ആദം നബി (അ) യുടെ മരണവുമായി ബന്ധപെട്ട് ഉബയ്യ് ഇബ്നു കഅ്ബി رَضِيَ اللَّهُ عَنْهُ  ൽ നിന്ന് നിവേദനം ചെയ്യപ്പെടുന്ന മരണാനന്തര കർമ്മങ്ങളെ അറിയിക്കുന്ന ഒരു ഹദീഥ് ഇപ്രകാരമുണ്ട്:

“നിശ്ചയം, ആദമി നു മരണം ആസന്നമായപ്പോൾ അദ്ദേഹം തന്റെ മക്കളോടു പറഞ്ഞു: എന്റെ മക്കളേ, ഞാൻ സ്വർഗീയ പഴങ്ങൾ ഇച്ഛിക്കുന്നു. അദ്ദേഹത്തിനു വേണ്ടി അവർ അത് അന്വേഷിച്ചു പോയി. അപ്പോൾ മലക്കുകൾ അവരെ അഭിമുഖീകരിച്ചു. മലക്കുകളോടൊപ്പം അദ്ദേഹത്തിനുള്ള കഫനുകളും സുഗന്ധ ദ്രവ്യങ്ങളുമുണ്ടായിരുന്നു. അവരോടൊപ്പം മഴുകളും മൺവെട്ടികളും കൈകോട്ടുകളുമുണ്ടാ യിരുന്നു. 

  മലക്കുകൾ അവരോടു ചോദിച്ചു: ആദമിന്റെ മക്കളേ, നിങ്ങൾ എന്താണ് ഉദ്ദ്യേശിക്കുന്നത്, എന്താണ് അന്വേഷിക്കുന്നത്? അല്ലെങ്കിൽ നിങ്ങൾ എന്താണ് ഉദ്ദ്യേശിക്കുന്നത്, നിങ്ങൾ എവിടേക്കാണ് പോകുന്നത്?

അവർ പറഞ്ഞു: ഞങ്ങളുടെ പിതാവ് രോഗിയാണ്. അദ്ദേഹം സ്വർഗീയ പഴങ്ങൾ ആഗ്രഹിക്കുന്നു.  

മലക്കുകൾ അവരോടു പറഞ്ഞു: നിങ്ങൾ മടങ്ങുക. കാരണം നിങ്ങളുടെ പിതാവിന്റെ മരണം തീരുമാനിക്കപെട്ടിരിക്കുന്നു. അങ്ങനെ മലക്കുകൾ വന്നു. ഹവ്വാഅ് മലക്കുകളെ കണ്ടപ്പോൾ അവരെ തിരിച്ച റിഞ്ഞു. ഹവ്വാഅ് ആദമിലേക്ക് അഭയം പ്രാപിച്ചു.

 (ആദം (അ)) പറഞ്ഞു: നീ വിട്ടുനിൽക്കുക. നിന്നിലൂടെയാണ് എന്നിലേക്ക് എത്തിയിട്ടുള്ളത്. എന്നേയും എന്റെ റബ്ബിന്റെ മലക്കുകളേയും വിട്ടേക്കുക. 

   അപ്പോൾ മലക്കുകൾ അദ്ദേഹത്തെ മരണത്തിലൂടെ പിടികൂടി.അവർ അദ്ദേഹത്തെ കുളിപ്പിക്കുകയും കഫൻ ചെയ്യുകയും സുഗന്ധം പൂശു കയും ചെയ്തു. അവർ അദ്ദേഹത്തിനായി കുഴിക്കുകയും ലഹ്ദ്  ഒരുക്കുകയും ചെയ്തു. ( ക്വബ്ർ രണ്ടാൽ ഒരു രീതിയിലാണ് ഒരുക്കപ്പെടുക. ക്വബ്ർ കുഴിച്ച് ചു മരിനടിയിൽ ക്വിബ്ലഃ ഭാഗത്ത് മയ്യിത്തുവെക്കുവാൻ വലിപ്പത്തിൽ തുര ക്കുകയും അത് ഒരു മേൽകൂരപോലെ ആക്കപ്പെടുകയും ചെയ്യുന്നതിനാ ണ് ലഹ്ദ് എന്നു പറയുന്നത്. ക്വബ്റിനു അടിഭാഗത്ത് മദ്ധ്യത്തിലായി മ യ്യിത്തു വെക്കുവാൻ വലിപ്പത്തിൽ കുഴിക്കുകയും അതിന്റെ മുകൾഭാഗം മൂടും വിധം ആക്കപ്പെടുന്നതിനാണ് ശക്ക്വ് എന്നു പറയപ്പെടുന്നത്. നമ്മു ടെ നാട്ടിൽ ശക്ക്വാണ് ഉപയോഗിക്കുന്നത്.)  അദ്ദേഹത്തിനു വേണ്ടി അവർ നമസ്കരിച്ചു. ശേഷം അവർ അദ്ദേഹത്തിന്റെ ക്വബ്റിൽ പ്രവേശിക്കുകയും അദ്ദേഹ ത്തെ ക്വബ്റിൽ വെക്കുകയും ചെയ്തു. അതിന്മേൽ അവർ ഇഷ്ടിക വെച്ചു. പിന്നീട് അവർ ക്വബ്റിൽ നിന്നു പുറത്തുവന്നു. അദ്ദേഹത്തി ന്മേൽ അവർ മണ്ണുവാരിയിട്ടു. ശേഷം അവർ പറഞ്ഞു: ആദം സന്തതികളേ ഇതാണ് നിങ്ങൾക്കുള്ള സുന്നത്ത്.”  (മുസ്നദുഅഹ്മദ്. അൽബാനി സ്വഹീഹുൻമൗക്വൂഫ് എന്ന് വിശേഷിപ്പിച്ചു.)

 

ഉമ്മുസലമഃ رَضِيَ اللَّهُ عَنْها  യിൽ നിന്ന് നിവേദനം. അല്ലാഹുവിന്റെ തിരുദൂതർ ‎ﷺ   പറഞ്ഞു:

“രോഗിയുടേയോ മയ്യിത്തിന്റേയോ സമീപത്ത് സന്നിഹിതരാകുമ്പോൾ നിങ്ങൾ നല്ലതേ പറയാവൂ.കാരണം നിങ്ങൾ പറയുന്നതിന് മലക്കുകൾ ആമീൻ ചൊല്ലും. ഉമ്മുസലമഃ رَضِيَ اللَّهُ عَنْها പറയുന്നു. അബൂസലമഃ  رَضِيَ اللَّهُ عَنْهُ  (അവരുടെ ഭർത്താവ്) മരണപ്പെട്ട പ്പോൾ ഞാൻ നബി ‎ﷺ  യുടെ അടുത്തു ചെന്നു പറഞ്ഞു. അല്ലാഹുവിന്റെ റസൂലേ, നിശ്ചയം, അബൂസലമഃ മരണപ്പെട്ടിരിക്കുന്നു. നബി ‎ﷺ  പറഞ്ഞു. നിങ്ങൾ ഇപ്രകാരം പ്രാർത്ഥിക്കൂ:

 

“അല്ലാഹുവേ, എനിക്കും അദ്ദേഹത്തിനും നീ പൊറുത്തു തരേണമേ. അദ്ദേഹത്തിനു പകരം ഉത്തമനായ ഒരുപിൻഗാമിയെ എനിക്കു നീ പ്രദാനം ചെയ്യേണമേ.

ഞാൻ പറഞ്ഞു: അതിനാൽ(പ്രാർത്ഥനയുടെ ഫലമായി) അബൂസലമഃ യേക്കാൾ എനിക്ക് ഏറ്റവും ഉത്തമനായ മുഹമ്മദ് ‎ﷺ യെ അവൻ എനിക്ക് പിൻഗാമിയാക്കിത്തന്നു.”  (മുസ്‌ലിം)

 

അനുശോചനമറിയിക്കുന്നതിന്റെ മഹത്വം
അംറ് ഇബ്നുഹസമി رَضِيَ اللَّهُ عَنْهُ ൽ നിന്നും നിവേദനം:

مَا مِنْ مُؤْمِنٍ يُعَزِّي أَخَاهُ بِمُصِيبَةٍ إِلَّا كَسَاهُ اللَّهُ سُبْحَانَهُ مِنْ حُلَلِ الْكَرَامَةِ يَوْمَ الْقِيَامَةِ

“ഒരു മുസ്വീബത്തിൽ തന്റെ സഹോദരനെ സമാശ്വസിപ്പിക്കുന്ന യാതൊരു വിശ്വാസിയുമില്ല; അല്ലാഹു അന്ത്യനാളിൽ അയാൾക്ക് കറാമത്തിന്റെ വസ്ത്രങ്ങളിൽ നിന്നു ധരിപ്പിക്കാതെ.”  ( സുനനുഇബ്നിമാജഃ. അൽബാനി ഹസനെന്ന് വിശേഷിപിച്ചു)

അബ്ദുൽ ജബ്ബാർ അബ്ദുല്ല