ عَلَىٰ كُلِّ شَيْءٍ قَدِيرٌ ‎﴿٣٩﴾‏

നീ ഭൂമിയെ വരണ്ടുണങ്ങിയതായി കാണുന്നു. എന്നിട്ട് അതിൽ നാം വെള്ളം വർഷിച്ചാൽ അതിന് ചലനമുണ്ടാവുകയും അത് വള രുകയും ചെയ്യുന്നു. ഇതും അവന്റെ ദൃഷ്ടാന്തങ്ങളിൽ പെട്ടത ത്രെ. അതിന് ജീവൻ നൽകിയവൻ തീർച്ചയായും മരിച്ചവർക്കും ജീവൻ നൽകുന്നവനാകുന്നു. തീർച്ചയായും അവൻ ഏതുകാര്യ ത്തിനും കഴിവുള്ളവനാകുന്നു. (സൂറത്തുൽഫുസ്സ്വിലത്ത് : 39)

وَالَّذِي نَزَّلَ مِنَ السَّمَاءِ مَاءً بِقَدَرٍ فَأَنشَرْنَا بِهِ بَلْدَةً مَّيْتًا ۚ كَذَٰلِكَ تُخْرَجُونَ ‎﴿١١﴾‏ 

ആകാശത്ത് നിന്ന് ഒരു തോത് അനുസരിച്ച് വെള്ളം വർഷിച്ചു തരികയും ചെയ്തവൻ. എന്നിട്ട് അത് മൂലം നാം നിർജീവമായ രാജ്യത്തെ പുനരുജ്ജീവിപ്പിച്ചു. അത് പോലെ തന്നെ നിങ്ങളും (മര ണാനന്തരം) പുറത്തു കൊണ്ടു വരപ്പെടുന്നതാണ്.  (സൂറത്തു സ്സുഖ്റഫ്: 11)

നാഥന്റെ യുക്തിയുടേയും നീതിയുടേയും തേട്ടമാണ് പുനഃസൃഷ്ടി

മഹത്വമുടയവനായ പ്രപഞ്ചനാഥന്റെ യുക്തിയുടേയും നീതിയുടേയും തേട്ടമാണ് പുനഃസൃഷ്ടി നടത്തലും കർമ്മങ്ങൾക്ക് പ്രതിഫലമേകലും. തന്നെ മാത്രം ആരാധിക്കുന്നതിനുവേണ്ടിയാണ് അല്ലാഹു സൃഷ്ടിപ്പ് നടത്തിയത്. വേദഗ്രന്ഥങ്ങൾ അവതരിപ്പിച്ചും ദൂതന്മാരെ നിയോഗിച്ചും എങ്ങിനെ തന്നെ ആരാധിക്കണ മെന്നും അവൻ പഠിപ്പിച്ചു. അതിൽപിന്നെ അല്ലാഹുവിനെ മാ ത്രം ആരാധിച്ച് സന്മാർഗ്ഗത്തിൽ വഴിനടന്നവനുണ്ട്. അതിക്രമിയായി മാർഗ്ഗഭ്രംശിയായവനുമുണ്ട്. സധർമ്മം പ്രവർത്തിച്ചവന് മോക്ഷവും പ്രതിഫലവും അധർമ്മം പ്രവർത്തിച്ചവന് ശിക്ഷയും അല്ലാഹുവിന്റെ നിയമമാണ്. അല്ലാഹു പറയുന്നത് നോക്കൂ:

وَمَا خَلَقْنَا السَّمَاءَ وَالْأَرْضَ وَمَا بَيْنَهُمَا بَاطِلًا ۚ ذَٰلِكَ ظَنُّ الَّذِينَ كَفَرُوا ۚ فَوَيْلٌ لِّلَّذِينَ كَفَرُوا مِنَ النَّارِ ‎﴿٢٧﴾‏ أَمْ نَجْعَلُ الَّذِينَ آمَنُوا وَعَمِلُوا الصَّالِحَاتِ كَالْمُفْسِدِينَ فِي الْأَرْضِ أَمْ نَجْعَلُ الْمُتَّقِينَ كَالْفُجَّارِ ‎﴿٢٨﴾‏

ആകാശവും ഭൂമിയും അവയ്ക്കിടയിലുള്ളതും നാം നിരർത്ഥകമായി സൃഷ്ടിച്ചതല്ല. സത്യനിഷേധികളുടെ ധാരണയത്രെ അത്. ആകയാൽ സത്യനിഷേധികൾക്ക് നരകശിക്ഷയാൽ മഹാനാശം! അതല്ല, വിശ്വസിക്കുകയും സൽകർമ്മങ്ങൾ പ്രവർത്തിക്കുകയും ചെയ്തവരെ ഭൂമിയിൽ കുഴപ്പമുണ്ടാക്കുന്നവരെ പോലെ നാം ആക്കുമോ? അതല്ല, ധർമ്മനിഷ്ഠ പാലിക്കുന്നവരെ ദുഷ്ടന്മാരെ പോലെ നാം ആക്കുമോ? (സൂറത്തുസ്വാദ്: 27,28)
ഈ ഉലകത്തിന്റെ സൃഷ്ടിപ്പ് വ്യർത്ഥവും വൃഥാവേലയുമാ ണെന്നതും അതിൽ യാതൊരു യുക്തിയുമില്ലെന്നതും അവിശ്വാസികളുടെ ഊഹങ്ങളും ദുർചിന്തകളും മാത്രമാണ്.

അബ്ദുൽ ജബ്ബാർ അബ്ദുല്ല