مِنْ اقْتِرَابِ السَّاعَةِ انْتِفَاخُ الأَهِلَّةُ.

“ഉദയചന്ദ്രൻ വികാസംകൂടി ഉദയം ചെയ്യൽ അന്ത്യനാൾ അടുത്തതിനെ (അറിയിക്കുന്ന കാര്യങ്ങളിൽ) പെട്ടതാണ്.”

അബൂഹുറയ്റ رَضِيَ اللَّهُ عَنْهُ യിൽ നിന്ന് നിവേദനം. അല്ലാഹുവിന്റെ റസൂൽ ‎ﷺ  പറഞ്ഞു:

مِنْ اقْتِرَابِ السَّاعَةِ انْتِفَاخُ الأَهِلَّةُ وأنْ يُرَى الهِلاَلُ لِليلةٍ فيقالُ: هوَا بنُ ليلتينِ

“ഉദയചന്ദ്രൻ വലിപ്പം കൂടി ഉദയം ചെയ്യൽ അന്ത്യനാൾ അടുത്തതിനെ (അറിയിക്കുന്ന കാര്യങ്ങളിൽ) പെട്ടതാണ്. ഒന്നാം രാവിലെ ബാലചന്ദ്രൻ കാണപ്പെടും. അപ്പോൾ പറയ പ്പെടും: രണ്ടാം രാവിലെ ഉദയ ചന്ദ്രനാണത്.”

51,52.സത്യസാക്ഷ്യം മറച്ചുവെക്കുക,കള്ള സാക്ഷ്യം വ്യാപിപ്പിക്കുക
സത്യസാക്ഷ്യം യഥാവിധം നിർവ്വഹിക്കുവാനും കള്ള സാക്ഷ്യം പാടേ കയ്യൊഴിക്കുവാനും ഇസ്ലാം കണിശമായി നിർദ്ദേശിച്ചു. കാലം നാശത്തോടടുക്കുമ്പോൾ സത്യസാക്ഷ്യം മൂടിവെക്കുകയും കള്ളസാക്ഷ്യം പരക്കുകയും ചെയ്യുന്ന ദുരവ സ്ഥയുണ്ടാകുമെന്ന് തിരുമൊഴിയുണ്ട്. ഇബ്നു മസ്ഉൗദി رَضِيَ اللَّهُ عَنْهُ ൽ നിന്ന് നിവേദനം. അല്ലാഹുവിന്റെ റസൂൽ ﷺ പറഞ്ഞു:

أَنَّ بَيْنَ يَدَيْ السَّاعَةِ……وَشَهَادَةَ الزُّورِ وَكِتْمَانَ شَهَادَةِ الْحَقِّ

“നിശ്ചയം,അന്ത്യനാളിന്റെ മുന്നോടിയായി,……കള്ളസാക്ഷ്യവും സത്യസാക്ഷ്യം മൂടിവെക്കലുമുണ്ടാകും.”

مِنْ اقْتِرَابِا لسَّاعَةِ…..وَأَنْ يَظْهَرَ مَوْتُ الْفَجْأَةِ

“പെട്ടന്ന് സംഭവിക്കുന്ന മരണം വ്യാപകമാകലും അന്ത്യനാൾ അടുത്തതിനെ (അറിയിക്കുന്ന കാര്യങ്ങളിൽ) പെട്ടതാണ്.”
പൊടുന്നനെ വരുന്ന പ്രകൃതിക്ഷോഭങ്ങളുടേയും പെട്ടെന്നുള്ള അപകട മരണങ്ങളുടേയും ഹൃദയസ്തംഭനം മൂലമുള്ള ആകസ്മിക മരണങ്ങളുടേയും കാലഘട്ടത്തിലാണല്ലോ നാമേവരും ജീവിക്കുന്നത്.
അല്ലാഹുവേ നീ ഞങ്ങളുടെ പര്യവസാനം നന്നാക്കുകയും, ഈമാനോടും തൗബഃയോടുംകൂടി ഞങ്ങളെ മരിപ്പിക്കുകയും ചെയ്യേണമേ.

سُئِل رَسُولُ اللَّهِ ‎ﷺ  عَنْ السَّاعَةِ فَقَالَ “عِلْمُهَا عِندَ رَبِّي ۖ لَا يُجَلِّيهَا لِوَقْتِهَا إِلَّا هُوَ” وَلَكِنْ أُخْبِرُكُمْ بِمَشَارِيطِهَا وَمَا يَكُونُ بَيْنَ يَدَيْهَا إِنَّ بَيْنَ يَدَيْهَا فِتْنَةً وَهَرْجًا قَالُوا يَا رَسُولَ اللَّهِ الْفِتْنَةُ قَدْ عَرَفْنَاهَا فَالْهَرْجُ مَاهُوَ قَالَ بِلِسَانِ الْحَبَشَةِ الْقَتْلُ وَيُلْقَى بَيْنَ النَّاسِ التَّنَاكُرُ فَلَا يَكَادُ أَحَدٌ أَنْ يَعْرِفَ أَحَدًا

“അല്ലാഹുവിന്റെ റസൂൽﷺ അന്ത്യനാളിനെകുറിച്ച് ചോദിക്കപ്പെട്ടു. അപ്പോൾ തിരുമേനി ﷺ പറഞ്ഞു:

عِلْمُهَا عِندَ رَبِّي ۖ لَا يُجَلِّيهَا لِوَقْتِهَا إِلَّا هُوَ ۚ 

“അതിനെപ്പറ്റിയുള്ള അറിവ് എന്റെ രക്ഷിതാവിങ്കൽ മാത്രമാണ്. അതിന്റെ സമയത്ത് അത് വെളിപ്പെടുത്തുന്നത് അവൻ മാത്രമാകുന്നു.” എന്നാൽ ഞാൻ നിങ്ങൾക്ക് അതിന്റെ അടയാളങ്ങളെ കുറിച്ചും അതിന്റെ മുന്നോടിയായി ഉണ്ടാകുന്നതിനെകുറിച്ചും പ റഞ്ഞുതരാം. നിശ്ചയം അന്ത്യനാളിന്റെ മുന്നോടിയായി ഫിത്നഃ യും ഹർജുമുണ്ടാകും.അവർ പറഞ്ഞു: അല്ലാഹുവിന്റെ റസൂലേ, ഫിത്നഃ ഞങ്ങൾ മനസ്സിലാക്കിയിട്ടുണ്ട്. ഹർജ് എന്താണ്? നബി ‎ﷺ പറഞ്ഞു:ഹബശക്കാരുടെ ഭാഷയിൽ വധമാണ്. ജനങ്ങ ൾക്കിടയിൽ പരസ്പരം അപരിചിതത്വം കാണപ്പെടും; അതോടെ ഒരാൾക്കും ഒരാളേയും പരിചയമില്ലാതാകും.

55. മദീനഃ നീചന്മാരെ പുറന്തള്ളും
വിശുദ്ധ മദീനഃയിൽ താമസിക്കുന്നതിനെ നബി ﷺ പ്രോൽസാ ഹിപ്പിക്കുകയും അതിന് ആഗ്രഹം ജനിപ്പിക്കുകയും പ്രതികൂലാവസ്ഥകളിൽ ക്ഷമിച്ചു കഴിഞ്ഞുകൂടുവാൻ കൽപിക്കുകയും ചെയ്തിട്ടുണ്ട്.
അബൂസഈദിൽ ഖുദ്രി رَضِيَ اللَّهُ عَنْهُ യിൽ നിന്നും നിവേദനം. അദ്ദേഹം പറഞ്ഞു. അല്ലാഹുവിന്റെ റസൂൽ ﷺ പറഞ്ഞതായി ഞാൻ കേട്ടിരിക്കുന്നു:

لاَ يَصْبِرُ أَحَدٌ عَلَىٰ لأوَائِهَا فَيَمُوتَ، إِلاَّ كُنْتُ لَهُ شَفِيعاً أَوْ شَهِيداً يَوْمَ الْقِيَامَةِ، إِذَا كَانَ مُسْلِماً

“മദീനഃയുടെ ജീവിതക്ലേശങ്ങളിൽ ക്ഷമിക്കുകയും അങ്ങനെ മരണപ്പെടുകയും ചെയ്യുന്ന ഒരാളുമില്ല, ഞാനയാൾക്ക് അന്ത്യ നാളിൽ സാക്ഷിയും ശുപാർശകനുമാകാതെ; അയാൾ മുസ്ലി മാണെങ്കിൽ.” (മുസ്ലിം)
എന്നാൽ അന്ത്യനാളടുത്താൽ മദീനഃ അതിലെ മ്ലേച്ഛത അഥവാ അതിലെ നീചന്മാരെ ദൂരെയാക്കുന്നതാണ്. അബൂഹുറയ്റ رَضِيَ اللَّهُ عَنْهُ യിൽ നിന്ന് നിവേദനം. അല്ലാഹുവിന്റെ റസൂൽ ﷺ പറഞ്ഞു:

يَأْتِي عَلَى النَّاسِ زَمَانٌ يَدْعُو الرَّجُلُ ابْنَ عَمِّهِ وَقَرِيبَهُ هَلُمَّ إِلَى الرَّخَاءِ هَلُمَّ إِلَى الرَّخَاءِ وَالْمَدِينَةُ خَيْرٌ لَهُمْ لَوْ كَانُو ايَعْلَمُونَ وَالَّذِي نَفْسِي بِيَدِهِ لَا يَخْرُجُ مِنْهُمْ أَحَدٌ رَغْبَةً عَنْهَا إِلَّا أَخْلَفَ اللَّهُ فِيهَا خَيْرًا مِنْهُ أَلَا إِنَّ الْمَدِينَةَ كَالْكِيرِ تُخْرِجُ الْخَبِيثَ لَا تَقُومُ السَّاعَةُ حَتَّى تَنْفِيَ الْمَدِينَةُ شِرَارَهَا كَمَا يَنْفِي الْكِيرُ خَبَثَ الْحَدِيدِ

“ജനങ്ങൾക്ക് ഒരു കാലം വരും. ഒരു വ്യക്തി തന്റെ പിതൃവ്യപുത്രനേയും അടുത്ത ബന്ധുവിനേയും സുഖജീവിതത്തിലേക്ക് വരൂ സുഖജീവിതത്തിലേക്ക് വരൂ എന്ന് ക്ഷണിക്കും. അവർ അറിഞ്ഞിരുന്നുവെങ്കിൽ മദീനയായിരുന്നു അവർക്ക് ഉത്തമം. എന്റെ ആത്മാവ് ആരുടെ കയ്യിലാണോ ആ അല്ലാഹുവാണെ സത്യം. മദീനയോട് വിരക്തനായി ഒരാളും അതിൽനിന്ന് പുറത്ത് പോവുകയില്ല അയാളെക്കാൾ ഉത്തമനായവനെ അല്ലാഹു പകരം കൊണ്ടുവരാതെ. അറിയുക, നിശ്ചയം മദീനഃ ഉല പോലെയാണ്. അത് അതിന്റെ മ്ലേച്ഛത പുറത്താക്കും. മദീനഃ അതിലെ അതിനീചന്മാരെ പുറത്താക്കുന്നതുവരെ അന്ത്യനാൾ സംഭവിക്കുകയില്ല; ഉല ഇരുമ്പിലെ മ്ലേച്ഛത അകറ്റുന്നതു പോലെ.”  (മുസ്ലിം)

لَا تَقُومُ السَّاعَةُ حَتَّى يُمْطَرَ النَّاسُ مَطَرًا لَا تُكِنُّ مِنْهُ بُيُوتُ الْمَدَرِ وَلَا تُكِنُّ مِنْهُ إِلَّا بُيُوتُ الشَّعَرِ

“മണ്ണിന്റെ വീടുകൾ സുരക്ഷിതമാകാത്ത, രോമക്കുടിലുകൾ മാ ത്രം പിടിച്ചുനിൽക്കുന്ന നിലയിൽ ജനങ്ങൾക്ക് മഴ വർഷിക്കപ്പെടുന്നതുവരെ അന്ത്യനാൾ സംഭവിക്കുകയില്ല.”

إِنَّ السَّنَةَ لَيْسَ بِأَنْ لَا يَكُونَ فِيهَا مَطَرٌ وَلَكِنَّ السَّنَةَ أَنْ تُمْطِرَ السَّمَاءُ وَلَا تُنْبِتَ الْأَرْضُ

“വരൾച്ചയെന്നാൽ മഴയില്ലാതാവലല്ല. മഴ വർഷിക്കപ്പെടുകയും ഭൂമിയിൽ സസ്യലതാദികൾ മുളക്കാതിരിക്കലുമാണ് വരൾച്ച.” (മുസ്ലിം)

മഴയുണ്ടായിട്ടും ഭൂമുഖം ഇപ്രകാരം ഫലശൂന്യമാകു ന്നത് അന്ത്യനാളിന്റെ അടയാളമാണെന്ന് തിരുമൊഴിയുണ്ട്.
അനസി رَضِيَ اللَّهُ عَنْهُ ൽ നിന്ന് നിവേദനം. അല്ലാഹുവിന്റെ റസൂൽ ‎ﷺ  പറഞ്ഞു:

لَا تَقُومُ السَّاعَةُ حَتَّى يُمْطَرَ النَّاسُ مَطَرًا عَامًّا وَلَا تَنْبُتَ الْأَرْضُ شَيْئًا

“ജനങ്ങൾക്ക് പൊതുവായുള്ള ഒരു മഴ വർഷിക്കപ്പെടുന്നതുവരെ അന്ത്യനാൾ സംഭവിക്കുകയില്ല. (ആ മഴ മൂലം)ഭൂമി യാതൊന്നും മുളപ്പിക്കുകയില്ല.”

يَا عَائِشَةُ قَوْمُكِ أَسْرَعُ أُمَّتِي بِي لَحَاقًا

قَالَتْ فَلَمَّا جَلَسَ قُلْتُ يَا رَسُولَ اللَّهِ جَعَلَنِي اللَّهُ فِدَاءَكَ لَقَدْ دَخَلْتَ وَأَنْتَ تَقُولُ كَلَامًا ذَعَرَنِي

فَقَالَ وَمَا هُوَ؟

قَالَ تْتَزْعُمُ أَنَّ قَوْمِي أَسْرَعُ أُمَّتِكَ بِكَ لَحَاقًا

قَالَ نَعَمْ

قَالَتْ وَعَمَّ ذَاكَ؟

قَالَ تَسْتَحْلِيهِمْ الْمَنَايَا فَتَنَفَّسُ عَلَيْهِمْ أُمَّتُهُمْ

قَالَتْ فَقُلْتُ فَكَيْفَ النَّاسُ بَعْدَ ذَلِكَ أَوْ عِنْدَ ذَلِكَ؟

قَالَ دَبًى يَأْكُلُ شِدَادُهُ ضِعَافَهُ حَتَّى تَقُومَ عَلَيْهِمْ السَّاعَةُ

“ആഇശാ, എന്റെ ഉമ്മത്തികളിൽ ഏറ്റം വേഗത്തിൽ എന്നോട് വന്നണയുന്നത് നിങ്ങളുടെ ഗോത്രമാ(ക്വുറയ്ശികളാ)യിരിക്കും.
ആഇശാ رَضِيَ اللَّهُ عَنْها പറയുന്നു: “പിന്നീട് നബിﷺ ഇരുന്നപ്പോൾ ഞാൻ ചോദിച്ചു: അല്ലാഹുവിന്റെ തിരുദൂതരേ, താങ്കൾ കടന്നുവന്നപ്പോൾ പറഞ്ഞിരുന്നതായ വാക്ക് എന്നെ ഭീതിയിലാഴ്ത്തി.”
തിരുമേനിﷺ ചോദിച്ചു: എന്താണ് നിങ്ങളെ ഭിതീയിലാ ഴ്ത്തിയത്?
അവർ പറഞ്ഞു: “എന്റെ ഗോത്രമായ (ക്വുറയ്ശികളാ) യിരിക്കും താങ്കളുടെ ഉമ്മത്തികളിൽ ഏറ്റം വേഗത്തിൽ താങ്ക ളോട് വന്നണയുന്നത് എന്ന താങ്കൾ പറഞ്ഞില്ലേ?”
തിരുമേനിﷺ പറഞ്ഞു: അതെ.
അവർ ചോദിച്ചു: “അത് എന്തു കാരണത്താലാണ്?”
തിരുമേനിﷺ പറഞ്ഞു: മരണം ക്വുറയ്ശികളെ സ്വാദിഷ്ടമായ ഇരകളായി കാണുകയും സമുദായം അവരുടെമേൽ ചാടി വീഴുകയും ചെയ്യും.
അവർ പറയുന്നു: ഞാൻ ചോദിച്ചു: “അന്നേരം അല്ലെ ങ്കിൽ അതിനു ശേഷം ജനങ്ങൾ എപ്രകാരമായിരിക്കും?
തിരുമേനിﷺ പറഞ്ഞു: വെട്ടുകിളികളുടെ അവസ്ഥയിൽ ശക്തന്മാർ ദുർബലരെ തിന്നും. അവരുടെമേൽ അന്ത്യനാൾ സംഭവിക്കുന്നതുവരെ. (ജനങ്ങളിലെ ശക്തന്മാർ ദുർബലന്മാരെ നശിപ്പി ക്കുമെന്നു സാരം)”

سَمِعْتُ رَسُولَ اللَّهِ يَقُولُ تَقُومُ السَّاعَةُ وَالرُّومُ أَكْثَرُ النَّاسِ

“റോമക്കാർ ആളുകളിൽ എണ്ണക്കൂടുതലായിരക്കെ അന്ത്യനാൾ സംഭവിക്കുമെന്ന് അല്ലാഹുവിന്റെ റസൂൽﷺ പറയുന്നത് ഞാൻ കേട്ടിരിക്കുന്നു.’ അപ്പോൾ അംറ് رَضِيَ اللَّهُ عَنْهُ  അദ്ദേഹത്തോട് പറഞ്ഞു: “താങ്കൾ പറയുന്നത് ഉറപ്പാക്കുക.” മുസ്തൗരിദുൽ ഫിഹ്രി رَضِيَ اللَّهُ عَنْهُ പറഞ്ഞു:

أَقُولُ لَكَ مَا سَمِعْتُ مِنْ رَسُولِ اللَّهِ ‎ﷺ فَقَالَ عَمْرُو بْنُ الْعَاصِ إِنْ تَكُنْ قُلْتَ ذَاكَ إِنَّ فِيهِمْ لَخِصَالًا أَرْبَعًا إِنَّهُمْ لَأَسْرَعُ النَّاسِ كَرَّةً بَعْدَ فَرَّةٍ وَإِنَّهُمْ لَخَيْرُ النَّاسِ لِمِسْكِينٍ وَفَقِيرٍ وَضَعِيفٍ وَإِنَّهُمْ لَأَحْلَمُا لنَّاسِ عِنْدَ فِتْنَةٍ وَالرَّابِعَةُ حَسَنَةٌ جَمِيلَةٌ وَإِنَّهُمْ لَأَمْنَعُ النَّاسِ مِنْ ظُلْمِ الْمُلُوكِ

“അല്ലാഹുവിന്റെ റസൂലി رَضِيَ اللَّهُ عَنْهُ ൽ നിന്ന് കേട്ടതാണ് ഞാൻ താങ്കളോട് പറയുന്നത്. അംറ് رَضِيَ اللَّهُ عَنْهُ പറഞ്ഞു:”അത് താങ്കൾ പറയുന്നുവെങ്കിൽ നിശ്ചയം അവരിൽ നാല് സൽഗുണങ്ങളുണ്ട്. താങ്കൾക്ക് പരാജയമോ ദുരിതമോ ഉണ്ടായാൽ അവരുടെ പ്രശ്നങ്ങൾ തീർക്കുവാൻ അവർ ധൃതികാണിക്കും. സാധുവിനും അഗതിക്കും ദുർബലനും അവർ ഉത്തമരായിരിക്കും. കുഴപ്പങ്ങളുണ്ടാവുമ്പോൾ അവർ ഏറ്റവും വിവേകികളായിരിക്കും. നാലാമത്തേത് നല്ലതും സുന്ദരവുമാണ്. അഥവാ അവർ രാജാക്കന്മാരുടെ അന്യായങ്ങളിൽ നിന്ന് ആളുകളെ പ്രതിരോധിക്കുന്നവരാണ്.”