മരണം ഒരു അനുഭവമാണ്. ജീവിതം ആസ്വദിക്കുന്നതുപോലെ മരണത്തെയും നാം ഓരോരുത്തരും ആസ്വദിക്കുന്നതാണ്.

ﻛُﻞُّ ﻧَﻔْﺲٍ ﺫَآﺋِﻘَﺔُ ٱﻟْﻤَﻮْﺕِ ۗ

ഏതൊരു ദേഹവും മരണം ആസ്വദിക്കുന്നതാണ്‌… (ഖു൪ആന്‍: 3/185)

ഓരോരുത്ത൪ക്കും അല്ലാഹു നിശ്ചയിച്ച സമയം എത്തുമ്പോള്‍ മരണം സംഭവിക്കുന്നു. അതിനുവേണ്ടി നിയോഗിക്കപ്പെട്ടിട്ടുള്ള മലക്കുകള്‍ അവരെ മരിപ്പിക്കുന്നു.ആ സമയത്തില്‍ നിന്നും ഒന്നും മുന്തിക്കുകയോ പിന്തിക്കുകയോ ചെയ്യുന്നതല്ല.

ﻓَﺈِﺫَا ﺟَﺎٓءَ ﺃَﺟَﻠُﻬُﻢْ ﻻَ ﻳَﺴْﺘَـْٔﺨِﺮُﻭﻥَ ﺳَﺎﻋَﺔً ۖ ﻭَﻻَ ﻳَﺴْﺘَﻘْﺪِﻣُﻮﻥَ

അങ്ങനെ അവരുടെ അവധി വന്നാല്‍ ഒരു നാഴിക നേരം പോലും അവര്‍ക്ക് വൈകിക്കാന്‍ ആവുകയില്ല. അവര്‍ക്കത് നേരെത്തെയാക്കാനും കഴിയില്ല.  (ഖു൪ആന്‍:16/61)

ﻗُﻞْ ﻳَﺘَﻮَﻓَّﻰٰﻛُﻢ ﻣَّﻠَﻚُ ٱﻟْﻤَﻮْﺕِ ٱﻟَّﺬِﻯ ﻭُﻛِّﻞَ ﺑِﻜُﻢْ ﺛُﻢَّ ﺇِﻟَﻰٰ ﺭَﺑِّﻜُﻢْ ﺗُﺮْﺟَﻌُﻮﻥَ

(നബിയേ) പറയുക: നിങ്ങളുടെ കാര്യത്തില്‍ ഏല്‍പിക്കപ്പെട്ട മരണത്തിന്റെ മലക്ക് (സമയമാകുമ്പോള്‍) നിങ്ങളെ മരിപ്പിക്കുന്നതാണ്‌. പിന്നീട് നിങ്ങളുടെ രക്ഷിതാവിങ്കലേക്ക് മടക്കപ്പെടുന്നതുമാണ്‌.  (ഖു൪ആന്‍: 32/11)

وَهُوَ ٱلْقَاهِرُ فَوْقَ عِبَادِهِۦ ۖ وَيُرْسِلُ عَلَيْكُمْ حَفَظَةً حَتَّىٰٓ إِذَا جَآءَ أَحَدَكُمُ ٱلْمَوْتُ تَوَفَّتْهُ رُسُلُنَا وَهُمْ لَا يُفَرِّطُونَ
ثُمَّ رُدُّوٓا۟ إِلَى ٱللَّهِ مَوْلَىٰهُمُ ٱلْحَقِّ ۚ أَلَا لَهُ ٱلْحُكْمُ وَهُوَ أَسْرَعُ ٱلْحَٰسِبِينَ

അവനത്രെ തന്റെ ദാസന്‍മാരുടെ മേല്‍ പരമാധികാരമുള്ളവന്‍. നിങ്ങളുടെ മേല്‍നോട്ടത്തിനായി അവന്‍ കാവല്‍ക്കാരെ അയക്കുകയും ചെയ്യുന്നു. അങ്ങനെ അവരില്‍ ഒരാള്‍ക്ക് മരണം വന്നെത്തുമ്പോള്‍ നമ്മുടെ ദൂതന്‍മാര്‍ (മലക്കുകള്‍) അവനെ പൂര്‍ണ്ണമായി ഏറ്റെടുക്കുന്നു. (അക്കാര്യത്തില്‍) അവര്‍ ഒരു വീഴ്ചയും വരുത്തുകയില്ല.എന്നിട്ട് അവര്‍ യഥാര്‍ത്ഥ രക്ഷാധികാരിയായ അല്ലാഹുവിലേക്ക് തിരിച്ചയക്കപ്പെടും. അറിയുക: അവന്നത്രെ തീരുമാനാധികാരം. അവന്‍ അതിവേഗം കണക്ക് നോക്കുന്നവനത്രെ.   (ഖുർആൻ:6/61-62)

മരണവേളയില്‍ ഓരോ മനുഷ്യനും മരണ വേദന അനുഭവിപ്പിക്കുന്നതാണ്. അതില്‍ നിന്നും ആ൪ക്കും രക്ഷപെടുവാന്‍ സാധ്യമല്ല. അത് സഹിക്കാന്‍ കഴിയുന്നതിലും അപ്പുറം ആയിരിക്കുന്നതാണ്. വിശുദ്ധ ഖു൪ആന്‍ അതിനെ കുറിച്ച് സൂചിപ്പിക്കുകയും നബി(സ്വ) അത് വിശദീകരിക്കുകയും ചെയ്തിട്ടുണ്ട്.

وَجَآءَتْ سَكْرَةُ ٱلْمَوْتِ بِٱلْحَقِّ ۖ ذَٰلِكَ مَا كُنتَ مِنْهُ تَحِيدُ

മരണവെപ്രാളം യാഥാര്‍ത്ഥ്യവും കൊണ്ട് വരുന്നതാണ്‌. എന്തൊന്നില്‍ നിന്ന് നീ ഒഴിഞ്ഞ് മാറികൊണ്ടിരിക്കുന്നുവോ അതത്രെ ഇത്‌. (ഖുർആൻ:50/19)

قَالَ رَسُولُ اللَّهِ صلى الله عليه وسلم  : إِنَّ الْمَوْتَ فَزَعٌ

നബി ﷺ പറഞ്ഞു: മരണം ഭീതിജനകമാണ്. (ബുഖാരി 1311)

أَنَّ عَائِشَةَ ـ رضى الله عنها ـ كَانَتْ تَقُولُ إِنَّ رَسُولَ اللَّهَ صلى الله عليه وسلم كَانَ بَيْنَ يَدَيْهِ رَكْوَةٌ ـ أَوْ عُلْبَةٌ فِيهَا مَاءٌ، يَشُكُّ عُمَرُ ـ فَجَعَلَ يُدْخِلُ يَدَيْهِ فِي الْمَاءِ، فَيَمْسَحُ بِهِمَا وَجْهَهُ وَيَقُولُ ‏”‏ لاَ إِلَهَ إِلاَّ اللَّهُ، إِنَّ لِلْمَوْتِ سَكَرَاتٍ ‏”‏‏.‏ ثُمَّ نَصَبَ يَدَهُ فَجَعَلَ يَقُولُ ‏”‏ فِي الرَّفِيقِ الأَعْلَى ‏”‏‏.‏ حَتَّى قُبِضَ وَمَالَتْ يَدُهُ‏.‏

ആയിശ(റ) പറയുന്നു: പ്രവാചകന്റെ(സ്വ) അടുക്കല്‍ ഒരു തോല്‍പാത്രത്തില്‍ (അല്ലെങ്കില്‍ ഒരു ചെറിയ പാത്രം – ഉമറിന് സംശയമുണ്ടായി) അല്‍പം വെള്ളം ഉണ്ടായിരുന്നു. അതിലേക്ക് അവിടുന്ന് കൈ പ്രവേശിപ്പിച്ച് അതുകൊണ്ട് മുഖം തടവിയിരുന്നു. എന്നിട്ട് അല്ലാഹു അല്ലാതെ ആരാധനക്ക് അ൪ഹനില്ലെന്നും മരണത്തിന് സഹിക്കുവാന്‍ കഴിയാത്ത വേദനയുണ്ടെന്നും പറയുകയും ചെയ്തിരുന്നു. തുട൪ന്ന് തന്റെ കൈ ആകാശത്തേക്ക് ഉയ൪ത്തി അല്ലാഹുവേ ഉന്നതരായ കൂട്ടുകാരുടെ അടുത്തേക്ക് എന്നു പറയുകയും ചെയ്തു. അങ്ങനെ പ്രവാചകന്‍ മരിക്കുകയും കൈ താനേ താഴുകയും ചെയ്തു. (ബുഖാരി:6510)

عَنْ عَائِشَةَ، أَنَّهَا قَالَتْ رَأَيْتُ رَسُولَ اللَّهِ صلى الله عليه وسلم وَهُوَ بِالْمَوْتِ وَعِنْدَهُ قَدَحٌ فِيهِ مَاءٌ وَهُوَ يُدْخِلُ يَدَهُ فِي الْقَدَحِ ثُمَّ يَمْسَحُ وَجْهَهُ بِالْمَاءِ ثُمَّ يَقُولُ ‌‏ اللَّهُمَّ أَعِنِّي عَلَى غَمَرَاتِ الْمَوْتِ ‏”‏ ‏.‏ أَوْ ‏”‏ سَكَرَاتِ الْمَوْتِ ‏”‏ ‏.

ആയിശ(റ)വിൽ നിന്ന് നിവേദനം: അവർ പറഞ്ഞു. നബി ﷺ മരണാസന്നമായപ്പോൾ തങ്ങൾക്കു അരികിൽ ഒരു വെളളപാത്രത്തിൽ തന്റെ കൈ മുക്കി മുഖം തടവുകയും ഇപ്രകാരം പ്രാർത്ഥിക്കുകയും ചെയ്തിരുന്നത് ഞാൻ കണ്ടിരുന്നു. അല്ലാഹുവേ, മരണത്തിലും മരണവേദനയിലും എന്നെ നീ സഹായിക്കേണമേ. (തിർമുദി: 978)

നബി(സ്വ) വരെ മരണ വേദന അനുഭവിച്ചിട്ടുണ്ടെങ്കില്‍പിന്നെ മറ്റുള്ള മനുഷ്യരുടെ കാര്യം പറയേണ്ടതില്ലല്ലോ.

മരണം രണ്ട് രൂപത്തിലുണ്ട്. അല്ലാഹുവിന്റെ നിയമ നി൪ദ്ദേശങ്ങള്‍ അനുസരിച്ച് ജീവിക്കുന്നവ൪ക്ക് സന്തോഷകരമായ മരണവും അല്ലാഹുവിനെ ധിക്കരിക്കുകയും ഇസ്ലാമിക നിയങ്ങള്‍ പാലിക്കാതെ തോന്നിവാസിയായി ജീവിക്കുന്നവ൪ക്ക് പ്രയാസം നിറഞ്ഞ മരണവുമായിരിക്കും അഭിമുഖീകരിക്കേണ്ടി വരിക. സത്യവിശ്വാസിയുടെ മരണത്തെ സംബന്ധിച്ച് വിശുദ്ധ ഖു൪ആന്‍ പറയുന്നത് കാണുക.

ٱلَّذِينَ تَتَوَفَّىٰهُمُ ٱلْمَلَٰٓئِكَةُ طَيِّبِينَ ۙ يَقُولُونَ سَلَٰمٌ عَلَيْكُمُ ٱدْخُلُوا۟ ٱلْجَنَّةَ بِمَا كُنتُمْ تَعْمَلُونَ

അതായത്‌, നല്ലവരായിരിക്കെ മലക്കുകള്‍ ഏതൊരു കൂട്ടരുടെ ജീവിതം അവസാനിപ്പിക്കുന്നുവോ അവര്‍ക്ക്‌. അവര്‍ (മലക്കുകള്‍) പറയും: നിങ്ങള്‍ക്ക് സമാധാനം. നിങ്ങള്‍ പ്രവര്‍ത്തിച്ച് കൊണ്ടിരുന്നതിന്‍റെ ഫലമായി നിങ്ങള്‍ സ്വര്‍ഗത്തില്‍ പ്രവേശിച്ച് കൊള്ളുക.(ഖു൪ആന്‍:16/32)

മരണവേളയില്‍ സത്യവിശ്വാസിയുടെ അടുക്കല്‍ മലക്കുകള്‍ ചെന്ന് സലാം പറയുകയും, സന്തോഷവാര്‍ത്ത അറിയിക്കുകയും ചെയ്യുന്നു. അങ്ങനെ സമാധാനത്തിന്റെയും സന്തോഷത്തിന്റെയും വാക്കുകള്‍ കേള്‍പ്പിച്ച് കൊണ്ടായിരിക്കും മലക്കുകള്‍ അവന്റെ ആത്മാവിനെ പിടിക്കുക.

يَٰٓأَيَّتُهَا ٱلنَّفْسُ ٱلْمُطْمَئِنَّةُ
ٱرْجِعِىٓ إِلَىٰ رَبِّكِ رَاضِيَةً مَّرْضِيَّةً
فَٱدْخُلِى فِى عِبَٰدِى
وَٱدْخُلِى جَنَّتِى

ഹേ, സമാധാനമടഞ്ഞ ആത്മാവേ, നീ നിന്റെ രക്ഷിതാവിങ്കലേക്ക് തൃപ്തിപ്പെട്ടുകൊണ്ടും, തൃപ്തി ലഭിച്ചു കൊണ്ടും മടങ്ങിക്കൊള്ളുക. എന്നിട്ട് എന്റെ അടിയാന്‍മാരുടെ കൂട്ടത്തില്‍ പ്രവേശിച്ചു കൊള്ളുക. എന്റെ സ്വര്‍ഗത്തില്‍ പ്രവേശിച്ചു കൊള്ളുക. (ഖു൪ആന്‍:89/27-30)

സത്യവിശ്വാസിയുടെ ആത്മാവിനെ മലക്കുകള്‍ പിടിക്കുന്നതിനെ കുറിച്ച് നബി(സ്വ) പറഞ്ഞിട്ടുള്ളത് കാണുക.

عن البراء بن عازب قال: خرجنا مع النبي صلى الله عليه وسلم في جنازة رجل من الأنصار، فانتهينا إلى القبر ولما يلحد، فجلس رسول الله صلى الله عليه وسلم، وجلسنا حوله كأن على رؤوسنا الطير، وفي يده عود ينكت به في الأرض، فرفع رأسه فقال: استعيذوا بالله من عذاب القبر. مرتين أو ثلاثا، ثم قال: إن العبد المؤمن إذا كان في انقطاع من الدنيا، وإقبال من الآخرة، نزل إليه من السماء ملائكة بيض الوجوه كأن وجوههم الشمس، معهم كفن من أكفان الجنة، وحنوط من حنوط الجنة، حتى يجلسوا منه مد البصر، ثم يجيء ملك الموت حتى يجلس عند رأسه فيقول: أيتها النفس الطيبة اخرجي إلى مغفرة من الله ورضوان قال: فتخرج تسيل كما تسيل القطرة من في السقاء فيأخذها، فإذا أخذها لم يدعوها في يده طرفة عين حتى يأخذوها فيجعلوها في ذلك الكفن وفي ذلك الحنوط، ويخرج منها كأطيب نفحة مسك وجدت على وجه الأرض، قال: فيصعدون بها فلا يمرون ـ يعني بها ـ على ملأ من الملائكة إلا قالوا: ما هذه الروح الطيب، فيقولون: فلان بن فلان، بأحسن أسمائه التي كانوا يسمونه بها في الدنيا حتى ينتهوا بها إلى سماء الدنيا، فيستفتحون له فيفتح له، فيشيعه من كل سماء مقربوها إلى السماء التي تليها حتى ينتهى بها إلى السماء السابعة، فيقول الله عز وجل: اكتبوا كتاب عبدي في عليين وأعيدوه إلى الأرض، فإني منها خلقتهم، وفيها أعيدهم، ومنها أخرجهم تارة أخرى، قال: فتعاد روحه فيأتيه ملكان فيجلسانه فيقولون له: من ربك؟ فيقول: ربي الله فيقولون له: ما دينك؟ فيقول: ديني الإسلام، فيقولان له: ما هذا الرجل الذي بعث فيكم؟ فيقول: هو رسول الله صلى الله عليه وسلم، فيقولان له: وما علمك؟ فيقول: قرأت كتاب الله فآمنت به وصدقت، فينادي مناد من السماء أن قد صدق، فأفرشوه من الجنة وألبسوه من الجنة وافتحوا له بابا إلى الجنة، قال: فيأتيه من روحها وطيبها ويفسح له في قبره مد بصره، قال: ويأتيه رجل حسن الوجه حسن الثياب طيب الريح، فيقول: أبشر بالذي يسرك، هذا يومك الذي كنت توعد، فيقول له: من أنت؟ فوجهك الوجه يجيء بالخير، فيقول: أنا عملك الصالح، فيقول: رب أقم الساعة، رب أقم الساعة، حتى أرجع إلى أهلي ومالي،

ബറാഅ്ബ്നു ആസിബ് (റ) പറയുന്നു: അന്‍സാരികളില്‍ പെട്ട ഒരാളുടെ ജനാസയുമായി പ്രവാചകനോടൊപ്പം ഞങ്ങളും പുറപ്പെട്ടു. ഖബ൪ കുഴിക്കുന്ന സ്ഥലത്തെത്തിയപ്പോള്‍ പണി പൂ൪ത്തിയാകാത്തതുകൊണ്ട് പ്രവാചകനും ഞങ്ങളും അവിടെ ഇരിക്കുകയുണ്ടായി. തലയില്‍ ഒരു പക്ഷി ഇരിക്കുമ്പോള്‍ എത്രമാത്രം സൂക്ഷ്മതയോടെ ഇരിക്കുമോ അതുപോലെ നിശബ്ദരായി ഞങ്ങള്‍ നബിക്ക്(സ്വ) ചുറ്റും ഇരുന്നു. തിരുമേനിയുടെ കയ്യിലുണ്ടായിരുന്ന ഒരു കമ്പ് കൊണ്ട് ഭൂമിയില്‍ ഒരു ചെറിയ അടി അടിച്ച് തന്റെ തല ഉയ൪ത്തിക്കൊണ്ട് ഞങ്ങളോടായി പറഞ്ഞു: നിങ്ങള്‍ ഖബ൪ ശിക്ഷയില്‍ നിന്ന് അല്ലാഹുവിനോട് അഭയം ചോദിക്കുക. ഇതുതന്നെ തിരുമേനി രണ്ടോ മുന്നോ തവണ ആവർത്തിക്കുകയുണ്ടായി.തുട൪ന്ന് നബി(സ്വ) പറഞ്ഞു: ഒരു സത്യവിശ്വാസിയുടെ ഐഹിക ജീവിതത്തിന്റെ അന്ത്യവും പാരത്രിക ജീവിതത്തിന്റെ ആരംഭവും ആയിക്കഴിഞ്ഞാല്‍ സൂര്യനെ പോലെ പ്രശോഭിക്കുന്ന വെളുത്ത മുഖമുള്ള മാലാഖമാര്‍ സ്വ൪ഗീയ കഫന്‍പുടവകളും സ്വ൪ഗീയ സുഗന്ധവുമായി തന്റെ കണ്ണെത്തുംദൂരെ വരെ നിറഞ്ഞു നില്‍ക്കുവാനായി ആകാശത്ത് നിന്നും ഇറങ്ങി വരുന്നു. പിന്നീട് മലക്കുല്‍ മൌത്ത് വന്നുകൊണ്ട് അവന്റെ തലയുടെ ഭാഗത്ത് ഇരുന്നുകൊണ്ട് പറയുന്നു. ശാന്തമടഞ്ഞ ആത്മാവേ അല്ലാഹുവിന്റെ പാപമോചനത്തിലേക്കും തൃപ്തിയിലേക്കും ഇറങ്ങി വരിക. അപ്പോഴേക്കും ഒരു കൂജയില്‍ നിന്ന് വെള്ളം ഒഴുകി വരുന്നതുപോലെ ആത്മാവ് ഒഴുകി വരികയായി. അങ്ങനെ മലക്കുല്‍ മൌത്ത് ആ ആത്മാവിനെ സ്വീകരിക്കുകയും പെട്ടെന്നുതന്നെ സ്വ൪ഗത്തിന്‍ നിന്നും കൊണ്ടുവന്ന സുഗന്ധം പൂശിയ കഫന്‍ പുടവയില്‍ പൊതിയുകയും ചെയ്യുന്നു. അതില്‍ നിന്നും ഭൂമിയില്‍ വെച്ച് ഏറ്റവും പരിമളമള്ള കസ്തൂരിയെപോലെ അതില്‍ നിന്നും സുഗന്ധം അടിച്ചു വീശിക്കൊണ്ടേയിരിക്കുന്നതാണ്. അങ്ങനെ അവയുമായി വാനലോകത്തേക്ക് അവ൪ കയറിപോകുമ്പോള്‍ വഴിയില്‍ കാണുന്ന ഓരോ മലക്കുകളും ചോദിക്കുന്നു: ഈ നല്ല ആത്മാവ് ആരുടേതാണ്? പറയപ്പെടും, ഇന്നവന്റെ മകന്റെ ആത്മാവാണെന്ന്. ഇഹലോകത്ത് വെച്ച് അവനെ വിളിച്ചിരുന്ന നല്ല പേര് കൊണ്ട് അവനെ അവ൪ അഭിസംബോധന ചെയ്യുന്നു. അങ്ങനെ ഭൂമിയോടടുത്ത് നില്‍ക്കുന്ന ആകാശത്തേക്ക് കയറിപ്പോകുകയും അത് തുറക്കുവാന്‍ ആവശ്യപ്പെടുകയും തുറക്കുകയും അഭിവാദ്യമ൪പ്പിക്കുകയും ചെയ്യുന്നു. അങ്ങനെ ഓരോ ആകാശത്തിലെയും അല്ലാഹുവിന്റെ സാമീപ്യം സിദ്ധിച്ച മലക്കുകള്‍ അടുത്ത ആകാശത്തിലേക്ക് അതിനെ അനുഗമിക്കുകയും അകമ്പടി സേവിക്കുകയും ചെയ്യുന്നു. ഈ കാര്യം തന്നെ ഏഴാനാകാശം വരെ തുട൪ന്നുപോകുന്നു. അപ്പോള്‍ അല്ലാഹു വിളിച്ചു പറയും: എന്റെ അടിമയുടെ രേഖകള്‍ ഹില്ലിയ്യീനില്‍ രേഖപ്പെടുത്തുകയും അവനെ ഭൂമിയിലേക്ക് തന്നെ മടക്കുകയും ചെയ്യുക. കാരണം ഞാന്‍ അവരെ അവിടെ നിന്നാണ് സൃഷ്ടിച്ചത്. അതിലേക്കുതന്നെ ഞാനവരെ മടക്കുകയും പിന്നീട് ഒരിക്കല്‍കൂടി നാമവരെ അവിടെ നിന്ന് പുറത്തു കൊണ്ടുവരികയും ചെയ്യുന്നതാണ്. അങ്ങനെ അവന്റെ ശരീരത്തിലേക്കുതന്നെ ആത്മാവിനെ മടക്കുന്നു. ആ സമയം രണ്ട് മലക്കുകള്‍ വന്നുകൊണ്ട് അരികില്‍ ഇരിക്കുകയും ചോദിക്കുകയും ചെയ്യുന്നു: ആരാണ് നിന്റെ രക്ഷിതാവ്? അവന്‍ പറയുന്നു: എന്റെ രക്ഷിതാവ് അല്ലാഹുവാണ്. അവ൪ വീണ്ടും ചോദിക്കുന്നു: നിന്റെ ദീന്‍ ഏതാണ്? അവന്‍ മറുപടി പറയുന്നു: എന്റെ ദീന്‍ ഇസ്ലാമാകുന്നു. നിങ്ങളിലേക്ക് നിയോഗിക്കപ്പെട്ട ഈ മനുഷ്യനെ കുറിച്ച് നീ എന്തുപറയുന്നുവെന്ന് ചോദിക്കുന്നു. അപ്പോള്‍ അവന്‍ മറുപടി പറയുന്നു: അദ്ദേഹം അല്ലാഹുവിന്റെ ദൂതനാകുന്നു. അവ൪ രണ്ടുപേരും(മലക്കുകള്‍) അവനോട് ചോദിക്കുന്നു: നിന്റെ അറിവ് എന്താണ്? അവന്‍ മറുപടി പറയുന്നു: ഞാന്‍ അല്ലാഹുവിന്റെ ഗ്രന്ഥം വായിച്ചു. അതില്‍ വിശ്വസിക്കുകയും അതിനെ സത്യപ്പെടുത്തുകയും ചെയ്തു. അപ്പോള്‍ ആകാശത്തുനിന്നും ഒരാള്‍ വിളിച്ചു പറയുന്നു: എന്റെ അടിമ സത്യം പറഞ്ഞിരിക്കുന്നു. ആയതിനാല്‍ അദ്ദേഹത്തിന് സ്വ൪ഗത്തില്‍ നിന്ന് ഒരു വിരി വിരിച്ചു കൊടുക്കുക, സ്വ൪ഗീയ ഉടയാടകള്‍ ധരിപ്പിക്കുക, സ്വ൪ഗത്തിലേക്ക് ഒരു വാതില്‍ തുറന്നുകൊടുക്കുകയും ചെയ്യുക. അങ്ങനെ അതില്‍ നിന്ന് അതിന്റെ വാസനയും പരിമളവും വരുകയും അവന്റെ ഖബറിനെ കണ്ണെത്താ ദൂരത്തേക്ക് വിശാലമാക്കുകയും ചെയ്യുന്നു. നന്നായി വസ്ത്രമണിഞ്ഞ് സുമുഖനായ ഒരാള്‍ പരിമളം വീശി അവിടേക്ക് കടന്നുവന്നുകൊണ്ട് പറയുന്നു: സന്തോഷിച്ചുകൊള്ളൂ, ആനന്ദകരമായതെല്ലാം താങ്കള്‍ക്കുവേണ്ടി സജ്ജീകരിക്കപ്പെട്ടിരിക്കുന്നു. താങ്കള്‍ക്ക് വാഗ്ദത്തം ചെയ്യപ്പെട്ട ദിവസമാണിത്. അപ്പോള്‍ അദ്ദേഹത്തോട് ചോദിക്കുന്നു: നന്‍മകള്‍ കൊണ്ടുവരുന്ന മുഖമുടയവരേ, താങ്കള്‍ ആരാണ്? അപ്പോള്‍ അദ്ദേഹം പറയുന്നു ഞാനാണ് താങ്കളുടെ സല്‍ക൪മ്മങ്ങള്‍. അപ്പോള്‍ അദ്ദേഹം വിളിച്ചു പറയും: രക്ഷിതാവേ, ആ ഖിയാമത്ത് നാള്‍ ഒന്ന് വേഗമാക്കിയാലും, എനിക്കെന്റെ കുടുംബങ്ങളിലേക്കും സമ്പത്തിലേക്കും തിരിച്ചുചെന്ന് സുഖമായി ജീവിക്കാമല്ലോ. (അഹ്മദ്)

عَنْ أَبِي هُرَيْرَةَ، عَنِ النَّبِيِّ ـ صلى الله عليه وسلم ـ قَالَ ‏:‏ ‏ “‏ الْمَيِّتُ تَحْضُرُهُ الْمَلاَئِكَةُ فَإِذَا كَانَ الرَّجُلُ صَالِحًا قَالُوا ‏:‏ اخْرُجِي أَيَّتُهَا النَّفْسُ الطَّيِّبَةُ كَانَتْ فِي الْجَسَدِ الطَّيِّبِ اخْرُجِي حَمِيدَةً وَأَبْشِرِي بِرَوْحٍ وَرَيْحَانٍ وَرَبٍّ غَيْرِ غَضْبَانَ فَلاَ يَزَالُ يُقَالُ لَهَا ذَلِكَ حَتَّى تَخْرُجَ ثُمَّ يُعْرَجُ بِهَا إِلَى السَّمَاءِ فَيُفْتَحُ لَهَا فَيُقَالُ ‏:‏ مَنْ هَذَا فَيَقُولُونَ ‏:‏ فُلاَنٌ ‏.‏ فَيُقَالُ ‏:‏ مَرْحَبًا بِالنَّفْسِ الطَّيِّبَةِ، كَانَتْ فِي الْجَسَدِ الطَّيِّبِ ادْخُلِي حَمِيدَةً، وَأَبْشِرِي بِرَوْحٍ وَرَيْحَانٍ وَرَبٍّ غَيْرِ غَضْبَانَ ‏.‏ فَلاَ يَزَالُ يُقَالُ لَهَا ذَلِكَ حَتَّى يُنْتَهَى بِهَا إِلَى السَّمَاءِ الَّتِي فِيهَا اللَّهُ عَزَّ وَجَلَّ

അബൂഹുറൈറയില്‍(റ) നിന്ന് നിവേദനം: നബി(സ്വ) പറയുന്നു: മയ്യിത്തിന്റെ അടുത്ത് മലക്കുകള്‍ സന്നിഹിതരാകുന്നു. സ്വാലിഹായ വ്യക്തിയാണെങ്കില്‍ മലക്ക് പറയുന്നു: നല്ല ശരീരത്തിലുണ്ടായിരുന്ന പരിശുദ്ധാത്മാവിന്റെ ഉടമയേ നീ പുറത്തു വരിക. സ്തുത്യ൪ഹമായ രൂപത്തില്‍ നീ പുറത്തു വരിക. സമാധാനവും കാരുണ്യവും കൊണ്ട് സന്തോഷവാ൪ത്ത അറിയിക്കപ്പെട്ടിരിക്കുന്നു. രക്ഷിതാവ് കോപിച്ചിട്ടില്ല. ആത്മാവ് പുറത്ത് വരുന്നതുവരെ ഇതുതന്നെ ആവ൪ത്തിച്ചുകൊണ്ടിരിക്കുന്നു. പുറത്തുവന്നാല്‍ അതുമായി ആകാശത്തേക്ക് കയറിപ്പോകുകയും ആകാശങ്ങള്‍ തുറക്കപ്പെടുകയും ചെയ്യുന്നു. അവിടെ വെച്ച് ചോദിക്കപ്പെടും: ആരാണത്? പറയപ്പെടും: ഇന്ന വ്യക്തിയാണ്. പരിശുദ്ധമായ ശരീരത്തിലെ ശുദ്ധാത്മാവിന് സ്വാഗതം എന്ന് പറയപ്പെടും. സ്തുത്യ൪ഹമായി പ്രവേശിക്കുക, സമാധാനവും കാരുണ്യവും കൊണ്ട് സന്തോഷവാ൪ത്ത അറിയിക്കപ്പെട്ടിരിക്കുന്നു. രക്ഷിതാവ് കോപിച്ചിട്ടില്ല. അങ്ങനെ അല്ലാഹുവിന്റെ അടുത്തേക്ക് കയറിപോകുന്നതുവരെ ഇതുതന്നെ ആവ൪ത്തിച്ചു കൊണ്ടിരിക്കുന്നു…       (ഇബ്നുമാജ:37/4403)

ഇഹലോക ജീവിതത്തില്‍ താന്തോന്നിയായി ജീവിക്കുകയും അല്ലാഹുവിനെ ധിക്കരിക്കുകയും ദൈവിക നിയമങ്ങളെ അവഗണിക്കുകയും ചെയ്ത സത്യനിഷേധികളുടെ മരണം ഭീകരമായിരിക്കും. മരണവേളയില്‍ സത്യനിഷേധികളുടെ ആത്മാവിനെ അല്ലാഹു കഠിനമായ രൂപത്തിലായിരിക്കും പുറത്തെടുക്കുക. മരണവേളയില്‍ മലക്കുകള്‍ അവരുടെ മുഖത്തും പിന്‍വശത്തും അടിക്കുകയും ഉപദ്രവിക്കുകയും മറ്റും ചെയ്തുകൊണ്ടാണ് ആത്മാവിനെ ശരീരത്തില്‍ നിന്നും പുറത്തെടുക്കുന്നത്.

وَلَوْ تَرَىٰٓ إِذْ يَتَوَفَّى ٱلَّذِينَ كَفَرُوا۟ ۙ ٱلْمَلَٰٓئِكَةُ يَضْرِبُونَ وُجُوهَهُمْ وَأَدْبَٰرَهُمْ وَذُوقُوا۟ عَذَابَ ٱلْحَرِيقِ
ذَٰلِكَ بِمَا قَدَّمَتْ أَيْدِيكُمْ وَأَنَّ ٱللَّهَ لَيْسَ بِظَلَّٰمٍ لِّلْعَبِيدِ

സത്യനിഷേധികളുടെ മുഖങ്ങളിലും പിന്‍വശങ്ങളിലും അടിച്ചു കൊണ്ട് മലക്കുകള്‍ അവരെ മരിപ്പിക്കുന്ന സന്ദര്‍ഭം നീ കണ്ടിരുന്നുവെങ്കില്‍! (അവര്‍ (മലക്കുകള്‍) അവരോട് പറയും:) ജ്വലിക്കുന്ന അഗ്നിയുടെ ശിക്ഷ നിങ്ങള്‍ ആസ്വദിച്ച് കൊള്ളുക.നിങ്ങളുടെ കൈകള്‍ മുന്‍കൂട്ടിചെയ്തുവെച്ചത് നിമിത്തമത്രെ അത്‌. അല്ലാഹു അടിമകളോട് ഒട്ടും അനീതി കാണിക്കുന്നവനല്ല എന്നതിനാലും. (ഖു൪ആന്‍:8/50-51)

സത്യവിശ്വാസിയുടെ ആത്മാവിനെ പിടിക്കുന്ന രൂപം വിവരിച്ച അതേ ഹദീസില്‍ തന്നെ അവിശ്വാസിയുടെ ആത്മാവിനെ പിടിക്കുന്ന രൂപവും വിവരിച്ചിട്ടുണ്ട്.

عن البراء بن عازب قال: ….. وإن العبد الكافر إذا كان في انقطاع من الدنيا وإقبال من الآخرة نزل إليه من السماء ملائكة سود الوجوه معهم المسوح، فيجلسون منه مد البصر، ثم يجيء ملك الموت حتى يجلس عند رأسه، فيقول: أيتها النفس الخبيثة اخرجي إلى سخط من الله، قال: فتفرق في جسده فينتزعها كما ينتزع السفود من الصوف المبلول فيأخذها، فإذا أخذها لم يدعوها في يده طرفة عين حتى يجعلوها في تلك المسوح، ويخرج منها كأنتن ريح جيفة وجدت على وجه الأرض، فيصعدون بها، فلا يمرون بها على ملأ من الملائكة إلا قالوا: ما هذا الروح الخبيث؟ فيقولون: فلان بن فلان ـ بأقبح أسمائه التي كان يسمى بها في الدنيا ـ حتى ينتهى بها إلى السماء الدنيا فيستفتح له، فلا يفتح له، ثم قرأ رسول الله صلى الله عليه وسلم: لا تفتح لهم أبواب السماء ولا يدخلون الجنة حتى يلج الجمل في سم الخياط ـ فيقول الله عز وجل: اكتبوا كتابه في سجين في الأرض السفلى، فتطرح روحه طرحا، ثم قرأ: ومن يشرك بالله فكأنما خر من السماء فتخطفه الطير أو تهوي به الريح في مكان سحيق ـ فتعاد روحه في جسده ويأتيه ملكان فيجلسانه فيقولان له: من ربك؟ فيقول: هاه هاه، لا أدري فيقولان له: ما دينك؟ فيقول: هاه، هاه، لا أدري، فيقولان له: ما هذا الرجل الذي بعث فيكم؟ فيقول: هاه، هاه لا أدري، فينادي مناد من السماء أن كذب عبدي، فأفرشوا له من النار، وافتحوا له بابا إلى النار، فيأتيه حرها وسمومها ويضيق عليه قبره حتى تختلف فيه أضلاعه، ويأتيه رجل قبيح الوجه قبيح الثياب منتن الريح، فيقول أبشر بالذي يسوؤك هذا يومك الذي كنت توعد، فيقول: من أنت؟ فوجهك الوجه يجيء بالشر فيقول: أنا عملك الخبيث فيقول: رب لا تقم الساعة.

………. എന്നാല്‍ അവിശ്വാസിയായ അടിമയുടെ ഐഹിക ജീവിതത്തിന്റെ അവസാനവും പാരത്രിക ജീവിത്തതിന്റെ ആരംഭവും ആയിക്കഴിഞ്ഞാല്‍ പരുപരുക്കന്‍ കരിമ്പടവുമായി വളരെ കറുത്ത് ഇരുണ്ട മുഖങ്ങളോടെ കുറെ മലക്കുകള്‍ ആകാശത്തില്‍ നിന്ന് ഇറങ്ങി വന്ന് അവന്റെ കണ്ണെത്തും ദൂരെവരെ നിറഞ്ഞ് ഇരിക്കുന്നു. ശേഷം മലക്കുല്‍ മൌത്ത് വന്നുകൊണ്ട് അവന്റെ തലയുടെ ഭാഗത്ത് ഇരുന്നുകൊണ്ട് ഇങ്ങനെ ഗ൪ജ്ജിക്കുന്നു: ഹേ മ്ലേച്ഛമായ ആത്മാവേ, അല്ലാഹുവിന്റെ കോപത്തിലേക്കും ദ്വേഷ്യത്തിലേക്കും പുറപ്പെടൂ. എന്നാല്‍ ആത്മാവ് ശരീരത്തിലേക്കുതന്നെ ഉള്‍വലിയുകയാണ് ചെയ്യുന്നത്. നനഞ്ഞ പഞ്ഞിക്കെട്ടുകളില്‍ നിന്ന് കൊളുത്തുകളുള്ള കുന്തങ്ങള്‍ വലിച്ചെടുക്കുന്നതുപോലെ അവന്റെ ശരീരത്തില്‍ നിന്നും ആത്മാവിനെ വലിച്ചെടുക്കുകയും പെട്ടെന്നുതന്നെ അതിനെ ആ കരിമ്പടത്തിലാക്കുകയും ചെയ്യുന്നു. അപ്പോള്‍ അതില്‍നിന്നും ഭൂമിയിലെ ചീഞ്ഞളിഞ്ഞ ശവത്തില്‍ നിന്നും പുറത്ത് വരുന്നതുപോലെയുള്ള ദു൪ഗന്ധം ഫുറത്ത് വന്നുകൊണ്ടിരിക്കും. ആ മ്ലേച്ഛാവസ്ഥയുമായി ആകാശത്തിലേക്ക് കയറിപ്പോകുമ്പോള്‍ അവിടെയുള്ള മലക്കുകള്‍ വിളിച്ചു ചോദിക്കുന്നു: ആരുടേതാണ് ഈ മ്ളേച്ഛമായ ആത്മാവ്? ഭൂമിയില്‍ വിളിക്കപ്പെട്ടിരുന്ന ഏറ്റവും ചീത്തപ്പേരില്‍ അദ്ദേഹത്തെ കുറിച്ച് പരിചയപ്പെടുത്തുന്നു. ഒന്നാം ആകാശത്തിലെത്തി വാതില്‍ തുറക്കാന്‍ ആവശ്യപ്പെട്ടുവെങ്കിലും തുറക്കുന്നില്ല. അപ്പോള്‍ നബി(സ്വ) വിശുദ്ധ ഖു൪ആനിലെ ഈ വചനം ഓതുകയുണ്ടായി.

لَا تُفَتَّحُ لَهُمْ أَبْوَٰبُ ٱلسَّمَآءِ وَلَا يَدْخُلُونَ ٱلْجَنَّةَ حَتَّىٰ يَلِجَ ٱلْجَمَلُ فِى سَمِّ ٱلْخِيَاطِ ۚ

…. അവര്‍ക്ക് വേണ്ടി ആകാശത്തിന്റെ കവാടങ്ങള്‍ തുറന്നുകൊടുക്കപ്പെടുകയേയില്ല. ഒട്ടകം സൂചിയുടെ ദ്വാരത്തിലൂടെ കടന്ന് പോകുന്നത് വരെ അവര്‍ സ്വര്‍ഗത്തില്‍ പ്രവേശിക്കുകയുമില്ല… (ഖു൪ആന്‍:7/40)

അപ്പോള്‍ അല്ലാഹു പറയും: അവന്റെ രേഖകള്‍ ഭൂമിയുടെ ഏറ്റവും അടിത്തട്ടില്‍ സിജ്ജീനില്‍ രേഖപ്പെടുത്തുക. ആ സമയം ആത്മാവിനെ വലിച്ച് എറിയുന്നു. ശേഷം നബി(സ്വ) വിശുദ്ധ ഖു൪ആനിലെ ഈ വചനം ഓതുകയുണ്ടായി.

وَمَنْ يُشْرِكْ بِاللَّهِ فَكَأَنَّمَا خَرَّ مِنَ السَّمَاءِ فَتَخْطَفُهُ الطَّيْرُ أَوْ تَهْوِي بِهِ الرِّيحُ فِي مَكَانٍ سَحِيقٍ

അല്ലാഹുവോട് വല്ലവനും പങ്കുചേര്‍ക്കുന്ന പക്ഷം അവന്‍ ആകാശത്തു നിന്ന് വീണത് പോലെയാകുന്നു. അങ്ങനെ പക്ഷികള്‍ അവനെ റാഞ്ചിക്കൊണ്ടു പോകുന്നു. അല്ലെങ്കില്‍ കാറ്റ് അവനെ വിദൂരസ്ഥലത്തേക്ക് കൊണ്ടു പോയി തള്ളുന്നു. (ഖുർആൻ: 22/31)

അങ്ങനെ ശരീരത്തിലേക്ക് ആത്മാവിനെ മടക്കുന്നു. ആ സമയം രണ്ട് മലക്കുകള്‍ വന്നുകൊണ്ട് അരികില്‍ ഇരിക്കുകയും ചോദിക്കുകയും ചെയ്യുന്നു: ആരാണ് നിന്റെ രക്ഷിതാവ്? ഹാ ഹാ എനിക്കറിയില്ലെന്ന് മറുപടി പറയുന്നു. ആ സമയം ആകാശത്തുനിന്ന് ഒരു വിളിയാളമുണ്ടാകുന്നു: ‘അവന്‍ കളവ് പറഞ്ഞു, നരകത്തില്‍ നിന്ന് അവന് വിരിച്ചു കൊടുക്കുക, നരകത്തിലേക്ക് ഒരു വാതില്‍ അവന് തുറന്നു കൊടുക്കുക.’ അതിലൂടെ നരകത്തിന്റെ ചൂട് അവിടെ എത്തുകയായി. വാരിയെല്ലുകള്‍ പരസ്പരം കോ൪ത്ത് പോകുമാറ് ഖബറിനെ ഇടുക്കുന്നു. ഏറ്റവും മുഷിഞ്ഞ വസ്ത്രം ധരിച്ച് ദു൪ഗന്ധം പരത്തി വിരൂപ മുഖവുമായി ഒരാള്‍ അവിടേക്ക് കടന്നുവരുന്നു. അയാള്‍ പറയും: വളരെ മോശമായ പ്രയാസമുണ്ടാകുന്നതിനെ സംബന്ധിച്ച് സന്തോഷവാ൪ത്ത അറിയിക്കാന്‍ വന്നതാണ് ഞാന്‍, ഈ ദിവസത്തെ സംബന്ധിച്ചാണ് നിന്നെ മുന്നറിയിപ്പ് നല്‍കിയിരുന്നത്. അപ്പോള്‍ അദ്ദേഹത്തോട് ചോദിക്കുന്നു: തിന്മയുമായി കടന്നുവന്നിട്ടുള്ള താങ്കള്‍ ആരാണ്? അപ്പോള്‍ അദ്ദേഹം പറയുന്നു: ഞാനാണ് താങ്കളുടെ ചീത്തയായ മ്ലച്ഛമായ പ്രവ൪ത്തനങ്ങള്‍. അപ്പോള്‍ അദ്ദേഹം വിളിച്ചു പറയും: രക്ഷിതാവേ, ആ ഖിയാമത്ത് നാള്‍ സംഭവിക്കരുതേ. (അഹ്മദ്)

وَإِذَا كَانَ الرَّجُلُ السُّوءُ قَالَ اخْرُجِي أَيَّتُهَا النَّفْسُ الْخَبِيثَةُ كَانَتْ فِي الْجَسَدِ الْخَبِيثِ اخْرُجِي ذَمِيمَةً وَأَبْشِرِي بِحَمِيمٍ وَغَسَّاقٍ ‏.‏ وَآخَرَ مِنْ شَكْلِهِ أَزْوَاجٌ ‏.‏ فَلاَ يَزَالُ يُقَالُ لَهَا ذَلِكَ حَتَّى تَخْرُجَ ثُمَّ يُعْرَجُ بِهَا إِلَى السَّمَاءِ فَلاَ يُفْتَحُ لَهَا فَيُقَالُ ‏:‏ مَنْ هَذَا فَيُقَالُ ‏:‏ فُلاَنٌ ‏.‏ فَيُقَالُ ‏:‏ لاَ مَرْحَبًا بِالنَّفْسِ الْخَبِيثَةِ كَانَتْ فِي الْجَسَدِ الْخَبِيثِ ارْجِعِي ذَمِيمَةً فَإِنَّهَا لاَ تُفْتَحُ لَكِ أَبْوَابُ السَّمَاءِ فَيُرْسَلُ بِهَا مِنَ السَّمَاءِ ثُمَّ تَصِيرُ إِلَى الْقَبْرِ

………… ചീത്ത മനുഷ്യനാണെങ്കില്‍ പറയും: മ്ലേച്ഛ ശരീരത്തിലുണ്ടായിരുന്ന മ്ലേച്ഛാത്മാവേ, ഇറങ്ങി വരിക, നിന്ദ്യനായി ഇറങ്ങി വരിക. കഠിന ചൂടിലേക്കും ഇരുട്ടിലേക്കും പുറപ്പെടുക… ആകാശത്തേക്ക് കയറിപ്പോകുന്നതുവരെ ഇതുതന്നെ ആവ൪ത്തിച്ചു കൊണ്ടേയിരിക്കുന്നതാണ്. ആകാശത്തേക്ക് കയറിപ്പോകും, പക്ഷേ അതിനുവേണ്ടി തുറക്കപ്പെടുകയില്ല. ചോദിക്കപ്പെടും: ഇത് ആരാണ്? ഇന്ന വ്യക്തിയാണെന്ന് പറയപ്പെടും. മ്ളേച്ഛ ശരീരത്തിലുണ്ടായിരുന്ന മ്ലേച്ഛാത്മാവിന് സ്വാഗതമില്ല, വളരെ നിന്ദ്യനായി മടങ്ങിപ്പോകുക എന്ന് പറയപ്പെടും. കാരണം ആകാശ കവാടങ്ങള്‍ നിനക്കായി തുറക്കുകയില്ല. ആകാശത്തുനിന്ന് മടക്കപ്പെടുകയും ഖബ്റിലേക്ക് തന്നെ മടങ്ങുകയും ചെയ്യുന്നു.   (ഇബ്നുമാജ:37/4403)

ശരീരത്തില്‍ നിന്ന് ആത്മാവ് വേര്‍പ്പെടുമ്പോള്‍ കണ്ണുകള്‍ ആത്മാവിനെ പിന്‍തുടരുന്നു. മരണവേളയില്‍ അത് ശരിക്കും കാണാവുന്നതാണ്.

عَنْ أُمِّ سَلَمَةَ، قَالَتْ دَخَلَ رَسُولُ اللَّهِ صلى الله عليه وسلم عَلَى أَبِي سَلَمَةَ وَقَدْ شَقَّ بَصَرُهُ فَأَغْمَضَهُ ثُمَّ قَالَ : إِنَّ الرُّوحَ إِذَا قُبِضَ تَبِعَهُ الْبَصَرُ ‏ ‏

ഉമ്മുസലമയില്‍(റ) നിന്ന് നിവേദനം: അവര്‍ പറയുന്നു: നബി(സ്വ) അബൂസലമയുടെ അടുത്ത് (അദ്ദേഹം മരണപ്പെട്ടപ്പോള്‍) പ്രവേശിക്കുകയുണ്ടായി. ആ സമയം അബൂസലമയുടെ കണ്ണുകള്‍ പുറത്തേക്ക് തള്ളി നില്‍ക്കുന്നുണ്ടായിരുന്നു. തിരുമേനി ആ കണ്ണുകള്‍ അടക്കുകയുണ്ടായി. എന്നിട്ട് പറഞ്ഞു: തീ൪ച്ചയായും ആത്മാവ് പിടിക്കപ്പെട്ടാല്‍ കണ്ണുകള്‍ അതിനെ പിന്‍തുടരുന്നു….. (മുസ്ലിം:920)

عَنْ سَعِيدٍ الْمَقْبُرِيِّ، عَنْ أَبِيهِ، أَنَّهُ سَمِعَ أَبَا سَعِيدٍ الْخُدْرِيَّ ـ رضى الله عنه ـ أَنَّ رَسُولَ اللَّهِ صلى الله عليه وسلم قَالَ ‏ : إِذَا وُضِعَتِ الْجِنَازَةُ وَاحْتَمَلَهَا الرِّجَالُ عَلَى أَعْنَاقِهِمْ، فَإِنْ كَانَتْ صَالِحَةً قَالَتْ قَدِّمُونِي‏.‏ وَإِنْ كَانَتْ غَيْرَ صَالِحَةٍ قَالَتْ يَا وَيْلَهَا أَيْنَ يَذْهَبُونَ بِهَا يَسْمَعُ صَوْتَهَا كُلُّ شَىْءٍ إِلاَّ الإِنْسَانَ، وَلَوْ سَمِعَهُ صَعِقَ

അബൂസഈദില്‍(റ) നിന്ന് നിവേദനം: നബി(സ്വ) അരുളി: മയ്യിത്ത് കട്ടിലില്‍ വെച്ച് പുരുഷന്മാര്‍ അത് ചുമലിലേറ്റി പുറപ്പെട്ടാല്‍ സുകൃതം ചെയ്ത ഒരാത്മാവിന്റെ മയ്യിത്താണെങ്കില്‍ ‘എന്നെയും കൊണ്ടു വേഗം പോവുക’ എന്ന് അത് വിളിച്ചു പറയും. സുകൃതം ചെയ്തിട്ടില്ലാത്ത ആത്മാവിന്റെ മയ്യിത്താണെങ്കിലോ ‘അഹാ കഷ്ടം, എന്നെ നിങ്ങള്‍ എവിടേക്കാണ് കൊണ്ടുപോകുന്നത്’ എന്ന് വിളിച്ചു പറയും. മനുഷ്യനൊഴിച്ച് മറ്റെല്ലാ വസ്തുക്കളും അതു കേള്‍ക്കും. മനുഷ്യന്‍ അതു കേട്ടാല്‍ ബോധം കെട്ടുപോകും.   (ബുഖാരി:1314)

സത്യവിശ്വാസികളേ, മനുഷ്യരുടെ ആത്മാവിനെ മലക്കുകള്‍ പിടിക്കുന്ന രംഗം നബി(സ്വ) എത്ര ഗൌരവത്തോടെയാണ് സ്വഹാബികള്‍ക്ക് പറഞ്ഞു കൊടുത്തിട്ടുള്ളത്. എത്ര ശ്രദ്ധിച്ചാണ് സ്വഹാബികള്‍ അത് നബിയില്‍(റ) നിന്ന് കേട്ട് മനസ്സിലാക്കിയത്. തലയില്‍ ഒരു പക്ഷി ഇരിക്കുമ്പോള്‍ എത്രമാത്രം സൂക്ഷ്മതയോടെ ഇരിക്കുമോ അതുപോലെ നിശബ്ദരായി അവ൪ നബിക്ക്(സ്വ) ചുറ്റും ഇരുന്ന് അത് കേട്ടു. ഈ ഹദീസ് ഒന്ന് മനസ്സിരുത്തി വായിക്കാന്‍ നാം ശ്രദ്ധിക്കാറുണ്ടോ? അതില്‍ പറയുന്ന കാര്യങ്ങളെ കുറിച്ച് ചിന്തിക്കാന്‍ നാം ശ്രദ്ധിക്കാറുണ്ടോ? അതിന് കഴിഞ്ഞാല്‍ ജീവിതത്തില്‍ തിന്‍മകളില്‍ നിന്ന് പരിപൂ൪ണ്ണമായി വിട്ടു നില്‍ക്കാനും നന്‍മകള്‍ അധികരിപ്പിക്കാനും അങ്ങനെ ജീവിതം ഇസ്ലാമികമായി ചിട്ടപ്പെടുത്താനും നമുക്ക് കഴിയും.

മരണത്തില്‍ നിന്നും ഓടി രക്ഷപെടാന്‍ ആ൪ക്കും കഴിയില്ല. ആര് എത്ര ഓടി അകന്നാലും മരണം അവനെ പിടികൂടുന്നതാണ്.

ﻗُﻞْ ﺇِﻥَّ ٱﻟْﻤَﻮْﺕَ ٱﻟَّﺬِﻯ ﺗَﻔِﺮُّﻭﻥَ ﻣِﻨْﻪُ ﻓَﺈِﻧَّﻪُۥ ﻣُﻠَٰﻘِﻴﻜُﻢْ ۖ ﺛُﻢَّ ﺗُﺮَﺩُّﻭﻥَ ﺇِﻟَﻰٰ ﻋَٰﻠِﻢِ ٱﻟْﻐَﻴْﺐِ ﻭَٱﻟﺸَّﻬَٰﺪَﺓِ ﻓَﻴُﻨَﺒِّﺌُﻜُﻢ ﺑِﻤَﺎ ﻛُﻨﺘُﻢْ ﺗَﻌْﻤَﻠُﻮﻥَ

(നബിയേ) പറയുക: തീര്‍ച്ചയായും ഏതൊരു മരണത്തില്‍ നിന്ന് നിങ്ങള്‍ ഓടി അകലുന്നുവോ അത് തീര്‍ച്ചയായും നിങ്ങളുമായി കണ്ടുമുട്ടുന്നതാണ്‌. പിന്നീട് അദൃശ്യവും, ദൃശ്യവും അറിയുന്നവന്റെ അടുക്കലേക്ക് നിങ്ങള്‍ മടക്കപ്പെടുകയും ചെയ്യും. അപ്പോള്‍ നിങ്ങള്‍ പ്രവര്‍ത്തിച്ചുകൊണ്ടിരിക്കുന്നതിനെ പറ്റി അവന്‍ നിങ്ങളെ വിവരമറിയിക്കുന്നതാണ്‌.  (ഖു൪ആന്‍: 62/8)

അതേപോലെ മരണത്തില്‍ നിന്ന്‌ ഒരു രക്ഷാകവചവും ഒരു അഭയസ്ഥലവും അവനെ രക്ഷിക്കുകയില്ല.

ﺃَﻳْﻨَﻤَﺎ ﺗَﻜُﻮﻧُﻮا۟ ﻳُﺪْﺭِﻛﻜُّﻢُ ٱﻟْﻤَﻮْﺕُ ﻭَﻟَﻮْ ﻛُﻨﺘُﻢْ ﻓِﻰ ﺑُﺮُﻭﺝٍ ﻣُّﺸَﻴَّﺪَﺓٍ ۗ

നിങ്ങള്‍ എവിടെയായിരുന്നാലും മരണം നിങ്ങളെ പിടികൂടുന്നതാണ്‌. നിങ്ങള്‍ ഭദ്രമായി കെട്ടി ഉയര്‍ത്തപ്പെട്ട കോട്ടകള്‍ക്കുള്ളിലായാല്‍ പോലും……..(ഖു൪ആന്‍:4/78)

മരണത്തെ ഭയന്ന് എവിടെ പോയി ഒളിച്ചിരുന്നാലും എവിടെ വെച്ച് എങ്ങനെയാണോ അല്ലാഹു അവന് മരണം വിധിച്ചിട്ടുള്ളത് അതിലേക്ക് അല്ലാഹു അവനെ കൊണ്ടുവരുന്നതാണ്. അവിടേക്ക് വരുന്നതിലേക്ക് അപ്പോള്‍ അല്ലാഹു അവന് ഒരു കാരണം ഉണ്ടാക്കുന്നതാണ്.

ﻳَﻘُﻮﻟُﻮﻥَ ﻟَﻮْ ﻛَﺎﻥَ ﻟَﻨَﺎ ﻣِﻦَ ٱﻷَْﻣْﺮِ ﺷَﻰْءٌ ﻣَّﺎ ﻗُﺘِﻠْﻨَﺎ ﻫَٰﻬُﻨَﺎ ۗ ﻗُﻞ ﻟَّﻮْ ﻛُﻨﺘُﻢْ ﻓِﻰ ﺑُﻴُﻮﺗِﻜُﻢْ ﻟَﺒَﺮَﺯَ ٱﻟَّﺬِﻳﻦَ ﻛُﺘِﺐَ ﻋَﻠَﻴْﻬِﻢُ ٱﻟْﻘَﺘْﻞُ ﺇِﻟَﻰٰ ﻣَﻀَﺎﺟِﻌِﻬِﻢْ ۖ

…. അവര്‍ പറയുന്നു: കാര്യത്തില്‍ നമുക്ക് വല്ല സ്വാധീനവുമുണ്ടായിരുന്നുവെങ്കില്‍ നാം ഇവിടെ വെച്ച് കൊല്ലപ്പെടുമായിരുന്നില്ല. (നബിയേ) പറയുക: നിങ്ങള്‍ സ്വന്തം വീടുകളില്‍ ആയിരുന്നാല്‍ പോലും കൊല്ലപ്പെടാന്‍ വിധിക്കപ്പെട്ടവര്‍ തങ്ങള്‍ മരിച്ചുവീഴുന്ന സ്ഥാനങ്ങളിലേക്ക് (സ്വയം) പുറപ്പെട്ട് വരുമായിരുന്നു. …….(ഖു൪ആന്‍:2/154)

عَنْ أَبِي عَزَّةَ، قَالَ قَالَ رَسُولُ اللَّهِ صلى الله عليه وسلم ‏ :‏ إِذَا قَضَى اللَّهُ لِعَبْدٍ أَنْ يَمُوتَ بِأَرْضٍ جَعَلَ لَهُ إِلَيْهَا حَاجَةً أَوْ قَالَ بِهَا حَاجَةً

അബൂഅസ്സ(റ)യിൽ നിന്ന് നിവേദനം: നബി ﷺ പറഞ്ഞു: “ഒരു മനുഷ്യൻ ഇന്ന സ്ഥലത്ത്‌‌ വെച്ച്‌ മരിക്കണമെന്ന് അല്ലാഹു വിധിച്ചിട്ടുണ്ടെങ്കിൽ അവന്‌ അവിടേക്ക്‌ പോകാൻ അല്ലാഹു എന്തെങ്കിലും ഒരു ആവശ്യം ഉണ്ടാക്കും. (തിർമിദി‌: 2147)

മരണത്തില്‍ നിന്ന് രക്ഷപെടാന്‍ ആ൪ക്കും കഴിയില്ലെങ്കില്‍, മരണത്തെ ഭയന്ന് നിഷ്ക്രിയരായി ജീവിക്കേണ്ടതുണ്ടോ? മരണത്തെ പേടിച്ച് നന്മയുടെ രംഗങ്ങളില്‍നിന്ന് ഉള്‍വലിയാനല്ല ഇസ്‌ലാം പഠിപ്പിക്കുന്നത്. ആ മരണം വരുന്നതുവരേയും സമയം പാഴാക്കാതെ മരണത്തിന് ശേഷമുള്ള ജീവിതത്തിന് വേണ്ടി അദ്ധ്വാനിക്കുകയാണ് വേണ്ടത്. അതോടൊപ്പം മുസ്ലിമായി തന്നെ മരിക്കാന്‍ വേണ്ടി പരിശ്രമിക്കുക.

يَٰٓأَيُّهَا ٱلَّذِينَ ءَامَنُوا۟ ٱتَّقُوا۟ ٱللَّهَ حَقَّ تُقَاتِهِۦ وَلَا تَمُوتُنَّ إِلَّا وَأَنتُم مُّسْلِمُونَ

സത്യവിശ്വാസികളേ, നിങ്ങള്‍ അല്ലാഹുവെ സൂക്ഷിക്കേണ്ട മുറപ്രകാരം സൂക്ഷിക്കുക. നിങ്ങള്‍ മുസ്ലിംകളായിക്കൊണ്ടല്ലാതെ മരിക്കാനിടയാകരുത്‌.(ഖു൪ആന്‍:3/102)

മുസ്‌ലിമാകുകയെന്നാല്‍ ജാതി മുസ്‌ലിമാകുകയെന്നല്ല. അല്ലാഹുവിന്റെ വിധി വിലക്കുകള്‍ അനുസരിച്ചുകൊണ്ട് അവന് പൂര്‍ണമായും കീഴൊതുങ്ങുക എന്നത്രെ വിവക്ഷ. മുസ്‌ലിമായിക്കൊണ്ടല്ലാതെ മരണപ്പെടരുത്. ദീര്‍ഘകാലം മുസ്‌ലിമായി ജീവിച്ചശേഷം അവസാന നിമിഷത്തില്‍ അവിശ്വാസിയായിക്കൊണ്ട് മരണപ്പെട്ടാല്‍ ആ ഇസ്‌ലാംകൊണ്ട് യാതൊരു പ്രയോജനവുമില്ലല്ലോ.

പ്രവാചകന്‍മാ൪ മുസ്ലിമായി മരിക്കാന്‍ പ്രാ൪ത്ഥിക്കുന്നവരായിരുന്നു. അക്കാര്യം അവ൪ തങ്ങളുടെ മക്കളോട് വസ്വിയത്ത് ചെയ്യുകയും ചെയ്തിരുന്നു. മരണ രംഗത്തെ ഗൌരവപൂ൪വ്വം കാണുന്നവ൪ക്കുമാത്രമേ അതിന് കഴിയുകയുള്ളൂ.

ۖ تَوَفَّنِى مُسْلِمًا وَأَلْحِقْنِى بِٱلصَّٰلِحِينَ

(യൂസുഫ് നബി പ്രാര്‍ത്ഥിച്ചു:) എന്റെ രക്ഷിതാവേ,നീ എന്നെ മുസ്ലിമായി മരിപ്പിക്കുകയും സജ്ജനങ്ങളുടെ കൂട്ടത്തില്‍ ചേര്‍ക്കുകയും ചെയ്യേണമേ. (ഖുർആൻ: 12/101)

وَوَصَّىٰ بِهَآ إِبْرَٰهِۦمُ بَنِيهِ وَيَعْقُوبُ يَٰبَنِىَّ إِنَّ ٱللَّهَ ٱصْطَفَىٰ لَكُمُ ٱلدِّينَ فَلَا تَمُوتُنَّ إِلَّا وَأَنتُم مُّسْلِمُونَ

ഇബ്രാഹീമും യഅ്ഖൂബും അവരുടെ സന്തതികളോട് ഇത് (കീഴ്‌വണക്കം) ഉപദേശിക്കുക കൂടി ചെയ്തു. എന്റെ മക്കളേ, അല്ലാഹു നിങ്ങള്‍ക്ക് ഈ മതത്തെ വിശിഷ്ടമായി തെരഞ്ഞെടുത്തിരിക്കുന്നു. അതിനാല്‍ അല്ലാഹുവിന് കീഴ്പെടുന്നവരായി (മുസ്ലിംകളായി) ക്കൊണ്ടല്ലാതെ നിങ്ങള്‍ മരിക്കാനിടയാകരുത്‌. (ഇങ്ങനെയാണ് അവര്‍ ഓരോരുത്തരും ഉപദേശിച്ചത്‌). (ഖുർആൻ: 2/132)