അബൂസഈദി رَضِيَ اللَّهُ عَنْهُ ൽനിന്ന് നിവേദനം. നിശ്ചയം ഇബ്നു സ്സ്വയ്യാദ് നബി ‎ﷺ  യോട് സ്വർഗ്ഗത്തിലെ മണ്ണിനെ കുറിച്ച് ചോദിച്ചു. അപ്പോൾ തിരമേനി ‎ﷺ  പറഞ്ഞു:

دَرْمَكَةٌ بَيْضَاءُ مِسْكٌ خَالِصٌ 

“അത് തൂവെള്ളയും നേർമ്മയുമുള്ള പൊടിയും അതിന് കലർപ്പില്ലാത്ത കസ്തൂരിയുടെ മണവുമാകുന്നു”. (മുസ്ലിം)
അല്ലാഹുവിന്റെ റസൂൽ ‎ﷺ പറഞ്ഞു:

حَصْبَاؤُهَا الْيَاقُوتُ وَاللُّؤْلُؤُ ، وَتُرْبَتُهَا الْوَرْسُ وَالزَّعْفَرَانُ

“അതിലെ കല്ലുകൾ മാണിക്യവും മുത്തുകളുമാണ്. അതിലെ മണ്ണാകട്ടെ കുങ്കുമവും വർസു(മഞ്ഞവർണ്ണമുള്ള ഒരു തരം സുഗന്ധം)മാണ്”
അബ്ദുല്ലാഹ് ഇബ്നു മസ്ഊദ്  رَضِيَ اللَّهُ عَنْهُ ൽ നിന്നും നിവേദനം: നബി ‎ﷺ പറഞ്ഞു: “ഇസ്റാഇന്റെ രാവിൽ ഞാൻ ഇബ്റാഹീം (അ) യെ കണ്ടു. അപ്പോൾ അദ്ദേഹം പറഞ്ഞു:…….

وَأَخبرْهمْ أنَّ الجنةَ طيبة التربةِ ، عذبة الماءِ

…മുഹമ്മദ്, ഉമ്മത്തികളോട് പറഞ്ഞേക്കുക. നിശ്ചയം സ്വർഗ്ഗം നല്ല മണ്ണാണ്, സ്വച്ഛമായ വെള്ളമാണ്,…”
അല്ലാഹുവിന്റെ റസൂൽ ‎ﷺ പറഞ്ഞു:

الْحَجَرُ الأَسْوَدُ مِنَ الْجَنَّةِ 

“ഹജറുൽഅസ്വദ് സ്വർഗ്ഗത്തിൽനിന്നുള്ളതാകുന്നു”

അബ്ദുൽ ജബ്ബാർ അബ്ദുല്ല