നരകശിക്ഷ വാഗ്ദാനം ചെയ്യപ്പെട്ട പാപങ്ങൾ നിരവധിയാണ്. അവയിൽ ആളുകളെ നിത്യനിവാസികളാക്കുന്ന പാപങ്ങളും അല്ലാത്തവയുമുണ്ട്. ശൈഖുൽ ഇസ്ലാം ഇബ്നു തയ്മിയ്യജ നരകവാസികളുടെ കർമ്മങ്ങളെക്കുറിച്ച് ചോദിക്കപ്പെട്ടു. അപ്പോൾ അദ്ദേഹം ഇപ്രകാരം മറുപടി നൽകി: “അല്ലാഹുവിൽ പങ്കുചേർക്കൽ, മുർസലീങ്ങളെ കളവാക്കൽ, കുഫ്റ്, അസൂയ, കളവ്, ചതി, അക്രമം, നീചവൃത്തികൾ, വഞ്ചന, കുടുംബബന്ധം വിഛേദിക്കൽ, ജിഹാദിനെക്കുറിച്ചുള്ള ഭീരുത്വം, പിശുക്ക്, രഹസ്യത്തിലും പരസ്യത്തിലും ഇരട്ടത്താപ്പ്, അല്ലാഹുവിന്റെ കാരുണ്യത്തിൽ നിരാശപ്പെടൽ, അല്ലാഹുവിന്റെ ശിക്ഷയിൽ നിർഭയനാകൽ, മുസ്വീബത്തുകളിൽ പൊറുതികേട് കാണിക്കൽ, അനുഗ്രഹം ലഭിക്കുമ്പോൾ അഹങ്കരിക്കൽ, അല്ലാഹു നിർബന്ധമാക്കിയത് ഉപേക്ഷിക്കൽ, അല്ലാഹുവിന്റെ അതിർവരമ്പുകൾ മുറിച്ചുകടക്കൽ, ഹറാമുകൾ പ്രവൃത്തിക്കൽ, സൃഷ്ടാവിനെ ഭയക്കാതെ സൃഷ്ടികളെ ഭയക്കൽ, ലോകമാന്യതക്ക് പ്രവർത്തിക്കൽ, വിശ്വാസത്തിലും കർമ്മത്തിലും കിതാബിനോടും സുന്നത്തിനോടും എതിരു പ്രവർത്തിക്കൽ, അല്ലാഹുവിനെ ധിക്കരിച്ച് സൃഷ്ടികളെ അനുസരിക്കൽ, അസത്യത്തിന് പക്ഷം ചേരൽ, അല്ലാഹുവിന്റെ വചനങ്ങളെ പരിഹസിക്കൽ, സത്യം തമസ്കരിക്കൽ, നിർബന്ധമായും വെളിപ്പെടുത്തേണ്ട സാക്ഷ്യവും അറിവും മറച്ചു വെക്കൽ, സിഹ്റ്, മാതാപിതാക്കളെ മനസാ വാചാ കർമ്മണാ ദ്രോഹിക്കൽ, അന്യായമായ മനുഷ്യവധം, അനാഥകളുടെ സ്വത്തുഭുജിക്കൽ, പലിശ, യുദ്ധമുഖത്തുനിന്ന് തിരിഞ്ഞോടൽ, സത്യവിശ്വാസിനികളെക്കുറിച്ച് അപവാദം പ്രചരിപ്പിക്കൽ.”  (യക്വ്ളതു ഉലിൽ ഇഅ്തിബാർ. പേ: 222)

നരകശിക്ഷ വാഗ്ദാനം ചെയ്യപ്പെട്ട ഏതാനും പാപങ്ങൾ ഈ അദ്ധ്യായത്തിൽ സലക്ഷ്യം നൽകുന്നു:

അല്ലാഹുവിൽ പങ്കുചേർക്കൽ
അല്ലാഹു  പറയുന്നു:

إِنَّهُ مَن يُشْرِكْ بِاللَّهِ فَقَدْ حَرَّمَ اللَّهُ عَلَيْهِ الْجَنَّةَ وَمَأْوَاهُ النَّارُ ۖ وَمَا لِلظَّالِمِينَ مِنْ أَنصَارٍ ‎﴿٧٢﴾

അല്ലാഹുവോട് വല്ലവനും പങ്കുചേർക്കുന്ന പക്ഷം തീർച്ചയായും അല്ലാഹു അവന് സ്വർഗ്ഗം നിഷിദ്ധമാക്കയിരിക്കുന്നു. നരകം അവന്റെ വാസസ്ഥലം ആയിരിക്കുകയും ചെയ്യും. അക്രമികൾക്ക് സഹായികളായി ആരും തന്നെയില്ല.   വി.ക്വു.(5:72)
അല്ലാഹുവിന്റെ റസൂൽ ‎ﷺ  പറഞ്ഞു:

مَنْ ماتَ وهُوَ يدعُو مِنْ دونِ اللهِ نداًّ، دخلَ النارَ

“അല്ലാഹുവിന് സമന്മാരെവിളിച്ച് പ്രാർത്ഥിച്ചുകൊണ്ട് ആരെങ്കിലും മരിച്ചാൽ അവൻ നരകത്തിൽ പ്രവേശിച്ചതുതന്നെ”
(ബുഖാരി)

مَنْ لَقِيَ الله لاَ يُشْرِكُ بِهِ شَيْئا دَخَلَ الْجَنّةَ, وَمَنْ لَقِيَهُ يُشْرِكُ بِهِ شَيْئا دَخَلَ النّارَ

“അല്ലാഹുവിൽ ഒന്നിനേയും പങ്കുചേർക്കാതെ അവനെ (മരണാനന്തരം) കണ്ടുമുട്ടുന്നവൻ സ്വർഗ്ഗത്തിൽ പ്രവേശിച്ചിരിക്കുന്നു. അവനിൽ വല്ലതിനേയും പങ്കുചേർത്തുകൊണ്ട് (മരണാനന്തരം) കണ്ടുമുട്ടിയവൻ നരകത്തിൽ പ്രവേശിച്ചിരിക്കുന്നു”.
(മുസ്ലിം)
അല്ലാഹുവിന്റെ റസൂൽ ‎ﷺ പറഞ്ഞു:

دخلَ الجنةَ رجلٌ في ذُبابٍ ودخلَ النارَ رجلٌ في ذبابٍ. قالُوا: وكيفَ ذلكَ يا رسولَ الله؟ قالَ: ട്ടمَرَّ رجُلانِ علَى قومٍ لَهُمْ صَنَمٌ لاَ يَجُوزُهُ أَحدٌ حَتىَّ يُقَرِّبَ لَهُ شيئاً، فقالُوا لِأَحَدِهِمَا: قَرِّبْ. قالَ: لَيْسَ عِنْدِي شيءٌ أُقَرِّبُهُ. قالُوا لَهُ: قَرِّبْ وَلَوْ ذُباباً. فَقَرَّبَ ذُباباً، فَخَلُّوا سَبِيلَهُ، فَدَخَلَ النَّارَ. فَقَالُوا لِلآخرِ: قَرِّبْ. فَقالَ: ما كنتُ لأُقَرِّبَ لأَِحدٍ شيئاً دُون اللهِ عزَّ وجلَّ. فَضَربُوا عُنُقَهُ، فَدَخلَ الجنَّةَ

“ഒരു ഈച്ചയുടെ വിഷയത്തിൽ ഒരാൾ സ്വർഗ്ഗത്തിലും, ഒരാൾ നരകത്തിലും പ്രവേശിച്ചു. അവർ ചോദിച്ചു: അല്ലാഹുവിന്റെ റസൂലേ, അതെങ്ങനെ? (നബി) ‎ﷺ  പറഞ്ഞു: രണ്ട് പേർ ഒരു സമൂഹത്തിലൂടെ നടന്നു. അവർക്ക് ഒരു വിഗ്രഹമുണ്ടായിരുന്നു. അതിന് ബലിയർപ്പിക്കാതെ ആരും അതിലുടെ കടന്നു പോകാറില്ല. അവർ അവരിലൊരാളോട് പറഞ്ഞു; വല്ലതും ബലിയർപ്പിക്കൂ. അയാൾ പറഞ്ഞു; എന്റെ അരികിൽ ബലിയർപ്പി ക്കുവാൻ യാതൊന്നുമില്ല. അവർ പറഞ്ഞു: ഒരു ഈച്ചയേയെങ്കിലും ബലിയർപ്പിക്കൂ. അയാൾ ഒരു ഈച്ചയെ ബലിയർപ്പിച്ചപ്പോൾ അവർ അയാളെ വെറുതെ വിട്ടു. അങ്ങനെ അയാൾ നരകത്തിൽ പ്രവേശിച്ചു. അവർ അപരനോട് പറഞ്ഞു: വല്ലതും ബലിസമർപ്പിക്കൂ. അയാൾ പറഞ്ഞു: “അല്ലാഹുവിനല്ലാതെ മറ്റൊരാൾക്കും യാതൊന്നും ബലിയർപ്പിക്കുന്നവനല്ല ഞാൻ.”അവർ അയാളുടെ പിരടിവെട്ടി. അങ്ങനെ അയാൾ സ്വർഗ്ഗത്തിൽ പ്രവേശിച്ചു”.

അല്ലാഹുവേയും ദുതനേയും ധിക്കരിക്കലും നിയമ പരിധികൾ ലംഘിക്കലും
അല്ലാഹു  പറയുന്നു:

وَمَن يَعْصِ اللَّهَ وَرَسُولَهُ وَيَتَعَدَّ حُدُودَهُ يُدْخِلْهُ نَارًا خَالِدًا فِيهَا وَلَهُ عَذَابٌ مُّهِينٌ ‎﴿١٤﴾‏

ആർ അല്ലാഹുവേയും അവന്റെ ദുതനേയും ധിക്കരിക്കുകയും അവന്റെ നിയമ പരിധികൾ ലംഘിക്കുകയും ചെയ്യുന്നുവോ അവനെ അല്ലാഹു നരകാഗ്നയയിൽ പ്രവേശിപ്പിക്കും. അവനതിൽ നിത്യവാസിയായിരിക്കും. അപമാനകരമായ ശിക്ഷയാണ് അവനുള്ളത്.   വി. ക്വു. (4: 14)

വിധിവിശ്വാസത്തെ കളവാക്കൽ
അല്ലാഹുവിന്റെ റസൂൽ ‎ﷺ പറഞ്ഞു:

فمن لم يؤمن بالقدر خيره وشره، أحرقه الله بالنار

“ആരെങ്കിലും ‘ക്വദ്റി’ന്റെ ഖൈറിലും ശർറിലും വിശ്വസിച്ചിട്ടില്ലെങ്കിൽ അവനെ അല്ലാഹു നരകാഗ്നിയാൽ ചുട്ടുകരിക്കുന്നതാണ്”.
ഇബ്നുദ്ദയ്ലമി رَضِيَ اللَّهُ عَنْهُ  യിൽ നിന്ന് നിവേദനം: അദ്ദേഹം പറഞ്ഞു:

أتَيْتُ أُبَيّ بنَ كَعْبٍ, فَقُلْتُ: فِي نَفْسِي شَيْءٌ مِنْ الْقَدَرِ فَحَدّثْنِي بِشَيء لَعَلّ الله يُذْهِبَهُ مَنْ قَلْبِي، فقَالَ: لَوْ أنْفقْتَ مِثْلَ أُحُدٍ ذَهَبَاً مَا قَبِلَهُ الله تَعَالَى مِنْكَ حَتّى تُؤْمِنَ بالْقَدَرِ، وَتَعْلَمَ أنّ مَا أصَابَكَ لَمْ يَكُنْ لِيُخْطِئَكَ وَأَنّ مَا أخْطَأكَ لَمْ يَكُنْ لِيُصِيبَكَ, وَلَوْ مُتّ عَلَى غَيْرِ هَذَا لَكُنْتَ مِنْ أَهْلِ النّارَ. قال: فأتَيْتُ عَبْدَ الله بنَ مَسْعُودٍ وحُذَيْفَةَ بنَ الْيَمَانِ وزَيْدَ بنَ ثَابِتٍ، فكلهم حدثني بمثل ذلك عن النبي ‎ﷺ 

“ഞാൻ ഉബയ്യ് ഇബ്നു കഅ്ബിന്റെ അടുത്ത് ചെന്നു. ഞാൻ പറഞ്ഞു: എന്നിൽ “ക്വദ്റി’നെക്കുറിച്ച് ചില (സന്ദേഹമുള്ള) കാര്യങ്ങളുണ്ട്, താങ്കൾ എനിക്ക് വല്ലതും പറഞ്ഞുതരിക; ഒരുവേള അതുകൊണ്ട് അല്ലാഹു എന്റെ ഹൃദയത്തിൽ നിന്ന് അവ നീക്കി തരും. അപ്പോൾ അദ്ദേഹം പറഞ്ഞു: താങ്കൾ ‘ക്വദ്റി’ൽ വിശ്വസിക്കുന്നതുവരേയും, താങ്കൾക്ക് ബാധിച്ച ഒന്നും തന്നെ താങ്കളിൽനിന്ന് തെറ്റിപോകുമായിരുന്നില്ലെന്നും താങ്കളിൽ നിന്ന് തെറ്റിപ്പോയത് താങ്കൾക്ക് ഏൽക്കുമായിരുന്നില്ലെന്നും താങ്കൾ മനസ്സിലാക്കുന്നതുവരേയും ഉഹ്ദ് മലയോളം സ്വർണ്ണം താങ്കൾ അല്ലാഹുവിന്റെ മാർഗ്ഗത്തിൽ ചിലവഴിച്ചാലും, അല്ലാഹു താങ്കളിൽനിന്ന് സ്വീകരിക്കുകയില്ല. ഇതിലല്ലാതെ (ക്വദ്റിലുള്ള ഈ വിശ്വാസത്തിലല്ലാതെ) യാണ് താങ്കൾ മരണപ്പെടുന്നതെങ്കിൽ താങ്കൾ നരകാഗ്നിയുടെ ആളുകളിൽ പെട്ടുപോകും, തീർച്ച.”
(ഇബ്നുദ്ദയ്ലമി) പറയുന്നു: ഞാൻ ഇബ്നു മസ്ഉൗദ്  رَضِيَ اللَّهُ عَنْهُ , ഹുദൈഫതുൽയമാൻ رَضِيَ اللَّهُ عَنْهُ , സയ്ദ് ഇബ്നു ഥാബിത്ത് رَضِيَ اللَّهُ عَنْهُ , എ ന്നിവരുടെ അടുത്തും ചെന്നു. എല്ലാവരും ഇതുപോലെ എന്നോട് നബി ‎ﷺ യുടെ ഹദീഥ് പറഞ്ഞുതന്നു”.

നമസ്കാരം ഉപേക്ഷിക്കൽ
അല്ലാഹു പറയുന്നു:

فَخَلَفَ مِن بَعْدِهِمْ خَلْفٌ أَضَاعُوا الصَّلَاةَ وَاتَّبَعُوا الشَّهَوَاتِ ۖ فَسَوْفَ يَلْقَوْنَ غَيًّا ‎﴿٥٩﴾‏ إِلَّا مَن تَابَ وَآمَنَ وَعَمِلَ صَالِحًا فَأُولَٰئِكَ يَدْخُلُونَ الْجَنَّةَ وَلَا يُظْلَمُونَ شَيْئًا ‎﴿٦٠﴾

എന്നിട്ട് അവർക്ക് ശേഷം അവരുടെ സ്ഥാനത്ത് ഒരു പിൻതലമുറവന്നു. അവർ നമസ്കാരം പാഴാക്കുകയും തന്നിഷ്ടങ്ങളെ പിന്തുടരുകയും ചെയ്തു. തൻമൂലം ദുർമാർഗത്തിന്റെ ഫലം (നരകം) അവർ കണ്ടെത്തുന്നതാണ്. എന്നാൽ പശ്ചാത്തപിക്കുകയും, വിശ്വസിക്കുകയും സൽകർമ്മം പ്രവർത്തിക്കുകയും ചെയ്തവർ ഇതിൽ നിന്നൊഴിവാകുന്നു. അവർ സ്വർഗത്തിൽ പ്രവേശിക്കുന്നതാണ്. അവർ ഒട്ടും അനീതിക്ക് വിധേയരാവുകയില്ല.   വി. ക്വു. (19 : 59,60)
തങ്ങൾ നരകത്തിൽ പ്രവേശിക്കപ്പെട്ടതിന്റെ കാരണങ്ങൾ ചോദിക്കുമ്പോൾ നരകവാസികൾ നരകത്തിൽവെച്ച് പറയുന്ന മറുപടി നോക്കൂ. അല്ലാഹു  പറയുന്നു:

في جَنَّاتٍ يَتَسَاءَلُونَ ‎﴿٤٠﴾‏ عَنِ الْمُجْرِمِينَ ‎﴿٤١﴾‏ مَا سَلَكَكُمْ فِي سَقَرَ ‎﴿٤٢﴾‏ قَالُوا لَمْ نَكُ مِنَ الْمُصَلِّينَ ‎﴿٤٣﴾

ചില സ്വർഗത്തോപ്പുകളിലായിരിക്കും അവർ(വലതു പക്ഷക്കാർ). അവർ അന്വേഷിക്കും; കുറ്റവാളികളെപ്പറ്റി നിങ്ങളെ നരകത്തിൽ പ്രവേശിപ്പിച്ചത് എന്തൊന്നാണെന്ന്. അവർ(കുറ്റവാളികൾ) മറുപടി പറയും: ഞങ്ങൾ നമസ്കരിക്കുന്നവരുടെ കൂട്ടത്തിലായില്ല.  വി. ക്വു. (74 : 40,41,42,43)

അഹ്ലുസുന്നത്തിനോട് എതിരാകുന്ന കക്ഷിത്വം
നബി ‎ﷺ പറഞ്ഞു:

أَلَا إِنَّ مَنْ قَبْلَكُمْ مِنْ أَهْلِ الْكِتَابِ افْتَرَقُوا عَلَى ثِنْتَيْنِ وَسَبْعِينَ مِلَّةً وَإِنَّ هَذِهِ الْمِلَّةَ سَتَفْتَرِقُ عَلَى ثَلَاثٍ وَسَبْعِينَ. ثِنْتَانِ وَسَبْعُونَ فِي النَّارِ وَوَاحِدَةٌ فِي الْجَنَّةِ وَهِيَ الْجَمَاعَةُ 

“അറിയുക, നിശ്ചയം നിങ്ങളുടെ പൂർവ്വികരായ വേദക്കാർ എഴുപത്തിരണ്ടുകക്ഷികളായി പിരിയുകയുണ്ടായി. ഈ സമുദായം എഴുപത്തിമൂന്ന് കക്ഷികളായി പിരിയും. (അതിൽ) എഴുപത്തിരണ്ടും നരകത്തിലാണ്. ഒന്ന് സ്വർഗ്ഗത്തിലാണ്. അതത്രെ അൽജമാഅഃ (അഥവാ പ്രവാചകൻ ‎ﷺ യും സ്വഹാബികളും നിലനിന്ന മാർഗ്ഗത്തിൽ നിലകൊള്ളുന്നവർ”

ദീൻ ബലി നൽകേണ്ടിവന്നിട്ടും ഹിജ്റഃ പോകാതിരിക്കൽ
അവിശ്വാസികൾക്കിടയിൽ താമസിക്കുമ്പോൾ ആദർശം പണയപ്പെടുത്തേണ്ടിവരുമെന്ന അവസ്ഥയുണ്ടായാൽ തന്റെ ദീനിനെ സംരക്ഷിക്കുവാൻ വിശ്വാസികൾക്കിടയിൽ മാറി താമസിക്കലാണ് ഹിജ്റ. ഹിജ്റയിലൂടെ ലക്ഷ്യമാക്കേണ്ടതും ആദർശസംരക്ഷണമാണ്. പ്രസ്തുത ലക്ഷ്യത്തിനുവേണ്ടി ഹിജ്റ പോകൽ മുസ്ലിമിന് നിർബന്ധമാണ്. തന്റെ ദീൻ ബലി നൽകേണ്ടി വന്നിട്ടും അവിശ്വാസികൾക്കിടയിൽ ഒരാൾ കഴി യുന്നുവെങ്കിൽ ആ ആദർശ ശത്രുക്കളായ അവിശ്വാസികളോടുള്ള സ്നേഹവും കൂറുമാണ് അത് അറിയിക്കുന്നത്. ഇവിടെയാണ് ഹിജ്റക്ക് സാധ്യമാണെങ്കിൽ അവിശ്വാസികൾക്കിടയിൽ താമസിക്കുന്നതിനെ അല്ലാഹു നിഷിദ്ധമാക്കിയത്.
അല്ലാഹു പറയുന്നു:

إِنَّ الَّذِينَ تَوَفَّاهُمُ الْمَلَائِكَةُ ظَالِمِي أَنفُسِهِمْ قَالُوا فِيمَ كُنتُمْ ۖ قَالُوا كُنَّا مُسْتَضْعَفِينَ فِي الْأَرْضِ ۚ قَالُوا أَلَمْ تَكُنْ أَرْضُ اللَّهِ وَاسِعَةً فَتُهَاجِرُوا فِيهَا ۚ فَأُولَٰئِكَ مَأْوَاهُمْ جَهَنَّمُ ۖ وَسَاءَتْ مَصِيرًا ‎﴿٩٧﴾‏ إِلَّا الْمُسْتَضْعَفِينَ مِنَ الرِّجَالِ وَالنِّسَاءِ وَالْوِلْدَانِ لَا يَسْتَطِيعُونَ حِيلَةً وَلَا يَهْتَدُونَ سَبِيلًا ‎﴿٩٨﴾‏ فَأُولَٰئِكَ عَسَى اللَّهُ أَن يَعْفُوَ عَنْهُمْ ۚ وَكَانَ اللَّهُ عَفُوًّا غَفُورًا ‎﴿٩٩﴾

(അവിശ്വാസികൾക്കിടയിൽ ജീവിച്ചുകൊണ്ട്) സ്വന്തത്തോട് അന്യായം ചെയ്തവരെ മരിപ്പിക്കുമ്പോൾ മലക്കുകൾ അവരോട് ചോദിക്കും. നിങ്ങളെന്ത് നിലപാടിലായിരുന്നു? അവർ പറയും: ഞങ്ങൾ നാട്ടിൽ അടിച്ചൊതുക്കപ്പെട്ടവരായിരുന്നു. അവർ (മലക്കുകൾ) ചോദിക്കും: അല്ലാഹുവിന്റെ ഭൂമി വിശാലമായിരുന്നില്ലേ? നിങ്ങൾക്ക് സ്വദേശം വിട്ട് അതിൽ എവിടെയെങ്കിലും പോകാമായിരുന്നില്ലേ? എന്നാൽ അത്തരക്കാരുടെ വാസസ്ഥലം നരകമത്രെ. അതെത്ര ചീത്ത സങ്കേതം! എന്നാൽ യാതൊരു ഉപായവും സ്വീകരിക്കുവാൻ കഴിവില്ലാതെ, ഒരു രക്ഷാമാർഗ്ഗവും കണ്ടെത്താനാവാതെ അടിച്ചൊതുക്കപ്പെട്ടവരായി കഴിയുന്ന പുരുഷന്മാരും സ്ത്രീകളും കുട്ടികളും ഇതിൽനിന്ന് ഒഴിവാകുന്നു. അത്തരക്കാർക്ക് അല്ലാഹു മാപ്പ് നൽകിയേക്കാം. അല്ലാഹു അത്യധികം മാപ്പ് നൽകുന്നവനും ഏറെ പൊറുക്കുന്നവനുമാകുന്നു.   വി. ക്വു. (4 : 97,98,99)

വിധിയിൽ അക്രമം കാണിക്കുന്നവർ
ബുറയ്ദഃ رَضِيَ اللَّهُ عَنْهُ  യിൽ നിന്ന് നിവേദനം. അല്ലാഹുവിന്റെ റസൂൽ ‎ﷺ പറഞ്ഞു:

الْقُضَاةُ ثَلَاثَةٌ وَاحِدٌ فِي الْجَنَّةِ وَاثْنَانِ فِي النَّارِ فَأَمَّا الَّذِي فِي الْجَنَّةِ فَرَجُلٌ عَرَفَ الْحَقَّ فَقَضَى بِهِ وَرَجُلٌ عَرَفَ الْحَقَّ فَجَارَ فِي الْحُكْمِ فَهُوَ فِي النَّارِ وَرَجُلٌ قَضَى لِلنَّاسِ عَلَى جَهْلٍ فَهُوَ فِي النَّارِ

“വിധികർത്താക്കൾ മൂന്നുകൂട്ടരാണ്. ഒരാൾ സ്വർഗ്ഗത്തിലും രണ്ടുപേർ നരകത്തിലുമാണ്. സ്വർഗ്ഗത്തിലുള്ള വ്യക്തി, സത്യം അറിയുകയും അത് വിധിക്കുകയും ചെയ്തവനാണ്. എന്നാൽ മറ്റൊരാൾ സത്യം അറിഞ്ഞിട്ടും വിധിയിൽ അക്രമം കാണിച്ചവനാണ്. അതിനാൽ അയാൾ നരകത്തിലാണ്. വേറൊരാൾ, ജഹ്ല് (വിവരക്കേട്) കൊണ്ട് ജനങ്ങൾക്കിടയിൽ വിധിപറഞ്ഞു. അതിനാൽ അയാളും നരകത്തിലാണ്”. 

നബി ‎ﷺ യുടെ പേരിൽ കളവുപറയൽ
അലിയ്യി رَضِيَ اللَّهُ عَنْهُ  ൽനിന്ന് നിവേദനം. നബി ‎ﷺ പറഞ്ഞു:

لَا تَكْذِبُوا عَلَيَّ فَإِنَّهُ مَنْ كَذَبَ عَلَيَّ فَلْيَلِجْ النَّارَ

“നിങ്ങൾ എന്റെ പേരിൽ കളവ് പറയരുത്. കാരണം, ആരെങ്കിലും എന്റെ പേരിൽ കളവുപറഞ്ഞാൽ അവൻ നരകത്തിൽ പ്രവേശിക്കട്ടേ…”  (ബുഖാരി, മുസ്ലിം)

കിബ്റ് അഥവാ അഹങ്കാരം
അബൂഹുറയ്റഃ رَضِيَ اللَّهُ عَنْهُ  ൽ നിന്ന് നിവേദനം. അല്ലാഹുവിന്റെ റസൂൽ ‎ﷺ പറഞ്ഞു:

احْتَجَّتِ النَّارُ وَالْجَنَّةُ. فَقَالَتْ هَـٰذِهِ: يَدْخُلُنِي الْجَبَّارُونَ وَالْمُتَكَبِّرُونَ. وَقَالَتْ هَـٰذِهِ: يَدْخُلُنِي الضُّعَفَاءُ وَالْمَسَاكِينُ. فَقَالَ اللّهُ عَزَّ وَجَلَّ لِهَـٰذِهِ: أَنْتِ عَذَابِي أُعَذِّبُ بِكِ مَنْ أَشَاءُ وَرُبَّمَا قَالَ: أُصِيبُ بِكِ مَنْ أَشَاءُ. وَقَالَ لِهَـٰذِهِ: أَنْتِ رَحْمَتِي أَرْحَمُ بِكِ مَنْ أَشَاءُ، وَلِكُلِّ وَاحِدَةٍ مِنْكُمَا مِلْؤُهَا

“(നരകവും സ്വർഗ്ഗവും തർക്കിച്ചു. അപ്പോൾ നരകം പറഞ്ഞു: എന്നിൽ അഹങ്കാരികളും സ്വേച്ഛാധിപതികളും പ്രവേശിക്കും. അപ്പോൾ (സ്വർഗ്ഗം) പറഞ്ഞു: എന്നിൽ എല്ലാ ദുർബലരും സാധുക്കളും പ്രവേശിക്കും. അപ്പോൾ നരകത്തോട് അല്ലാഹു പറഞ്ഞു: നീ എന്റെ ശിക്ഷയാണ്, നിന്നെകൊണ്ട് ഞാൻ ഉദ്ദേ ശിക്കുന്നവരെ ശിക്ഷിക്കും. (നിന്നെ കൊണ്ട് ഞാൻ ഉദ്ദേശി ക്കുന്നവർക്ക് തീ ഏൽപ്പിക്കും) (സ്വർഗ്ഗത്തോട്) അല്ലാഹു പറഞ്ഞു: നീ എന്റെ കാരുണ്യമാണ് നിന്നെക്കൊണ്ട് ഞാനുദ്ദേശിക്കുന്നവരോട് കരുണകാണിക്കും. നിങ്ങൾ രണ്ടുപേർക്കും അവനിറയെ (ആളുകൾ) ഉണ്ട്”. (മുസ്ലിം)
ഹാരിഥത് ഇബ്നു വഹബി رَضِيَ اللَّهُ عَنْهُ ൽ നിന്ന് നിവേദനം. അല്ലാഹുവിന്റെ റസൂൽ ‎ﷺ  പറഞ്ഞു:

أَلاَ أُخبِرُكم بأهْلِ الجنَّةِ ؟ كُلُّ ضَعِيفٍ مُتَضَعِّفٍ لَوْ أَقْسَمَ عَلَى اللهِ لَأَبَرَّهُ. أَلاَ أُخْبِرُكُم بأهلِ النَّارِ؟ كلُّ عُتُلٍّ جَوّاظٍ مُسْتَكْبِرٍ

“സ്വർഗ്ഗവാസികൾ ആരെന്ന് ഞാൻ നിങ്ങളോടു പറയട്ടെ? എല്ലാ ദുർബലരും അശക്തരായി ഗണിക്കപ്പെടുന്നവരുമാണ്. അയാൾ അല്ലാഹുവിൽ സത്യം ചെയ്താൽ, അവൻ സത്യം ചെയ്ത കാര്യത്തിന് അല്ലാഹു ഉത്തരമേകും. ആരാണ് നരകവാസികൾ എന്ന് ഞാൻ നിങ്ങളോടു പറഞ്ഞുതരട്ടയോ? എല്ലാ അഹങ്കാരികളും ക്രൂരരും പരുഷസ്വഭാവികളുമാണ്”. (ബുഖാരി, മുസ്ലിം)

ചതിയും കുതന്ത്രവും
ഇബ്നുമസ്ഊദി  رَضِيَ اللَّهُ عَنْهُ ൽ നിന്ന് നിവേദനം. അല്ലാഹുവിന്റെ റസൂൽ ‎ﷺ പറഞ്ഞു:

وَالْمَكْرُ وَالْخَدِيعَةُ فِي النَّارِ

“കുതന്ത്രങ്ങളും ചതിപ്രയോഗങ്ങളും നരകാഗ്നിയിലാണ്”

ഹറാമായത് ഭക്ഷിക്കൽ
അബൂബകറി رَضِيَ اللَّهُ عَنْهُ  ൽ നിന്ന് നിവേദനം. അല്ലാഹുവിന്റെ റസൂൽ ‎ﷺ പറഞ്ഞു:

كُلُّ لَحْمٍ نَبَتَ مِنْ سُحْتٍ فَالنَّارُ أَوْلَى بِهِ 

നിഷിദ്ധ സമ്പാദ്യത്തിലൂടെ വളരുന്ന മാംസത്തിന് ഏറ്റവും അർഹമായത് നരകമാണ്”

പുരുഷൻ വസ്ത്രം വലിച്ചിഴക്കൽ
സമുറഃ رَضِيَ اللَّهُ عَنْهُ  യിൽ നിന്ന് നിവേദനം. അല്ലാഹുവിന്റെ റസൂൽ ‎ﷺ പറഞ്ഞു:

مَا تَحْتَ الْكَعْبَيْنِ مِنَ اْلإِزَارِ فَفِي النَّارِ

“രണ്ട് ഞെരിയാണികൾക്ക് താഴെയുള്ള തുണിയുടെ ഭാഗം നരകത്തിലാണ്”

അന്യായമായ മനുഷ്യവധം
അല്ലാഹു പറഞ്ഞു:

وَمَن يَقْتُلْ مُؤْمِنًا مُّتَعَمِّدًا فَجَزَاؤُهُ جَهَنَّمُ خَالِدًا فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَابًا عَظِيمًا ‎﴿٩٣﴾

ആരെങ്കിലും ഒരു സത്യവിശ്വാസിയെ മന:പൂർവ്വം കൊലപ്പെടുത്തുന്ന പക്ഷം അവന്നുള്ള പ്രതിഫലം നരകമാകുന്നു. അവനതിൽ നിത്യവാസിയായിരിക്കും. അവന്റെ നേരെ അല്ലാഹു കോപിക്കുകയും, അവനെ ശപിക്കുകയും ചെയ്തിരിക്കുന്നു. കനത്ത ശിക്ഷയാണ് അവനുവേണ്ടി അല്ലാഹു ഒരുക്കിവെച്ചിട്ടുള്ളത്.  വി. ക്വു. (4: 93)

വധിക്കുവാൻ അന്യോന്യം വാളോങ്ങുന്നവർ
അലിയ്യി رَضِيَ اللَّهُ عَنْهُ  ൽ നിന്ന് നിവേദനം. നബി ‎ﷺ  പറഞ്ഞു:

إِذَا تَوَاجَهَ الْمُسْلِمَانِ بِسَيْفَيْهِمَا فَالْقَاتِلُ وَالْمَقْتُولُ فِي النَّارِ قَالَ فَقُلْتُ أَوْ قِيلَ يَا رَسُولَ اللَّهِ هَذَا الْقَاتِلُ فَمَا بَالُ الْمَقْتُولِ قَالَ إِنَّهُ قَدْ أَرَادَ قَتْلَ صَاحِبِهِ

രണ്ടു മുസ്ലിംകൾ അന്യോന്യം വാളോങ്ങിയാൽ കൊന്നവനും കൊല്ലപ്പെട്ടവനും നരകത്തിലാണ്. അപ്പോൾ ഞാൻ ചോദിച്ചു: (അല്ലെങ്കിൽ ചോദിക്കപ്പെട്ടു:) അല്ലാഹുവിന്റെ റസൂലേ, കൊന്നവൻ നരകത്തിലാണ്. എന്നാൽ കൊല്ലപ്പെട്ടവന്റെ കാര്യം എന്താണ്? നബി ‎ﷺ  പറഞ്ഞു: തീർച്ചയായും തന്റെ കൂട്ടു കാരനെ കൊല്ലുവാൻ അയാൾ ഉദ്ദേശിച്ചിരുന്നു. ട്ട(മുസ്ലിം)
ഇതുകൊണ്ടാണ് ആദം (അ) യുടെ രണ്ടുമക്കളിൽ സത്വൃദ്ധനായ മകൻ തന്റെ സഹോദരനെ വധിക്കുവാൻ കൈനീട്ടാതിരുന്നത്. ഘാതകനായവൻ രണ്ടുപേരുടേയും പാപം പേറുകയും ചെയ്തു. അല്ലാഹു പറഞ്ഞു:

وَاتْلُ عَلَيْهِمْ نَبَأَ ابْنَيْ آدَمَ بِالْحَقِّ إِذْ قَرَّبَا قُرْبَانًا فَتُقُبِّلَ مِنْ أَحَدِهِمَا وَلَمْ يُتَقَبَّلْ مِنَ الْآخَرِ قَالَ لَأَقْتُلَنَّكَ ۖ قَالَ إِنَّمَا يَتَقَبَّلُ اللَّهُ مِنَ الْمُتَّقِينَ ‎﴿٢٧﴾‏ لَئِن بَسَطتَ إِلَيَّ يَدَكَ لِتَقْتُلَنِي مَا أَنَا بِبَاسِطٍ يَدِيَ إِلَيْكَ لِأَقْتُلَكَ ۖ إِنِّي أَخَافُ اللَّهَ رَبَّ الْعَالَمِينَ ‎﴿٢٨﴾‏ إِنِّي أُرِيدُ أَن تَبُوءَ بِإِثْمِي وَإِثْمِكَ فَتَكُونَ مِنْ أَصْحَابِ النَّارِ ۚ وَذَٰلِكَ جَزَاءُ الظَّالِمِينَ ‎﴿٢٩﴾

(നബിയേ,) നീ അവർക്ക് ആദമിന്റെ രണ്ടു പുത്രന്മാരുടെ വൃത്താന്തം സത്യപ്രകാരം പറഞ്ഞുകേൾപ്പിക്കുക. അവർ ഇരുവരും ഒരോ ബലിയർപ്പിച്ച സന്ദർഭം. ഒരാളിൽ നിന്ന് ബലി സ്വീകരിക്കപ്പെട്ടു. മറ്റവനിൽനിന്ന് സ്വീകരിക്കപ്പെട്ടില്ല. മറ്റവൻ പറഞ്ഞു: ഞാൻ നിന്നെ കൊലപ്പെടുത്തുകതന്നെ ചെയ്യും. അവൻ (ബലി സ്വീകരിക്കപ്പെട്ടവൻ) പറഞ്ഞു: ധർമ്മനിഷ്ഠയു ള്ളവരിൽനിന്നു മാത്രമേ അല്ലാഹു സ്വീകരിക്കുകയുള്ളു. എന്നെ കൊല്ലുവാൻ വേണ്ടി നീ എന്റെ നേരെ കൈനീട്ടിയാൽ തന്നെയും, നിന്നെ കൊല്ലുവാൻവേണ്ടി ഞാൻ നിന്റെ നേരെ കൈനീട്ടുന്നതല്ല. തീർച്ചയായും ഞാൻ ലോകരക്ഷിതാവായ അല്ലാഹുവെ ഭയപ്പെടുന്നു. എന്റെ കുറ്റത്തിനും, നിന്റെ കുറ്റത്തിനും നീ അർഹനായിത്തീരുവാനും, അങ്ങനെ നീ നരകാവകാശികളുടെ കൂട്ടത്തിലാകുവാനുമാണ് ഞാൻ ആഗ്രഹിക്കുന്നത്. അതാണ് അക്രമികൾക്കുള്ള പ്രതിഫലം.
വി. ക്വു. (5:27-29)

പരോപദ്രവം
അബൂഹുറയ്റഃ رَضِيَ اللَّهُ عَنْهُ  ൽനിന്ന് നിവേദനം. അല്ലാഹുവിന്റെ റസൂൽ ‎ﷺ പറഞ്ഞു:

أَتَدْرُونَ مَا الْمُفْلِسُ قَالُوا الْمُفْلِسُ فِينَا مَنْ لَا دِرْهَمَ لَهُ وَلَا مَتَاعَ فَقَالَ إِنَّ الْمُفْلِسَ مِنْ أُمَّتِي يَأْتِي يَوْمَ الْقِيَامَةِ بِصَلَاةٍ وَصِيَامٍ وَزَكَاةٍ وَيَأْتِي قَدْ شَتَمَ هَذَا وَقَذَفَ هَذَا وَأَكَلَ مَالَ هَذَا وَسَفَكَ دَمَ هَذَا وَضَرَبَ هَذَا فَيُعْطَى هَذَا مِنْ حَسَنَاتِهِ وَهَذَا مِنْ حَسَنَاتِهِ فَإِنْ فَنِيَتْ حَسَنَاتُهُ قَبْلَ أَنْ يُقْضَى مَا عَلَيْهِ أُخِذَ مِنْ خَطَايَاهُمْ فَطُرِحَتْ عَلَيْهِ ثُمَّ طُرِحَ فِي النَّارِ

“നിങ്ങൾക്കറിയുമോ അരാണ് മുഫ്ലിസ് (പാപ്പരായവൻ) എന്ന്? അവർ പറഞ്ഞു: ഞങ്ങളിൽ മുഫ്ലിസ് യാതൊരു ദിർഹമും വിഭവങ്ങളും ഇല്ലാത്തവരാണ്. അപ്പോൾ അദ്ദേഹം പറഞ്ഞു: എന്റെ ഉമ്മത്തികളിലെ മുഫ്ലിസ് അന്ത്യനാളിൽ സ്വലാത്തും, നോമ്പും, സകാത്തുമായി വരുന്നവനാണ്. അവൻ വരും; ഒരാളെ ചീത്ത പറഞ്ഞിരിക്കും. ഒരാളെപറ്റി അപവാദം പറഞ്ഞിരിക്കും. ഒരാളുടെ സമ്പത്തു (അന്യായമായി) തിന്നിരിക്കും, ഒരാളുടെ രക്തം ചിന്തിയിരിക്കും. ഒരാളെ അടിച്ചിരിക്കും. അപ്പോൾ ഒരോരുത്തർക്കും ഇയാളുടെ നന്മകൾ എടുത്ത് നൽകപ്പെടും. തന്റെമേൽ ബാധ്യതയുള്ളത് നൽകുന്നതിനുമുമ്പ് അയാളുടെ നന്മകൾ തിർന്നാൽ അവരുടെ തിന്മകൾ ഇയാളിലേക്ക് എറിയപ്പെടും. ശേഷം അയാളും നരകത്തിൽ എറിയപ്പെടും”.  (മുസ്ലിം)

പലിശ തിന്നൽ
അല്ലാഹു പറഞ്ഞു:

الَّذِينَ يَأْكُلُونَ الرِّبَا لَا يَقُومُونَ إِلَّا كَمَا يَقُومُ الَّذِي يَتَخَبَّطُهُ الشَّيْطَانُ مِنَ الْمَسِّ ۚ ذَٰلِكَ بِأَنَّهُمْ قَالُوا إِنَّمَا الْبَيْعُ مِثْلُ الرِّبَا ۗ وَأَحَلَّ اللَّهُ الْبَيْعَ وَحَرَّمَ الرِّبَا ۚ فَمَن جَاءَهُ مَوْعِظَةٌ مِّن رَّبِّهِ فَانتَهَىٰ فَلَهُ مَا سَلَفَ وَأَمْرُهُ إِلَى اللَّهِ ۖ وَمَنْ عَادَ فَأُولَٰئِكَ أَصْحَابُ النَّارِ ۖ هُمْ فِيهَا خَالِدُونَ ‎﴿٢٧٥﴾‏ 

പലിശ തിന്നുന്നവർ പിശാചുബാധ നിമിത്തം മറിഞ്ഞുവീഴുന്നവൻ എഴുന്നേൽക്കുന്നതു പോലെയാല്ലാതെ എഴുന്നേൽക്കുകയില്ല. കച്ചവടവും പലിശ പോലെ തന്നെയാണ് എന്ന് അവർ പറഞ്ഞതിന്റെ ഫലമത്രെ അത്. എന്നാൽ കച്ചവടം അല്ലാഹു അനുവദിക്കുകയും പലിശ നിഷിദ്ധമാക്കുകയുമാണ് ചെയ്തിട്ടുള്ളത്. അതിനാൽ അല്ലാഹുവിന്റെ ഉപദേശം വന്നുകിട്ടിയിട്ട് (അതനുസരിച്ച്) വല്ലവനും (പലിശയിൽനിന്ന്) വിരമിച്ചാൽ അവൻ മുമ്പ് വാങ്ങിയത് അവന്നുള്ളത് തന്നെ. അവന്റെ കാര്യം അല്ലാഹുവിന്റെ തീരുമാനത്തിന് വിധേയമായിരിക്കുകയും ചെയ്യും. ഇനി ആരെങ്കിലും (പലിശയിടപാടുകളിലേക്ക് തന്നെ) മടങ്ങുകയാണെങ്കിൽ അവരത്രെ നരകാവകാശികൾ. അവരതിൽ നിത്യവാസികളായിരിക്കും.    വി. ക്വു. (2: 275)

يَا أَيُّهَا الَّذِينَ آمَنُوا لَا تَأْكُلُوا الرِّبَا أَضْعَافًا مُّضَاعَفَةً ۖ وَاتَّقُوا اللَّهَ لَعَلَّكُمْ تُفْلِحُونَ ‎﴿١٣٠﴾‏ وَاتَّقُوا النَّارَ الَّتِي أُعِدَّتْ لِلْكَافِرِينَ ‎﴿١٣١﴾‏

സത്യവിശ്വാസികളെ, നിങ്ങൾ ഇരട്ടിയിരട്ടിയായി പലിശ തിന്നാതിരിക്കുകയും അല്ലാഹുവെ സൂക്ഷിക്കുകയും ചെയ്യുക. നിങ്ങൾ വിജയികളായേക്കാം. സത്യനിഷേധികൾക്ക് ഒരുക്കിവെക്കപ്പെട്ട നരകാഗ്നിയെ നിങ്ങൾ സൂക്ഷിക്കുകയും ചെയ്യുക.
വി. ക്വു. (3: 130,131)

അന്യായമായി സമ്പത്ത് തിന്നൽ
അല്ലാഹു പറഞ്ഞു:

يَا أَيُّهَا الَّذِينَ آمَنُوا لَا تَأْكُلُوا أَمْوَالَكُم بَيْنَكُم بِالْبَاطِلِ إِلَّا أَن تَكُونَ تِجَارَةً عَن تَرَاضٍ مِّنكُمْ ۚ وَلَا تَقْتُلُوا أَنفُسَكُمْ ۚ إِنَّ اللَّهَ كَانَ بِكُمْ رَحِيمًا ‎﴿٢٩﴾‏ وَمَن يَفْعَلْ ذَٰلِكَ عُدْوَانًا وَظُلْمًا فَسَوْفَ نُصْلِيهِ نَارًا ۚ وَكَانَ ذَٰلِكَ عَلَى اللَّهِ يَسِيرًا ‎﴿٣٠﴾‏

സത്യവിശ്വാസികളേ, നിങ്ങൾ പരസ്പരം സംതൃപ്തിയോടുകൂടി നടത്തുന്ന കച്ചവട ഇടപാടു മുഖേനയല്ലാതെ നിങ്ങളുടെ സ്വത്തുകൾ അന്യായമായി നിങ്ങളന്യോന്യം എടുത്തു തിന്നരുത്. നിങ്ങൾ നിങ്ങളെത്തന്നെ കൊലപ്പെടുത്തുകയും ചെയ്യരുത്. തീർച്ചയായും അല്ലാഹു നിങ്ങളോട് കരുണയുള്ളവനാകുന്നു. ആരെങ്കിലും അതിക്രമമായും അന്യായമായും അങ്ങനെ ചെയ്യുന്നപക്ഷം നാമവനെ നരകാഗ്നിയിലിട്ട് കരിക്കുന്നതാണ്. അത് അല്ലാഹുവിന് എളുപ്പമുള്ള കാര്യമാകുന്നു. 
വി. ക്വു. (4: 29,30)

അന്യായമായി അനാഥകളുടെ സ്വത്തുതിന്നൽ
അല്ലാഹു  പറഞ്ഞു:

إنَّ الَّذِينَ يَأْكُلُونَ أَمْوَالَ الْيَتَامَىٰ ظُلْمًا إِنَّمَا يَأْكُلُونَ فِي بُطُونِهِمْ نَارًا ۖ وَسَيَصْلَوْنَ سَعِيرًا ‎﴿١٠﴾

തീർച്ചയായും അനാഥകളുടെ സ്വത്തുകൾ അന്യായമായി തിന്നുന്നവർ അവരുടെ വയറുകളിൽ തിന്നു (നിറക്കു)ന്നത് തീ മാത്രമാകുന്നു. പിന്നീട് അവർ നരകത്തിൽ കത്തിയെരിയുന്നതുമാണ്.  വി. ക്വു. (4: 10)

ചിത്രരചന, രൂപപ്പെടുത്തൽ
ആഇശഃ رَضِيَ اللَّهُ عَنْها  യിൽ നിന്നും നിവേദനം. അല്ലാഹുവിന്റെ റസൂൽ ‎ﷺ  പറഞ്ഞു:

أَشَدّ النّاسِ عَذَاباً يَوْمَ الْقيَامَةِ, الّذِينَ يُضَاهِئونَ بِخَلْقِ اللّهِ

“അന്ത്യനാളിൽ അതികഠിനമായ ശിക്ഷയുള്ളത് അല്ലാഹുവിന്റെ സൃഷ്ടിപ്പിനോട് സദൃശ്യരാകുന്നവർക്കാണ്”.  (ബുഖാരി)