വസ്ത്രം ധരിക്കുമ്പോൾ
വസ്ത്രം ധരിക്കുന്നവൻ താഴെ വരുന്ന ദിക്ർ ചൊല്ലി യാൽ അവന്റെ കഴിഞ്ഞു പോയ പാപങ്ങൾ പൊറുക്കപ്പെടുമെ ന്ന് ഇമാം അബൂദാവൂദ് റിപ്പോർട്ട് ചെയ്ത ഹദീഥിലുണ്ട്. അൽ ബാനി ഹദീഥിനെ സ്വഹീഹെന്ന് വിശേഷിപ്പിച്ചു.
الْحَمْدُ لِلَّهِ الَّذِى كَسَانِى هَذَا الثَّوْبَ وَرَزَقَنِيهِ مِنْ غَيْرِ حَوْلٍ مِنِّى وَلاَ قُوَّةٍ
“എന്നിൽ നിന്നുള്ള യാതൊരു കഴിവും ശേഷിയും കൂടാതെ ഈ വസ്ത്രം എന്നെ ധരിപ്പിക്കുകയും ഇത് എനിക്ക് പ്രദാനം ചെയ്യുകയും ചെയ്ത അല്ലാഹുവിന് മാത്രമാകുന്നു സർവ്വ സ്തുതികളും.”
പുതുവസ്ത്രം ധരിക്കുമ്പോൾ
പുതുവസ്ത്രം ധരിച്ചാൽ തിരുനബി ﷺ പറയാറുണ്ടായിരു ന്നതായി ഇമാം അബൂദാവൂദ് റിപ്പോർട്ട് ചെയ്ത ഹദീഥിൽ ഇപ്ര കാരമുണ്ട്. അൽബാനി സ്വഹീഹെന്ന് വിശേഷിപ്പിച്ചു.
اللَّهُمَّ لَكَ الْحَمْدُ أَنْتَ كَسَوْتَنِيهِ أَسْأَلُكَ مِنْ خَيْرِهِ وَخَيْرِ مَا صُنِعَ لَهُ وَأَعُوذُ بِكَ مِنْ شَرِّهِ وَشَرِّ مَا صُنِعَ لَهُ
“അല്ലാഹുവേ, നിനക്ക് മാത്രമാണ് സ്തുതികൾ മുഴുവനും. നീയാണ് ഇത് എന്നെ ധരിപ്പിച്ചത്. ഇതിന്റെ നന്മയും ഇത് ഏതൊന്നി നുവേണ്ടി നിർമ്മിക്കപ്പെട്ടുവോ അതിന്റെ നന്മയും നിന്നോട് ഞാൻ തേടുന്നു. ഇതിന്റെ തിന്മയിൽനിന്നും ഇത് ഏതൊന്നിന് വേണ്ടി നിർമ്മിക്കപ്പെട്ടുവോ അതിന്റെ തിന്മയിൽനിന്നും ഞാൻ നിന്നോട് രക്ഷതേടുന്നു.”
പുതുവസ്ത്രം ധരിച്ചയാളെ കാണുമ്പോൾ
പുതുവസ്ത്രം ധരിച്ച ഉമറി رَضِيَ اللَّهُ عَنْهُ നു വേണ്ടി തിരുനബി ﷺ ദുആ ചെയ്തതായി ഇബ്നുമാജ റിപ്പോർട്ട് ചെയ്ത ഹദീഥിലുണ്ട്. അൽബാനി സ്വഹീഹെന്ന് വിശേഷിപ്പിച്ചു.
اِلْبِسْ جَدِيداً وَعِشْ حميداً ومُتْ شهيداً
“(അല്ലാഹു) താങ്കളെ പുതിയത് ധരിപ്പിക്കട്ടേ, സ്തുത്യർഹനായി താങ്കളെ ജീവിപ്പിക്കട്ടെ, ശഹീദായി മരിപ്പിക്കട്ടെ.”
പുതുവസ്ത്രം ധരിച്ച വ്യക്തിക്കുവേണ്ടി താഴെവരും പ്രകാരം സ്വഹാബികൾ ദുആ ചെയ്യാറുണ്ടായിരുന്നുവെന്ന് ഇമാം അബൂദാവൂദ് റിപ്പോർട്ട് ചെയ്ത ഹദീഥിലുണ്ട്. അൽബാനി ഹദീഥിനെ സ്വഹീഹെന്ന് വിശേഷിപ്പിച്ചു.
تُبْلِى وَيُخْلِفُ اللَّهُ تَعَالَى
“(താങ്കളുടെ വസ്ത്രം) ജീർണ്ണിക്കുകയും അല്ലാഹു പകരം നൽകുകയും ചെയ്യും. (എല്ലാം ധരിച്ച് ജീവിക്കുവാൻ താങ്കൾക്ക് അല്ലാഹു ദീർഘായുസ്സ് നൽകട്ടേ എന്ന് സാരം)”
അബ്ദുൽ ജബ്ബാർ അബ്ദുല്ല
