നരകത്തിൽ നരകവാസികൾക്ക് നൽകപ്പെടുന്ന പാനീയങ്ങൾ വൈവിദ്ധ്യമാർന്നതായിരിക്കും. പക്ഷെ, ജുകുപ്സവും നിന്ദ്യവും കടുത്ത ചൂടുള്ളതും തൊണ്ടയിൽ കുടുങ്ങുന്നതും മുഖം കരിക്കുന്നതും കുടൽ ഉരുക്കുന്നതുമായ പാനീയങ്ങളായിരിക്കും അവയെല്ലാം.

അല്ലാഹു  പറയുന്നു:

ഇതാണവർക്കുള്ളത്. ആകയാൽ അവർ അത് ആസ്വദിച്ചു കൊള്ളട്ടെ. കൊടും ചൂടുള്ള വെള്ളവും (ഹമീം) കൊടും തണുപ്പുള്ള വെള്ളവും (ഗസ്സ്വാക്വ്). ഇത്തരത്തിൽ പെട്ട മറ്റു പല ഇനം ശിക്ഷകളും.   വി. ക്വു. (38: 57  58)

…അത്തരക്കാർക്കാകട്ടെ കൊടും ചൂടുള്ള വെള്ളമായിരിക്കും കുടിക്കാൻ നല്കപ്പെടുക. അങ്ങനെ അത് അവരുടെ കുടലുകളെ ഛിന്നഭിന്നമാക്കികളയും.  വി. ക്വു. (47: 15)

ചുട്ടുതിളക്കുന്ന ഒരു ഉറവിൽനിന്ന് അവർക്കു കുടിപ്പിക്കപ്പെടുന്നതാണ്.  വി. ക്വു. (88: 5)

നരകത്തിൽ നരകവാസികൾക്കുള്ള നാല് പാനീയങ്ങളെ പറ്റിയാണ് ഈ വചനങ്ങൾ പറഞ്ഞുതരുന്നത്.

 

ഒന്ന്: ഹമീം. ചൂട് പാരമ്യതയിലെത്തിയ വെള്ളമാകുന്നു ഹമീം.
അല്ലാഹു പറഞ്ഞു: 

അതിന്നും തിളച്ചുപൊള്ളുന്ന ചൂടുവെള്ളത്തിനുമിടക്ക് അവർ ചുറ്റിത്തിരിയുന്നതാണ്.  വി. ക്വു. (55: 44)

അല്ലാഹു  പറയുന്നു:

ഇതാണവർക്കുള്ളത്. ആകയാൽ അവർ അത് ആസ്വദിച്ചു കൊള്ളട്ടെ. കൊടുംചൂടുള്ള വെള്ളവും (ഹമീം) കൊടും തണുപ്പുള്ള വെള്ളവും (ഗസ്സ്വാക്വ്).   വി. ക്വു. (38: 57, 58)

 

അല്ലാഹു  പറയുന്നു: 

…ചോരയും ചലവും കലർന്ന നീരിൽ നിന്നായിരിക്കും അവന്ന് കുടിക്കുവാൻ നൽകപ്പെടുന്നത്. അതവൻ കീഴ്പോട്ടിറക്കുവാൻ ശ്രമിക്കും. അത് തൊണ്ടയിൽ നിന്നിറക്കുവാൻ അവന്ന് കഴിഞ്ഞേക്കുകയില്ല… വി. ക്വു. (14: 16, 17)

 

അല്ലാഹു  പറയുന്നു:

…അവർ വെള്ളത്തിനപേക്ഷിക്കുന്ന പക്ഷം ഉരുക്കിയ ലോഹം പോലുള്ള ഒരു വെള്ളമായിരിക്കും അവർക്ക് കുടിക്കാൻ നൽകപ്പെടുന്നത്. അത് മുഖങ്ങളെ എരിച്ചുകളയും. വളരെ ദുഷി ച്ച പാനീയം തന്നെ. അത് (നരകം) വളരെ ദുഷിച്ച വിശ്രമസ്ഥലം തന്നെ.   വി. ക്വു. (18: 29)

 

നരകവാസികളിൽ ചിലർ ‘ത്വീനത്തുൽ ഖബാൽ’, ‘റഗ്ദ ത്തുൽ ഖബാൽ’ എന്നീ പേരുകളിലുള്ള പാനീയങ്ങൾ കുടിപ്പിക്കപ്പെടുമെന്ന് ഹദീഥുകളിൽ വന്നിട്ടുണ്ട്. അല്ലാഹുവിന്റെ റസൂൽ ‎ﷺ പറഞ്ഞു: 

 “എല്ലാ ലഹരിയുണ്ടാക്കുന്നവയും ഹറാമാകുന്നു. നിശ്ചയം, അല്ലാഹു  ലഹരിവസ്തുക്കൾ കുടിക്കുന്നവരോട് അവരെ ‘ത്വീനത്തുൽ ഖബാൽ’ കുടിപ്പിക്കുമെന്ന് കരാർ ചെയ്തിരിക്കുന്നു. അവർ പറഞ്ഞു: അല്ലാഹുവിന്റെ റസൂലേ, എന്താണ് ‘ത്വീനത്തുൽ ഖബാൽ’? റസൂൽ ‎ﷺ പറഞ്ഞു: നരകവാസികളുടെ വിയർപ്പ് അല്ലെങ്കിൽ നരകവാസികളുടെ ചലം”. (മുസ്ലിം)

 

അബ്ദുൽ ജബ്ബാർ അബ്ദുല്ല